ដឹងទេ មានមហាសមុទ្រមួយដែលទឹកមិនប្រៃ?
- 2017-07-24 02:31:55
- ចំនួនមតិ 0 | ចំនួនចែករំលែក 0
ដឹងទេ មានមហាសមុទ្រមួយដែលទឹកមិនប្រៃ?
ចន្លោះមិនឃើញ
ដូចដែលប្រិយមិត្តដឹងហើយថា សមុទ្រគឺទឹកប្រៃ ប៉ុន្តែប្រហែលមិនបានច្បាស់ទេថាកាលពី ១០ លានឆ្នាំមុនមានសមុទ្រមួយដែលមិនប្រៃ ពោលគឺមហាសមុទ្រអាកទិច ដែលជាបឹងទឹកសាបដ៏ធំមួយខាន់ចែកដោយដីជាមួយមហាសមុទ្រអាត្លង់ទិច។
ប៉ុន្តែ ព្រោះតែកត្តាធម្មជាតិដូចជាគ្រោះរញ្ជួយដី ព្រំដែនដីគោកដែលខាន់ដាច់រវាងបឹងទឹកសាបអាកទិច និងមហាសមុទ្រអាត្លង់ទិចបានបាក់ស្រុត ដែលបណ្ដាលឲ្យសារជាតិប្រៃហូរចូលស្រោបលើបឹងដ៏ធំនេះ ដែលបង្កើតបានជាមហាសមុទ្រអាកទិច។
ដោយឡែកមកដល់បច្ចុប្បន្ន ទោះជាមានឈ្មោះជាមហាសមុទ្រ តែសារធាតុអំបិលក្នុងទឹករបស់អាកទិច មានតែ ៥០ ម៉ែត្រពីផ្ទៃទឹកប៉ុណ្ណោះ ខណៈជម្រៅចាប់ពីជាង ៥០ ចុះទៅក្រោម គឺជាទឹកសាប ដែលខាន់ផ្ដាច់ដោយបន្ទាត់លំហូរសារធាតុកាបូនឌីអុកស៊ីតកើតពីបាតសមុទ្រ។
មហាសមុទ្រអាកទិច មានទំហំ ១៤,០៦ លានគីឡូម៉ែត្រការ៉េ និងលាតសន្ធឹងលើព្រំដែនប្រទេស ៥ ដែលមានដូចជា សហរដ្ឋអាមេរិក, រុស្សី, កាណាដា, ហ្គ្រីនឡែន និងន័រវែស៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖