អ្នកគាំទ្រ Real Madrid ក្រពុលមុខ ក្រោយហ្គេម PES 2017 គ្មានបញ្ចូលក្រុមរបស់ខ្លួន
- 2017-05-27 02:57:32
- ចំនួនមតិ 0 | ចំនួនចែករំលែក 0
អ្នកគាំទ្រ Real Madrid ក្រពុលមុខ ក្រោយហ្គេម PES 2017 គ្មានបញ្ចូលក្រុមរបស់ខ្លួន
ចន្លោះមិនឃើញ
កាលពីថ្ងៃទី ២៥ កន្លងទៅក្រុមហ៊ុន KONAMI បានប្រកាសដាក់ឱ្យទាញយកដោយសេរីនៅហ្គេមបាល់ទាត់ PES 2017 (Pro Evolution Soccer) សម្រាប់ប្រព័ន្ធប្រតិបត្តិ Android និង iOS ។ យើងសូមទទួលស្គាល់ថាហ្គេមមួយនេះ វាមានការលេងច្រើនបែប និងទូលំទូលាយជាងប្រភេទហ្គេម FIFA របស់ក្រុមហ៊ុន EA ប៉ុន្តែមតិរិះគន់មួយចំនួនធំពីអ្នកលេងផ្ទាល់ បានលើកឡើង ហេតុអ្វីក្រុមហ៊ុន KONAMI ពុំបានបញ្ចូលក្រុម Read Madrid ដែលពួកគេគាំទ្រ ទៅក្នុងពពួក Spain League?
មិនទាន់មានអំណះអំណាងច្បាស់ការណាមួយនោះឡើយ ជុំវិញចម្លើយខាងលើ ប៉ុន្តែបើតាមយោបល់របស់ Sabay ផ្ទាល់ សូមសន្មត នោះអាចមកពីក្រុមយក្ស FC BARCELONA ដែលជាដៃគូសហការធំឧបត្ថម្ភបង្កើតហ្គេមនេះឡើង ទាមទារឱ្យក្រុមហ៊ុន KONAMI បិទក៏ថាបាន។ តាមការសង្កេតមើល រូបតំណាងហ្គេម PES ជារៀងរាល់ឆ្នាំ រមែងមានការផ្លាស់ប្ដូរទៅតាមម្ចាស់ឧបត្ថម្ភធំ ដូចជាឆ្នាំ ២០១៦ មានរូបកីឡាករ Neymar ពាក់ឈុត Brazil ចំណែកឆ្នាំនេះរូបតំណាង icon ហ្គេម ជាសមាជិករបស់ក្រុម FC BARCELONA ផ្ទាល់តែម្ដង។
សរុបមកវិញការពិតបែបណានោះ ដូចដែលពួកយើងបញ្ជាក់ហើយ គឺមិនទាន់មានប្រភពអះអាងច្បាស់លាស់នោះទេ ប៉ុន្តែយើងក៏សង្ឃឹមថា វាអាចជាការអាប់ដែតជំនាន់ក្រោយ PES 2017 នឹងមានបន្ថែមនូវក្រុម Real Madrid ជៀសវាងធ្វើឱ្យប្រជាប្រិយភាពនៃហ្គេមមួយនេះ មានការធ្លាក់ចុះ៕
ចុចអាន៖
ដូចការសន្យា ហ្កេមបាល់ទាត់ដ៏ពេញនិយមបំផុតដាក់ឲ្យទាញយកហ្រ្វីៗ
Instagram បន្ថែមមុខងារបង្ហោះរូប Portrait និង Landscape