ចប់បាក់ឌុប៧៤ឆ្នាំ គេទើបព្រមប្រគល់សញ្ញាប័ត្រឲ្យ ដោយសារ..
- 2016-03-11 18:21:01
- ចំនួនមតិ 0 | ចំនួនចែករំលែក 0
ចប់បាក់ឌុប៧៤ឆ្នាំ គេទើបព្រមប្រគល់សញ្ញាប័ត្រឲ្យ ដោយសារ..
ចន្លោះមិនឃើញ
លោកយាយវ័យ៩៣ឆ្នាំ រស់នៅរដ្ឋ Ohio សហរដ្ឋអាមេរិកទើបទទួលសញ្ញាប័ត្របាក់ឌុបនៅថ្ងៃពុធ ទី ៩មិនាឆ្នាំ ២០១៦ កន្លងទៅ ក្រោយបញ្ចប់ការសិក្សាក្នុងឆ្នាំ ១៩៤២ ដែលគិតមកត្រឹមពេលនេះមានរយៈពេល ៧៤ឆ្នាំហើយ។
លោកយាយ Dorothy Liggett បានបញ្ចប់ការសិក្សាដោយជោគជ័យនៅវិទ្យាល័យ North ទីក្រុង Akron តែនៅពីរបីសប្ដាហ៍ក្រោយ ត្រូវមន្ត្រីប្រចាំសាលារកឃើញថាគាត់បានរៀបការរួចហើយ ដែលសាលាមិនអាចចេញសញ្ញាប័ត្រឲ្យបានឡើយ។
រហូតដល់ថ្ងៃខួបកំណើតលោកយាយកាលពីថ្ងៃពុធ នាយកសាលាថ្មីលោក David James បានយកសញ្ញាប័ត្រជូនលោកយាយដល់ផ្ទះនៅជាយក្រុង Fairlawn ដែលធ្វើឲ្យគ្រប់គ្នាភ្ញាក់ផ្អើលយ៉ាងខ្លាំង។
ការទទួលបាននេះ គឺដោយសារកូនស្រីរបស់ Liggett បានសរសេរលិខិតទៅកាន់នាយកសាលាអំពីប្រវត្តិសិក្សារបស់ម្ដាយគាត់ ហើយវាជាអ្វីដែលម្ដាយគាត់សុបិនចង់បានជាយូរមកហើយ។ លោក Jame រកឃើញថា លោកយាយជាសិស្សល្អម្នាក់ តែមិនទាន់ទទួលបានសញ្ញាប័ត្រដោយសារកំហុសតិចតួចទៅវិញ។
លោកយាយ Ligget និងស្វាមីលោក John Huston បានគេចទៅរៀបការនៅទីក្រុង Kentucky បន្ទាប់ពីគាត់ត្រូវគេអំពាវនាវឲ្យចូលរួមធ្វើទ័ពអាកាសអាមេរិក អំឡុងសង្គ្រាមលោកលើកទីពីរ ដែលកាលនោះ John Huston បានបញ្ចប់ក្នុងវិទ្យាល័យតែមួយ ២ឆ្នាំមុន។
សាលាដឹងថាលោកយាយមានស្វាមី ដោយសារថ្ងៃរៀនមួយ យុវសិស្ស Ligget បានភ្លេចយកសំលៀកបំពាក់ហាត់ប្រាណទៅសាលា ហើយគ្រូក៏បានប្រាប់ឲ្យគាត់ទៅកាន់បន្ទប់ពិសេស តែ Ligget ឆ្លើយថា "មិនទៅទេ ខ្ញុំរៀបការហើយ។ ខ្ញុំសុខចិត្តទៅផ្ទះ"។ ពេលនោះសាលា បានធ្វើតាមគោលការណ៍ ដែលត្រូវហាមសិស្សរៀបការរួចទាំងអស់។
ឯមកដល់បច្ចុប្បន្ននេះ នាយកសាលាលោក Jame គិតថាមានតែថ្ងៃខួបកំណើតលោកយាយ ៩៣ឆ្នាំទេ ដែលជាឱកាសពិសេសបំផុត ដើម្បីជួនសញ្ញាប័ត្រលោកយាយវិញ៕
ចុចអាន៖ លោកយាយអាយុ១០០ឆ្នាំ ទទួលបានសញ្ញាប័ត្រលើកដំបូង
ចុចអាន៖ ចប់អនុបណ្ឌិត បែរមកលក់នំបញ្ចុក!
ចុចអាន៖ លោកតាអាយុ៨៦ឆ្នាំប្រលងបាក់ឌុបលើកទី១៥ ដើម្បីចូលរៀនសាកលវិទ្យាល័យ
ប្រែសម្រួល៖ ឡេង ភារុណ ប្រភព៖ Ohio