Taylor Swift ធ្វើឲ្យអ្នកគាំទ្រភ្ញាក់ផ្អើលដោយបង្ហាញខ្លួនក្នុងថ្ងៃមង្គលការ

2016-06-06 18:50:33
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុបអាមេរិក Taylor Swift បានផ្ដល់ភាពភ្ញាក់ផ្អើលដ៏ធំមួយដល់អ្នកគាំទ្ររបស់ខ្លួន ដោយបានបង្ហាញវត្តមានរួមទាំងសម្ដែងក្នុងថ្ងៃមង្គលការរបស់ពួកគេ។

អ្នកគាំទ្រដែលជាគូស្វាមីភរិយាថ្មីថ្មោងនោះត្រូវគេស្គាល់ឈ្មោះថា Max Singer ជាប្ដី និង Kenya Smith ជាប្រពន្ធ។ ដើមហេតុដែលធ្វើឲ្យ Taylor Swift បង្ហាញខ្លួនគឺដោយសារបងស្រីរបស់កូនកំលោះបានសរសេរលិខិតមក Taylor រៀបរាប់ពីការស្លាប់របស់ម្ដាយខ្លួន។

មុនពេលម្ដាយរបស់កូនកំលោះលាចាកលោកទៅ Max និង Kenya បានប្រារព្ធពិធីរៀបការជាលើកដំបូងនៅឯមន្ទីរពេទ្យ ដើម្បីឲ្យម្ដាយរបស់ខ្លួនបានចូលរួមក្នុងពិធីដ៏សំខាន់នេះដែរ។ មិនតែប៉ុណ្ណោះ Max និងម្ដាយបានជ្រើសបទ "Blank Space” របស់ Taylor យកមករាំដើម្បីជាការបញ្ចប់កម្មវិធី។

REMEMBER WHEN TAYLOR SWIFT CRASHED MY SISTER'S WEDDING pic.twitter.com/Kpu65vn2mt
— ashley (@x_iceberg) June 4, 2016

ក្រោយពីទទួលបានលិខិតដ៏ផ្អែមល្ហែមនេះ ម្ចាស់បទ "Shake It Off” ក៏បានសហការជាមួយបងស្រីកូនកំលោះរាប់ខែ ដើម្បីរៀបចំការភ្ញាក់ផ្អើលនេះដល់គូស្វាមីភរិយាខាងលើ។ ថ្ងៃពិសេសចូលមកដល់ ត្បិតថាម្ដាយរបស់ Max លែងនៅលើលោកនេះ ប៉ុន្តែវត្តមានរបស់ Taylor Swift បានបង្កជាការភ្ញាក់ផ្អើលដល់មនុស្សគ្រប់គ្នា ដោយថែមទាំងបានសម្ដែងបទ "Blank Space” ថែមទៀតផង៕