Galaxy S7 អាចនឹងមានតម្លៃថោកជាង Galaxy S6 ១០ភាគរយ
- 2015-12-08 15:01:46
- ចំនួនមតិ 0 | ចំនួនចែករំលែក 0
Galaxy S7 អាចនឹងមានតម្លៃថោកជាង Galaxy S6 ១០ភាគរយ
ចន្លោះមិនឃើញ
ពាក្យចចាមអារ៉ាមថ្មីមួយទៀតពាក់ព័ន្ធនឹង Galaxy S7 បានឲ្យដឹងថាទូរសព្ទនេះអាចនឹងដាក់លក់ក្នុងតម្លៃថោកជាង Galaxy S6 ដើម្បីជាការប្រកួតប្រជែងជាមួយនឹងក្រុមហ៊ុនទូរសព្ទដទៃ។
អ្នកវិភាគប្រចាំនៅប្រទេសចិនលោក Pan Jiutang បានធ្វើការទាយទុកជាមុនថាក្រុមហ៊ុន Samsung នឹងកាត់បន្ថយតម្លៃទូរសព្ទជំនាន់ថ្មីរបស់ខ្លួនឲ្យទាបជាងជំនាន់មុន។ នេះបើយោងតាមវិបសាយ Times of India។ ប្រសិនបើការរាយការណ៍នេះអាចជឿទុកចិត្តបាន ទូរសព្ទ Galaxy S7 អាចនឹងមានតម្លៃថោកជាង Galaxy S6 ប្រមាណ១០ភាគរយ។
ក្រៅពីពាក្យចចាមអារ៉ាមមួយនេះកន្លងមកក៏មានពាក្យចចាមអារ៉ាមបានផ្សព្វផ្សាយពាក់ព័ន្ធនឹងលក្ខណៈសម្បត្តិរបស់ Galaxy S7 ដូចជា អេក្រង់ទំហំ៥,២អ៊ីញជាមួយនឹងមុខងារ 3D Touch, កាមេរ៉ាក្រោយទំហំ២៣MP និងខាងមុខ៨MP, RAM ទំហំ៤GB និងអង្គចងចាំអាចធ្វើការបន្ថែមពីខាងក្រៅបាន។
គួររំលឹកថានៅសល់តែបីខែទៀតប៉ុណ្ណោះកម្មវិធី Upacked របស់ក្រុមហ៊ុន Samsung នឹងត្រូវប្រារព្ធឡើង ហើយពេលនោះឯងដែលគេជឿថាវត្តមាន Galaxy S7 នឹងបង្ហាញជាផ្លូវការ៕
ចុចអាន៖ Apple ជាប់ឈ្មោះជាក្រុមហ៊ុនមានគំនិតច្នៃប្រឌិតខ្ពស់ជាងគេក្នុងលោក
ប្រែសម្រួល៖ ហៃ សុខហេង ប្រភព៖ International Business Times