បុរសជាប់គុក២២ឆ្នាំទាំងគ្មានកំហុស ស្រក់ទឹកភ្នែកពេលឃើញកូនទទួលសញ្ញាប័ត្រ
- 2016-04-27 17:55:29
- ចំនួនមតិ 0 | ចំនួនចែករំលែក 0
បុរសជាប់គុក២២ឆ្នាំទាំងគ្មានកំហុស ស្រក់ទឹកភ្នែកពេលឃើញកូនទទួលសញ្ញាប័ត្រ
ចន្លោះមិនឃើញ
លោក Eddie Bolden ត្រូវបានជាប់ពន្ធនាគាររយៈពេល ២២ឆ្នាំដោយគ្មានកំហុសនៅរដ្ឋ Illinois សហរដ្ឋអាមេរិក ក្រោមបទចោទថាបានសម្លាប់បុរស២នាក់។
Eddie Bolden ត្រូវបានតុលាការដោះលែងឲ្យមានសេរីភាពឡើងវិញនៅសប្ដាហ៍នេះ ក្រោយរកឃើញថាគ្មានកំហុស និងចំពេលកូនប្រុសរបស់ខ្លួនឡើងទទួលសញ្ញាប័ត្រផង។
កូនប្រុសវ័យ ២១ឆ្នាំឈ្មោះ Dom បានរៀនចប់ថ្នាក់ឧត្ដមសិក្សានៅមហាវិទ្យាល័យ Goshen។ លោក Eddie និយាយថា "ខ្ញុំរំជួលចិត្តយ៉ាងខ្លាំង ពេលឃើញកូនខ្ញុំដើរលើឆាកថ្ងៃទទួលសញ្ញាប័ត្រ ដែលធ្វើឲ្យខ្ញុំមិនអាចទប់ទឹកភ្នែកបាន"។ ក្រោយឃើញកូនស្លៀកពាក់អាវធំ ពាក់មួក គាត់បានដើរសំដៅទៅឱបកូនទាំងក្ដុកក្ដួលចិត្ត និងទឹកភ្នែកហូរបណ្ដើរដោយបន្ថែមថា "ពុកមិននឹកស្មានថាមានថ្ងៃឃើញកូនបែបនេះទេ"។
ឪពុកបានប្រាប់កូនប្រុសនៅថ្ងៃទទួលសញ្ញាប័ត្រ កាលពីថ្ងៃអាទិត្យមុនទាំងភ្នែកប្រែជាក្រហមថា "ពេលជាប់ឃុំដោយអយុត្តិធម៌ មានថ្ងៃជាច្រើន ពុកមិនចង់រស់ទៀត តែដោយសារកូនៗទើបពុកមិនអាចបញ្ចប់ជីវិតបាន ព្រោះវានឹងធ្វើឲ្យកូនៗកាន់តែឈឺចាប់ទៀត បើកូនគ្មានឪពុក។ អរគុណកូនប្រុសទាំងពីរ ដែលធ្វើឲ្យឪពុកបន្តជីវិតរស់ដល់ថ្ងៃនេះ"។
ចុចអាន៖ លោកយាយអាយុ១០០ឆ្នាំ ទទួលបានសញ្ញាប័ត្រលើកដំបូង
ចុចអាន៖ ចប់បាក់ឌុប៧៤ឆ្នាំ គេទើបព្រមប្រគល់សញ្ញាប័ត្រឲ្យ ដោយសារ..
ចុចអាន៖ យាយ៩១ឆ្នាំ ទទួលសញ្ញាប័ត្របណ្ឌិតក្រោយចំណាយពេល៣០ឆ្នាំសរសេរនិក្ខេបបទ
ប្រែសម្រួល៖ឡេង ភារុណ ប្រភព៖ People
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
