ឡុង សុភី ទម្លាយថា យប់មិញបន្ធូរដៃឲ្យដៃគូខ្លះៗ
- 2017-08-07 02:18:00
- ចំនួនមតិ 0 | ចំនួនចែករំលែក 0
ឡុង សុភី ទម្លាយថា យប់មិញបន្ធូរដៃឲ្យដៃគូខ្លះៗ
ចន្លោះមិនឃើញ
អ្នកលេងជង្គង់ ឡុង សុភី ទម្លាយថា កាលពីយប់មិញនេះបានបន្ធូរដៃខ្លះៗ ឲ្យដៃគូថៃ Lor Lek ក្នុងការប្រកួតជំនួបមិត្តភាពកម្ពុជាថៃនៅសង្វៀន PNN កម្មវិធីសមរភូមិអ្នកប្រយុទ្ធភេសជ្ជៈគោជល់។
អ្នកលេងជង្គង់ ឡុង សុភី បានឲ្យដឹងថា ដោយមើលឃើញពីកម្រិតសមត្ថភាពដៃគូមានភាពខ្សោយជាងខ្លួននា ចុងទឹកទី៤ ខ្លួនបានទម្លាក់ដៃឲ្យកីឡាករថៃរូបនេះបានតដៃវិញខ្លះៗ ដើម្បីអាចឲ្យការប្រកួតមានភាពល្អមើលឡើងវិញ។ មែនទែនទៅ សុភី យល់ថា ដៃគូថៃយប់មិញនៅស្ទើរបទពិសោធ ដែលធ្វើឲ្យគេអាចដឹងចំណុចខ្សោយ និងអាចយកឈ្នះដោយងាយ។
កីឡាកររូបនេះបន្ថែមថា ការប្រកួតគឺរូបគេតែងមានមនោសញ្ចេតនា ទើបរាងបន្ធូរដៃឲ្យដៃគូខ្លះ។ ទោះជាយ៉ាងណា សុភី សំណូមពរឲ្យអ្នកគាំទ្រវិស័យប្រដាល់មេត្តាកុំមើលរូបគេក្នុងផ្លូវអាក្រក់ទោះមិនផ្ដួលដៃគូឲ្យសន្លប់។
ការប្រកួតយប់មិញ ឡុង សុភី ឈ្នះ Lor Lek ដោយពិន្ទុ។ ប្រកួតនេះគឺជាប្រកួតដំបូងក្រោយ ឡុង សុភី ត្រឡប់ពីចូលរួមប្រកួតក្នុងកម្មវិធី Thai Fight កាលពីពីថ្ងៃទី១៥ ខែកក្កដា ឆ្នាំ២០១៧៕