ក្មេងស្រីតូចពីស៊ីរី សម្រក់ទឹកភ្នែកលើឆាក The Voice ពេលច្រៀងចម្រៀងសុំសន្តិភាពសម្រាប់ប្រទេសខ្លួន
- 2016-01-12 21:41:44
- ចំនួនមតិ 0 | ចំនួនចែករំលែក 0
ក្មេងស្រីតូចពីស៊ីរី សម្រក់ទឹកភ្នែកលើឆាក The Voice ពេលច្រៀងចម្រៀងសុំសន្តិភាពសម្រាប់ប្រទេសខ្លួន
ចន្លោះមិនឃើញ
កុមារីស៊ីរីម្នាក់ឈ្មោះថា Ghina Bou Hemdan បានសម្រក់ទឹកកណ្ដាលទីលើឆាកប្រលងចម្រៀងកម្មវិធី The Voice Kid អារ៉ាប បន្ទាប់ពីនាងច្រៀងចម្រៀងមួយបទដែលជាចម្រៀងដើមរបស់ប្រទេសលីបង់ មានអត្ថន័យស្រដៀងនឹងសន្តិសុខប្រទេសរបស់ខ្លួនបច្ចុប្បន្ន។
ក្នុងការឈានជើងមកប្រលង ក្មេងស្រីអាយុ៩ឆ្នាំបានលើកយកបទដែលមានចំណងជើងថា "Give us childhood, give us peace" ដែលជាចម្រៀងដើមរបស់ប្រទេសលីបង់។ ចាប់ផ្ដើមច្រៀងដំបូង Ghina ធ្វើបានល្អមែនទែន ដោយទាក់ចិត្តគណៈកម្មការស្រី Nancy Ajram បង្វែរកៅអីមុនគេ ប៉ុន្តែពេលច្រៀងតបានបន្តិចទឹកភ្នែករបស់នាងក៏ហូរមកតែម្ដង សូម្បីតែគ្រួសារនិងទស្សនិកជនក៏យំតាមដែរ។
ភ្លាមនោះ គណៈកម្មការ Nancy Ajram ក៏បានរត់ទៅលើឆាកដើម្បីលើកទឹកចិត្តឲ្យក្មេងស្រីច្រៀងបន្ត បន្ទាប់មកគណៈកម្មការប្រុសម្នាក់ទៀតក៏បានបង្វែរកៅអីនិងរត់ទៅចុចប៉ូតុងគណៈកម្មការមួយរូបទៀត។
“Give us childhood, give us peace” គឺជាបទដើមរបស់តារាចម្រៀងប្រទេសលីបង់ Remi Bandali ដែលរៀបរាប់ពីទុក្ខលំបាករបស់កុមារលីបង់ក្នុងសង្គ្រាមស៊ីវិលចន្លោះឆ្នាំ១៩៧៩និង១៩៩០ដែលមានជនរងគ្រោះប្រមាណ១២០ ០០០នាក់៕
ចុចអាន៖បេក្ខនារី The Voice ម្នាក់នេះពិតជាពិសេស គ្រាន់តែបង្ហើរសំនៀងភ្លាមគ្រូបង្វឹកចុចយកភ្លែត
ប្រែសម្រួល៖ ហេង សុធារិទ្ធិ ប្រភព៖ dailymail