រកឃើញគ្រាប់ពេជ្រយក្សធំបំផុតមួយលើផែនដី ទំហំ៤០៤ការ៉ាត់
- 2016-02-16 16:41:14
- ចំនួនមតិ 0 | ចំនួនចែករំលែក 0
រកឃើញគ្រាប់ពេជ្រយក្សធំបំផុតមួយលើផែនដី ទំហំ៤០៤ការ៉ាត់
ចន្លោះមិនឃើញ
គ្រាប់ពេជ្រដ៏ធំសម្បើមមួយ ស្ថិតក្នុងចំណោមគ្រាប់ពេជ្រធំៗនៅលើផែនដីផ្សេងទៀត ត្រូវបានគេរកឃើញនាពេលថ្មីៗនេះ នៅប្រទេសអង់ហ្គោឡា។ នេះបើតាមការប្រកាសរបស់ក្រុមហ៊ុនរុករករ៉ែ Lucapa កាលពីថ្ងៃច័ន្ទម្សិលមិញ។
គ្រាប់ពេជ្រនេះមានទំហំ ៤០៤,២ការ៉ាត់ ប្រវែង ៧សង់ទីម៉ែត្រ ពោលប្រវែងស្មើកាតឥណទាន និងជីកបានដោយក្រុមហ៊ុនពេជ្រជាតិរបស់អង់ហ្គោឡា Endiama សហការជាមួយក្រុមហ៊ុនពេជ្រ Lucapa Diamond និង Rosas&Petalasក្នុងគម្រោង Lulo Diomond។
ក្រុមហ៊ុនជំនាញខាងត្រួតពិនិត្យគុណភាពពេជ្រ Yehuda ដែលមានមូលដ្ឋាននៅទីក្រុងញីវយ៉ក បានយកគ្រាប់ពេជ្រយក្សនេះតេស្ដពណ៌ និងភាពពិតប្រាកដរបស់វា និងរកឃើញថាពេជ្រនេះស្ថិតក្នុងប្រភេទថ្ម IIa មានន័យថាជាពេជ្រមានគុណភាពល្អឥតខ្ចោះ។ ចំណែកពណ៌ប្រភេទ D-colored គឺគ្មានពណ៌ ដែលគេចាត់ទុកជាពេជ្រកម្របំផុត និងមានតម្លៃបំផុត ចំពោះពេជ្រគ្មានពណ៌។
គម្រោង Lulo Dioamond Progect ចាប់ផ្ដើមរុករកនៅលើផ្ទៃដី ២៩៧៣គីឡូម៉ែត្រការ៉េ នៅភាគកណ្ដាលប្រទេសអង់ហ្គោឡាក្នុងឆ្នាំ ២០១៥ និងបានរកឃើញគ្រាប់ពេជ្រធំៗប្រមាណ ៦០គ្រាប់ផងដែរ។
អង់ហ្គោឡា ជាប្រទេសមានផលិតផលពេជ្រធំលំដាប់ទី ៤ក្នុងលោក ហើយពេជ្រ ៤០៤,២ការ៉ាត់នេះ ជាពេជ្រធំបំផុតដែលរកឃើញក្នុងប្រទេសអង់ហ្គោឡា ដោយកាលឆ្នាំ ២០០៧ គេធ្លាប់រកឃើញពេជ្រទម្ងន់ ២១៧,៤ការ៉ាត់ ឈ្មោះ Agolan Star។
ចំណែកគ្រាប់ពេជ្រធំបំផុតក្នុងលោកទំហំ ៣ ១០៦ការ៉ាត់ ត្រូវបានគេរកឃើញនៅអាហ្វ្រិកខាងត្បូងក្នុងឆ្នាំ ១៩០៥ ត្រូវគេដាក់ឈ្មោះ Cullinan។ ពេជ្រអង់ហ្គោឡាមួយនេះ ត្រូវគេកត់ចូលក្នុងកំណត់ត្រាពេជ្រធំបំផុតទី ២៧ ហើយក្នុងពិភពលោក៕
ចុចអាន៖ សុំមិត្តស្រីរៀបការឡើងគគ្រឹកគគ្រេងតែបរាជ័យ ព្រោះចិញ្ចៀនពេជ្រតូចពេក
ចុចអាន៖ រកឃើញដុំពេជ្រយក្ស១១១១ការ៉ាត់ ធំជាងគេទី២ក្នុងលោក
ចុចអាន៖ មហាសេដ្ឋីហុងកុងចំណាយ៧៧លានដុល្លារ ទិញពេជ្រ២គ្រាប់ឲ្យកូនស្រីអាយុ៧ឆ្នាំ
ប្រែសម្រួល៖ ឡេង ភារុណ ប្រភព៖ CNN
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
