Zidane អត់ចង់ទិញខ្សែប្រយុទ្ធថ្មីចូលសោះ ទោះទើបបាត់បង់ Morata
- 2017-07-24 03:15:09
- ចំនួនមតិ 0 | ចំនួនចែករំលែក 0
Zidane អត់ចង់ទិញខ្សែប្រយុទ្ធថ្មីចូលសោះ ទោះទើបបាត់បង់ Morata
ចន្លោះមិនឃើញ
Zinedine Zidane បានបដិសេធរឿងស្នើឲ្យ Real Madrid ទិញខ្សែប្រយុទ្ធចូល។ ប៉ុន្តែក្លឹបយក្សអេស្ប៉ាញមួយនេះនៅតែចិញ្ចឹមចិត្តចង់បាន Kylian Mbappe ពី Monaco។
Zidane ហាក់មានភាពសោកស្ដាយ អំពីប្រព័ន្ធប្រយុទ្ធរបស់ Madrid បន្ទាប់ពី Alvaro Morata សម្រេចដើរចេញទៅលេងនៅ Premier League ជាមួយ Chelsea។ ឯកីឡាករវ័យក្មេងបារាំង Mbappe នៅតែជាគោលដៅធំរបស់ Madrid ក្នុងទិញចូល បន្ទាប់ពីកីឡាកររូបនេះរកបាន២៦គ្រាប់គ្រាប់ពីកម្មវិធីកាលពីរដូវកាលមុន។
ក្រោយបញ្ចប់ការប្រកួតរវាង Real Madrid ចាញ់បាល់ប៉េណាល់ទីជាមួយ Manchester United អ្នកចាត់ការសញ្ជាតិបារាំងបានលើកឡើងថា៖ "អ្នកដឹងទេ ខ្ញុំមិនបានសំណូមពរក្លឹបឲ្យទិញកីឡាករណាទៀតទេ។ ខ្ញុំកំពុងពិភាក្សាជាមួយប្រធានក្លឹប និងបុគ្គលិកផ្សេងទៀត។ ពួកយើងពេលនេះមានកីឡាករ២៨នាក់ហើយ ហើយខ្ញុំសប្បាយចិត្តនឹងការងារនេះ។ ខ្ញុំមិនស្នើក្រុមទិញនរណាទេ ប៉ុន្តែក្លឹបចាប់អារម្មណ៍នរណាខ្ញុំមិនដឹងទេ ផុតថ្ងៃ ៣១ ខែ សីហាអ្វីៗនឹងដឹង"។
ងាកមកនិយាយរឿង Morata បន្តិច ពេលនេះគេបានចូលហ្វឹកហាត់ជាមួយ Chelsea ជាលើកដំបូងហើយ ចាប់តាំងផ្ទេរពី Real Madrid ក្នុងតម្លៃ៧០លានផោន ខណៈតោខៀវប្រកាសលក់ Diego Costa នៅខែ មករានេះ៕
ចុចអាន៖
Wenger ដឹងមូលហេតុ PSG ជ្រួលជ្រើមខ្លាំងចង់បាន Neymar មិនដកដៃ
គ្រូហ្វីលីពីន សរសើរ ច្រឹង ពលរដ្ឋ ជាកីឡាករល្អជាងគេយប់មិញ