ដេកពេទ្យ ១៦ឆ្នាំ ទើបរកឃើញសាច់ញាតិ
- 2016-02-02 18:48:01
- ចំនួនមតិ 0 | ចំនួនចែករំលែក 0
ដេកពេទ្យ ១៦ឆ្នាំ ទើបរកឃើញសាច់ញាតិ
ចន្លោះមិនឃើញ
បុរសម្នាក់ដែលបានសម្រាកព្យាបាលក្នុងមន្ទីរពេទ្យ Sharp Coronado ទីក្រុង San Diego រដ្ឋកាលីហ្វញ៉ា សហរដ្ឋអាមេរិក អស់រយៈពេល ១៦ឆ្នាំ ដោយគ្មានសាច់ញាតិណាម្នាក់ដឹង ពេលនេះត្រូវគេបង្ហាញអត្តសញ្ញាណហើយ។
អ្នកជំងឺនេះត្រូវគេដាក់ឈ្មោះថ្មីថា Garage 66 បានរងរបួសធ្ងន់ធ្ងរផ្នែកក្បាលក្នុងគ្រោះថ្នាក់ចរាចរណ៍គួរឲ្យរន្ធត់មួយកាលពីខែមិថុនា ឆ្នាំ ១៩៩៩។ លោកបាត់បង់ការចងចាំ មិនអាចនិយាយបាន ហើយក៏មិនឆ្ងល់ពីបរិស្ថានជុំវិញស្នាក់នៅដែរ។
កាលពីសប្ដាហ៍មុន ស្ថានកុងស៊ុលម៉ិកស៊ីកូ ក្នុងទីក្រុង San Diego បានប្រកាសសហប្រតិបត្តិការជាមួយក្រុមគ្រូពេទ្យ អាជ្ញាធរសម្រាប់ជនភៀសខ្លួន អ្នកនយោបាយ និងគ្រូបង្រៀននានា ទើបរកឃើញអត្តសញ្ញាណអ្នកជំងឺ។
ដោយសារតែច្បាប់រក្សាព័ត៌មានសម្ងាត់អ្នកជំងឺ ទើបមន្ទីរពេទ្យខាងលើមិនអាចបង្ហាញឈ្មោះពិតប្រាកដ ព័ត៌មានលម្អិត និងស្ថានភាពជំងឺ គាត់បានឡើយ។ ចំណែកសមាជិកគ្រួសារអ្នកជំងឺ មិនអាចប្រាប់ប្រព័ន្ធផ្សព្វផ្សាយឡើយ ដោយចាត់ទុកថារឿងផ្ទាល់ខ្លួនពួកគេ។
បុរសខាងលើត្រូវគេជឿថាមានអាយុខ្ទង់ ៣០ឆ្នាំ ត្រូវបានគេជួយសង្គ្រោះទាញចេញពីរថយន្ត ក្រោយជួបគ្រោះថ្នាក់ចរាចរណ៍បុកគ្នានៅជិតព្រំដែនអាមេរិក-ម៉ិកស៊ីកូ ឆ្នាំ ១៩៩៩។ បើតាមប្រភពក្រុមគ្រូពេទ្យ ថ្លៃព្យាបាលអ្នកជំងឺមានប្រមាណ ៧០០ដុល្លារក្នុងមួយថ្ងៃ និងរយៈពេលជាង១៦ឆ្នាំ ដែលឧបត្ថម្ភដោយកម្មវិធី Medi-Cal របស់រដ្ឋកាលីហ្វញ៉ា សម្រាប់ជនក្រីក្រ និងពិការ។
មកទល់ពេលនេះ ក្រុមគ្រួសារ សាច់ញាតិបងប្អូន របស់អ្នកជំងឺ បានកំពុងមើលថែហើយ តែពួកគេពុំសូវមានសង្ឃឹមថាអាចនឹងព្យាបាលដូចដើមបានឡើយ៕
ចុចអាន៖ អត្ថប្រយោជន៍សំខាន់ៗ៧ទៀតនៃការរួមភេទ ដែលអ្នកមិនដឹង
ចុចអាន៖ ជាង២ម៉ឺននាក់ប្រឈមឆ្លងអេដស៍ដោយសារធ្វើធ្មេញ
ចុចអាន៖ ស្ត្រីម្នាក់មានដែកគោល២០០០ដើម សង្ស័យថាអាបធ្មប់
ប្រែសម្រួល៖ ឡេង ភារុណ ប្រភព៖ San Diego Tribune