កសិដ្ឋានថាមពលសូឡារាងខ្លាឃ្មុំយក្ស បើកដំណើរការហើយ ឃើញគួរឲ្យស្ងើច

2017-08-17 08:18:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កសិដ្ឋានផលិតថាមពលព្រះអាទិត្យ ឬសូឡារូបរាងជាខ្លាឃ្មុំផេនដាយក្ស បានបើកសម្ពោធដាក់ឲ្យប្រើប្រាស់ជាផ្លូវការហើយកាលពីប៉ុន្មានថ្ងៃកន្លងទៅថ្មីៗនេះ ដោយទទួលបានការសាទរពីពលរដ្ឋយ៉ាងច្រើន។

កសិដ្ឋានរាងដូចខ្លាឃ្មុំផេនដាខាងលើ ស្ថិតនៅលើផ្ទៃដី ២៤៨អា នៃស្រុក Datong ខេត្តសានស៊ី ប្រទេសចិន នឹងមានសមត្ថភាពអាចផលិតបានថាមពល ១០០មេហ្កាវ៉ាត់ ក្រោយភ្ជាប់រួចរាល់។ កសិដ្ឋាននេះត្រូវគេរំពឹងថា នឹងអាចកាត់បន្ថយការបញ្ចេញចោលកាបូនទៅក្នុងបរិយាកាសបានជាង ២,៧៤លានតោននៅរយៈពេល ២៥ឆ្នាំទៅមុខ។

កសិដ្ឋានថាមពលសូឡា សាងសង់ឡើងដោយក្រុមហ៊ុន Panda Green Energy ដោយទទួលបានការជួយជ្រោមជ្រែងពីមូលនិធិអភិវឌ្ឍរបស់អង្គការសហប្រជាជាតិ (UNDP)។ គោលបំណងរបស់កសិដ្ឋាន គឺបំផុសបំផុលគំនិតដោយរំពឹងថា អាចអប់រំក្មេងជំនាន់ក្រោយ អំពីការប្រើប្រាស់ថាមពលឲ្យមាននិរន្តរភាព។

នៅរយៈពេល ៥ឆ្នាំខាងមុខ ក្រុមហ៊ុន Panda Green Energy គ្រោងសាងសង់កសិដ្ឋានឲ្យបានជាង ២០០ទៀតនៅទូទាំងប្រទេសចិន រាងខ្លាឃ្មុំផេនដាបែបនេះទៀត៕