លោកតាអាយុ១១៤ឆ្នាំ មានកូនចៅ១១២នាក់ មិនគួរឲ្យជឿ
- 2015-11-02 15:37:07
- ចំនួនមតិ 0 | ចំនួនចែករំលែក 0
លោកតាអាយុ១១៤ឆ្នាំ មានកូនចៅ១១២នាក់ មិនគួរឲ្យជឿ
ចន្លោះមិនឃើញ
លោកតា Wang Lisheng ជាជនជាតិចិន កើតក្នុងខែមករា ឆ្នាំ ១៩០១ រស់នៅខេត្តជាំងស៊ី ភាគខាងកើតប្រទេសចិន បានធ្វើឲ្យគ្រប់គ្នាសឹងតែមិនជឿពេលលោកតាប្រាប់ថាមានកូនចៅរហូតដល់ទៅ ១១២នាក់។ លោកតាបានរៀបការនៅអាយុ ២៤ឆ្នាំ និងមានកូនបង្កើត ១១នាក់ ដោយនៅរស់សព្វថ្ងៃ ៦នាក់។ កូនចៅទាំង ១១២នាក់នេះ ស្ថិតក្នុង ៤ជំនាន់ ដែលក្នុងនោះ ចៅទួតក្មេងជាងគេបំផុតអាយុ ៥ឆ្នាំ។
ពេលនេះលោកតា អាចដើរបានប្រសើរគួរសមដោយប្រើឈើច្រត់។ លោកតានៅមានស្មារតីរឹងប៉ឹង និងចូលចិត្តជជែកលេងជាមួយអ្នកដទៃ ហើយលោកតាអាចមើលថែខ្លួនឯងបាន។ អាហារដែលតាចូលចិត្តគឺបន្លែ និងប៉ាស្ដា។
លោកតា Wang រស់នៅជាជីវិតសាមញ្ញធម្មតា។ លោកតាធ្លាប់ធ្វើការជាជាងកាត់ដេរខោអាវអស់រយៈពេលជាង ៣៧ឆ្នាំ និងបានធ្វើការងារខាងដាំដំណាំតាំងពីអាយុ ៥៦ឆ្នាំមកម្ល៉េះ។ លោកតាថា ទោះជាមានអាយុវែងបែបនេះ ក៏តានៅតែស្រលាញ់ការងារទាំងនេះដែរ៕
ចុចអាន៖ លោកតាឈរកាន់បាច់ផ្កា ទទួលលោកយាយនៅព្រលានយន្តហោះ
ប្រែសម្រួល៖ឡេង ភារុណ ប្រភព៖people.cn