ផ្កាចាហួយដ៏ស្រស់ស្អាតបំផុតនៅសៀមរាប ដល់ខែរីកស្គុះស្គាយទៀតហើយ
- 2017-07-27 07:40:18
- ចំនួនមតិ 0 | ចំនួនចែករំលែក 0
ផ្កាចាហួយដ៏ស្រស់ស្អាតបំផុតនៅសៀមរាប ដល់ខែរីកស្គុះស្គាយទៀតហើយ
ចន្លោះមិនឃើញ
បើតាមការឱ្យដឹងពីលោក ឡូយ សុវណ្ណ រស់នៅក្បែរភ្នំអំពិល ក្នុងភូមិពាក់ស្នែង ឃុំពាក់ស្នែងស្រុកអង្គរធំ ខេត្តសៀមរាប បានប្រាប់មកកាន់ Sabay ថា នៅខែក្រោយនេះ រហូតដល់ខែតុលា ផ្កាចាហួយដ៏ស្រស់ស្អាតបំផុតនៅភ្នំអំពិល ចាប់ផ្ដើមរីកស្គុះស្គាយទៀតហើយ អ្នកដែលចូលចិត្តតំបន់ធម្មជាតិទេសភាពស្រស់ត្រកាលអាចអាចទៅលេងកម្សាន្តបាន។
លោក ឡូយ សុវណ្ណ បានប្រាប់ទៀតថា បច្ចុប្បន្ននៅទីនោះមិនទាន់បានអភិវឌ្ឍ ជាតំបន់ទេសចរណ៍នោះទេ ភាគច្រើនអ្នកទៅលេងកម្សាន្តជាអ្នកស្រុកក្បែរនោះដែលស្គាល់តៗគ្នា។ ចំពោះភ្ញៀវទេសចរណ៍ ចង់ទៅលេងកម្សាន្តមិនអាចធ្វើដំណើរតាមរថយន្តបានទេ ត្រូវជួលគោយន្តអ្នកភូមិពាក់ស្នែងជិះពេញមួយថ្ងៃតម្លៃ ២០ដុល្លារប៉ុណ្ណោះ អាចជិះបានគ្នា២៤នាក់។
ទៅដល់ទីនោះភ្ញៀវទេសចរប្រាកដជាលង់នឹងសម្រស់ធម្មជាតិដ៏ស្រស់ស្អាតបំផុត មានវាលស្មៅខៀវស្រងាត់ដាច់កន្ទុយភ្នែក ជាពិសេសផ្កាចាហួយរំលេចពណ៌ផ្កាឈូកគួរឱ្យគយគន់ក្រៃលែង។ អ្នកទៅលេងកម្សាន្តវេចខ្ចប់អាហារយកទៅញ៉ាំ ឬក៏អាចឱ្យអ្នកភូមិចម្អិនឱ្យក៏បានដែរក្នុងតម្លៃសមរម្យ និងជាអាហាររបស់ភូមិផ្ទាល់។
គួរឱ្យសោកស្ដាយផ្កាចាហួយមួយចំនួនត្រូវបានអ្នកទៅលេងទីនោះនាំគ្នាដកលេង ឬកាច់ចោលធ្វើឱ្យផ្កាដ៏ស្រស់ស្អាតទាំងនោះនៅមិនបានយូរ។ ដូច្នេះហើយជាការសំណូមពរ ប្រសិនបើបានទៅដល់ទីនោះហើយអាចត្រឹមទស្សនាកម្សាន្ត ថតរូបលេងប៉ុន្តែមិនគួរនាំគ្នាកាច់ចោលនោះទេ ដើម្បីរក្សាបាននូវសម្រស់ធម្មជាតិដ៏ស្រស់បំព្រងនេះ៕
ចុចអានអត្ថបទពាក់ព័ន្ធ៖
ប្រិយមិត្ត អាចលាន់មាត់ បើឃើញផ្កាថ្ម រាប់ម៉ឺនប្រភេទស្អាតបំផុត នៅខេត្តកំពត
Bamboo Bungalow ប្លែកដំបូងគេនៅកម្ពុជា មានបន្ទប់គេងដាច់ពីគ្នា ជាប់មាត់បឹងធម្មជាតិ
៤ កន្លែង នៅកម្ពុជាប្រៀបដូចឋានសួគ៌លើដី គួរតែទៅលេងឱ្យបានស្គាល់ម្ដង