ក្រុមអ្នកជិះម៉ូតូធំ នាំគ្នាដេញតាមរថយន្តជួយនារីម្នាក់ ធ្វើឲ្យគ្រប់គ្នារំភើបចិត្ត
- 2017-08-09 03:32:23
- ចំនួនមតិ 0 | ចំនួនចែករំលែក 0
ក្រុមអ្នកជិះម៉ូតូធំ នាំគ្នាដេញតាមរថយន្តជួយនារីម្នាក់ ធ្វើឲ្យគ្រប់គ្នារំភើបចិត្ត
ចន្លោះមិនឃើញ
យុវជនក្នុងក្រុមអ្នកជិះម៉ូតូធំមួយក្រុម បានធ្វើឲ្យគ្រប់គ្នារំភើបចិត្ត បន្ទាប់ពីព្យាយាមជិះដេញតាមរថយន្តជួយសង្គ្រោះនារីម្នាក់ ដែលត្រូវបុរស ៣នាក់ចាប់ជំរិត។
ម៉ោងប្រមាណ ៩យប់ ក្រុមអ្នកជិះម៉ូតូធំនោះ កំពុងទទួលទានអាហារ ហើយក៏ឮសម្រែកនារីម្នាក់។ បន្ទាប់មក ពួកគេបាននាំគ្នាជិះម៉ូតូធំដេញតាម និងព័ទ្ធរថយន្ត ព្រមទាំងយកដុំថ្មគប់ រហូតរថយន្តនោះឆាបឆេះឡើង មុនពេលប៉ូលិសទៅដល់។ ជនល្មើស ២នាក់ ត្រូវក្រុមអ្នកជិះម៉ូតូធំ ប្រគល់ទៅឲ្យប៉ូលិស ឯជនទី៣ រត់គេចខ្លួនបាត់។
យុវជនម្នាក់ឈ្មោះ Aman Goyal ដែលជាសមាជិកក្រុមម៉ូតូធំ បាននិយាយថា៖ "នារីនោះកំពុងភ័យខ្លាំង និងភ្លឹកភ្លាំងស្មារតី នៅពេលពួកយើងជួយសង្គ្រោះនាង"។
នារីរងគ្រោះដែលមានវ័យប្រមាណ ២០ឆ្នាំ បានប្រាប់ប៉ូលិសថា នាងជាអ្នករស់នៅសង្កាត់មួយនៃរដ្ឋធានីញូដេលី។ នាងស្គាល់ជនល្មើសម្នាក់ដែលបានចាប់នាង និងបបួលនាងឲ្យជិះរថយន្តជាមួយពេលចេញពីធ្វើការ។ នៅពេលចូលដល់ក្នុងរថយន្ត នាងស្រាប់តែប្រទះឃើញបុរសប្លែកមុខ ២នាក់ផ្សេងទៀត។
ក្រោយមក ជនល្មើសទាំងនោះ ក៏បានចាប់ផ្ដើមប៉ះខ្លួននាង និងដោះសំលៀកបំពាក់ តែនាងបានស្រែកឲ្យគេជួយ រហូតមានជំនួយពីក្រុមអ្នកជិះម៉ូតូធំ។ ជនទាំង ៣នាក់ ដែលចាប់បាននោះ អាចត្រូវចោទប្រកាន់ពីបទ បំពារបំពានរាងកាយនារី និងចាប់ជំរិតមនុស្សដោយខុសច្បាប់៕
ចុចអានអត្ថបទ៖