តួឯក "និស្ស័យស្នេហ៍ដាវទេព" ស្រក់ទឹកភ្នែកពេលត្រូវគេថាជាមនុស្សចិត្តដាច់ មិនរំលែកទុក្ខ Kimi Qiao

2016-09-22 17:43:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចគ្នានឹងតារាសម្ដែងល្បីឈ្មោះ Joe Chen ដែរ Zhao Ly Ying ត្រូវរិះគន់យ៉ាងចាស់ដៃនៅពេលមិនបញ្ចេញសាររំលែកទុក្ខទៅកាន់អតីតមិត្តរួមការងាររបស់ខ្លួន។

មុនពេលតារាសម្ដែងប្រុសល្បីឈ្មោះ Kimi Qiao ចែកឋានទៅ លោកព្រមទាំងតារាសម្ដែងស្រី Zhao Li Ying ធ្លាប់សហការគ្នាក្នុងភាពយន្ត២គឺ "Female Prime Minister” និង "Days Of Our Own”។ ក្រោយពេលតួរឿង "ហង្សបង្ក្រាបនាគស្លាប់ទៅ" ស្រីស្អាតត្រកូល Zhao បានក្លាយជាផ្ទាំងស៊ីបសម្រាប់ឲ្យគេរិះគន់យ៉ាងធ្ងន់ធ្ងរដោយនាងបានរក្សាភាពស្ងៀមស្ងាត់ មិនព្រមសរសេរសាររំលែកទុក្ខឲ្យអតីតមិត្តរួមការងាររបស់ខ្លួន។

កាលពីថ្ងៃទី២០ខែកញ្ញា កន្លងទៅនេះ តួស្រីរឿង "និស្ស័យស្នេហ៍ដាវទេព" បានមានវត្តមានក្នុងសន្និសីទកាសែតរបស់ភាពយន្ត "Rookie Agent Rouge”។ នៅពេលត្រូវក្រុមអ្នកកាសែតក៏ដូចជាគាំទ្រសួរនាំពីមរណភាពរបស់ Kimi Qiao, Zhao Li Ying ស្រាប់តែហូរទឹកភ្នែក និងនិយាយលែងចេញ។ សន្និសីទកាសែតត្រូវបានផ្អាកអស់មួយសន្ទុះ។

តារាសម្ដែងវ័យ២៨ឆ្នាំបានឲ្យដឹងថាខ្លួនឈឺចាប់ខ្លាំងណាស់ចំពោះហេតុការណ៍នេះ។ សម្រាប់នាង នាងមិនចង់បង្ហាញការពិបាកចិត្ត និងភាពសោកស្ដាយតាមរយៈបណ្ដាញសង្គម Weibo នោះទេ។ ជាមួយគ្នានេះដែរ ជីងគូបានកើនរំលឹកទៅកាន់អ្នកទាំងអស់គ្នាថា សង្ឃឹមថាពួកគេនឹងគោរពវិញ្ញាណក្ខន្ធអ្នកដែលបានស្លាប់ទៅ៕