ជាង ៣ ម៉ោងទៀត កម្មវិធីប្រកួតប្រជែងគំនិតអាជីវកម្មនឹងចាប់ផ្ដើម
- 2016-01-22 20:53:07
- ចំនួនមតិ 0 | ចំនួនចែករំលែក 0
ជាង ៣ ម៉ោងទៀត កម្មវិធីប្រកួតប្រជែងគំនិតអាជីវកម្មនឹងចាប់ផ្ដើម
ចន្លោះមិនឃើញ
នៅម៉ោង ៤ កន្លះល្ងាចនេះ កម្មវិធីប្រកួតប្រជែងគំនិតអាជីវកម្ម ដែលមានឈ្មោះថា Startup Weekend Phnom Penh នឹងចាប់ផ្ដើមដំណើរការ នៅ The Emerald Hub ជាន់ទី ១១ នៃអគារសាកលវិទ្យាល័យភ្នំពេញអន្តរជាតិ មុខវិទ្យាល័យបាក់ទូក។
រូបតំណាង
បើតាមលោក សុខ លាភ អ្នករៀបចំកម្មវិធីបានឱ្យដឹងថា កម្មវិធីរៀបចំដោយមេដឹកនាំស្ម័គ្រចិត្តនេះ ធ្វើឡើងក្នុងគោលបំណងបង្កើតបរិយាកាស ឱ្យមនុស្សចូលចិត្តវិស័យជំនួញបានជួបគ្នា សិក្សាពីគ្នា បង្កើតបណ្ដាញ ចែករំលែកចំណេះដឹង និងបង្កើតអ្វីថ្មីជាមួយគ្នាជាដើម។
កម្មវិធីនេះដែរមានគណៈកម្មការ ដាក់ពិន្ទុនិងកាត់សេចក្ដី ដែលសុទ្ធសឹងតែជាបុគ្គលជោគជ័យ មានបទពិសោធន៍ខាងជំនួញ ដូចជា លោក ជី សិលា នាយកប្រតិបត្តិនៃក្រុមហ៊ុន Sabay Digital Corporation លោក Divon Lan មកពីក្រុមហ៊ុន Emerging Markets Entrepreneur លោកស្រី ជា សុផល្លា នាយិកាប្រតិបត្តិនៃក្រុមហ៊ុន Emerald+ លោក Tomas Pokorny នាយកប្រតិបត្តិនៃក្រុមហ៊ុន WorldBridgE Commerce និងលោក Steven Path នាយកប្រតិបត្តិនៃក្រុមហ៊ុន Pathmazing។
កម្មវិធីដែលមានរយៈពេលបីថ្ងៃ គឺ ២២ ដល់ ២៤ មករា ឆ្នាំ ២០១៦ នេះ ត្រូវបានរំពឹងថា នឹងមានអ្នកចូលរួមចាប់ពី ១០ ទៅ ២០ ក្រុម ដើម្បីប្រកួតប្រជែង ពីគំនិតអាជីវកម្មរបស់ពួកគេ ហើយចំពោះអ្នកចង់ចូលរួមត្រូវបង់ ៣០ ដុល្លារក្នុងម្នាក់។ នេះបើតាមការថ្លែងរបស់លោក សុខ លាភ។
លោកស្រី ជុន សុថានី ៖ ក្រុមហ៊ុនមួយនឹងក្ស័យធន បើគ្មានការគ្រប់គ្រងសាច់ប្រាក់
ឯកឧត្ដម សុក ស៊ីផាន់ណា៖ ដើមឆ្នាំក្រោយកម្ពុជានឹងមានច្បាប់ E-Commerce
អត្ថបទ៖ អ៊ុំ សុភក្តិ