បន្ទប់គេងក្នុងចំណោមហ្វូងត្រីឆ្លាម កំពុងទទួលការចាប់អារម្មណ៍ខ្លាំងនៅបារាំង
- 2016-03-31 17:13:45
- ចំនួនមតិ 0 | ចំនួនចែករំលែក 0
បន្ទប់គេងក្នុងចំណោមហ្វូងត្រីឆ្លាម កំពុងទទួលការចាប់អារម្មណ៍ខ្លាំងនៅបារាំង
ចន្លោះមិនឃើញ
Airbnb ជាបន្ទប់គេងមានកញ្ចក់ការពារដ៏រឹងមាំ ដែលគេទម្លាក់ក្នុងទឹក សម្រាប់គយគន់ទេសភាពក្រោមផ្ទៃទឹក នឹងដាក់ដំណើរការនៅទីក្រុងប៉ារីស ប្រទេសបារាំង ឆាប់ៗនេះហើយ។
អាងចិញ្ចឹមត្រី Aquarium de Paris នឹងបើកទ្វារស្វាគមន៍ភ្ញៀវទេសចរគ្រប់មជ្ឈដ្ឋាន ដើម្បីគេងក្នុងបន្ទប់ Airbnb ដែលព័ទ្ធជុំវិញដោយត្រីឆ្លាមធំៗប្រមាណ ៣៥ក្បាល ហែលក្រឡឹងឥតឈប់។
ភ្ញៀវនឹងគេងក្នុងទឹកជម្រៅ ១០ម៉ែត្រ ក្នុងអាងហែលមួយ ដែលផ្ទុកទឹកជាង៣លានលីត្រ។ រៀងរាល់យប់ ភ្ញៀវ៤នាក់ អាចគេងក្នុងបន្ទប់ខាងលើ អមជាមួយអ្នកជំនាញលឹបទឹកលំដាប់ពិភពលោក Fred Buyle អ្នកថតរូបក្រោមទឹក និងអ្នកអភិរក្សត្រីឆ្លាមម្នាក់ទៀត។
អំឡុងពេល Airbnb ទម្លាក់ចូលក្នុងទឹក លោក Buyle នឹងធ្វើពិធីសម្ដែងស្វាគមន៍ភ្ញៀវតាមរយៈការរាំជាមួយត្រីឆ្លាម និងពន្យល់រៀបរាប់ពីការរស់នៅរបស់ត្រីឆ្លាម។
នាយកប្រតិបត្តិរបស់អាងចិញ្ចឹមត្រី Aquarium de Paris លោក Alexis L. Powilewicz និយាយថា "យើងមានអារម្មណ៍រំភើបជាខ្លាំង ក្នុងការដាក់ដំណើរការអាងហែលទឹកមានត្រីឆ្លាមបែបនេះទៅកាន់ពិភពលោកជាលើកដំបូង ដែលជាឱកាសឲ្យភ្ញៀវបានរីករាយ ប្លែកអារម្មណ៍ និងទទួលបទពិសោធន៍ថ្មី។
ត្រីឆ្លាមមានសារសំខាន់ណាស់សម្រាប់ប្រព័ន្ធអេកូឡូស៊ីសមុទ្រ ប្រសិនបើពួកវាបាត់បង់ វានឹងក្លាយជាការគំរាមកំហែងមួយដល់សមុទ្រ ដូច្នេះគ្រប់គ្នាត្រូវតែការពារពួកវា។ ថ្ងៃបើកឲ្យភ្ញៀវមានឱកាសចូលលេងនឹងប្រព្រឹត្តទៅចាប់ពីថ្ងៃទី ១១ដល់ ១៣មេសាខាងនេះហើយ៕
ចុចអាន៖ សាហាវអស់ទាស់ ហ៊ានលោតចូលទឹកសុទ្ធតែត្រីឆ្លាម (វីដេអូ)
ចុចអាន៖ តំបន់ទេសចរណ៍ស្អាតបំផុត និងគ្រោះថ្នាក់បំផុតក្នុងលោក
ប្រែសម្រួល៖ ឡេង ភារុណ ប្រភព៖ People Daily