បុរសម្នាក់ភ័យលស់ព្រលឹង ពេលឃើញបង្កួយធំប្រវែងជាង១ម៉ែត្រ តោងលើជញ្ជាំងផ្ទះ
- 2015-12-06 21:24:15
- ចំនួនមតិ 0 | ចំនួនចែករំលែក 0
បុរសម្នាក់ភ័យលស់ព្រលឹង ពេលឃើញបង្កួយធំប្រវែងជាង១ម៉ែត្រ តោងលើជញ្ជាំងផ្ទះ
ចន្លោះមិនឃើញ
ទិដ្ឋភាពបង្កួយយក្សមកតោងឡើងលើជញ្ជាំងផ្ទះមិនគួរឲ្យជឿ បានធ្វើឲ្យបុរសវ័យចំណាស់អូស្ត្រាលីម្នាក់ មកពីទីក្រុង Thurgoona រដ្ឋ New South Wales ប្រទេស អូស្ត្រាលី ភ័យស្ទើរលស់ព្រលឹង។
បង្កួយយក្សធំគួរឲ្យខ្លាចនោះ បានមកតោងឡើងលើជញ្ជាំង បុរសម្ចាស់ផ្ទះវ័យ ៨០ឆ្នាំ គឺលោក Eric Holland ធ្វើគាត់ភ័យមិនស្ទើរ។ ហេតុការណ៍បានកើតឡើងកាលពីថ្ងៃសុក្រកន្លងទៅ ហើយវាត្រូវគេស្គាល់ថាជាសន្តានបង្កួយយក្សឈ្មោះ Lace Monitors ។
ដំបូងឡើង លោក Holland បានចេញមកខាងក្រៅផ្ទះបំណងដើរលេង ភ្លាមនោះស្រាប់តែគាត់ពើបប្រទះនឹងសត្វបង្កួយធំងើបក្បាលមើលលោកតែម្ដង។ ទោះជាឃើញលោក Holland ក្ដីបង្កួយនៅតែតោងលើជញ្ជាំងជាប់ដដែល ចំណែកលោក Holland ក្រោយឃើញបែបនេះ ទោះជាមានអារម្មណ៍ខ្លាចយ៉ាងណាក្ដី ក៏បានសម្រេចចិត្តប្រថុយដេញសត្វបង្កួយយក្សនោះចេញ ដោយយកបំពង់ទុយយោ ទៅកៀសកន្ទុយវាចេញ ហើយបង្កួយយក្សក៏តោងចុះរត់ចូលគុម្ពព្រៃបាត់ទៅ។
មុនពេលលោក Holland បានដេញបង្កួយចេញ លោកក៏បានថតរូបវាយកមកដែរ លោកបានប៉ាន់ប្រមាណថា បង្កួយនោះអាចមានប្រវែងប្រហែល១៥០សង់ទីម៉ែត្រ។។ លោក Holland បាននិយាយផ្ដល់បទសម្ភាសជាសារព័ត៌មាន Daily Mail Australia ថា៖ " ខ្ញុំបានមករស់នៅទីនេះ អស់១៨ឆ្នាំហើយ ប៉ុន្តែមិនដែលបានឃើញបង្កួយធំបែបនេះនោះទេ។ វាគឺធំមែនទែន! "។
ពូជបង្កួយ Lace Monitors ជាសន្តានបង្កួយដើមរស់នៅភាគខាងកើតនៃប្រទេសអូស្ត្រាលី វាអាចមានប្រវែង ២ម៉ែត្រ និងទម្ងន់អាចដល់២០គីឡូក្រាម៕
ចុចអាន៖ ប្រជាជនអាមេរិកកំពុងផ្អើលក្រោយស្ត្រីម្នាក់ថតបានមនុស្សបង្កួយ
ប្រែសម្រួល៖ មាន រតនា ប្រភព៖ dailymail