មកដឹងមូលហេតុអ្នកផលិតស្មាតហ្វូន ព្យាយាមបោះបង់រន្ធកាស 3.5mm
- 2017-09-04 02:22:12
- ចំនួនមតិ 0 | ចំនួនចែករំលែក 0
មកដឹងមូលហេតុអ្នកផលិតស្មាតហ្វូន ព្យាយាមបោះបង់រន្ធកាស 3.5mm
ចន្លោះមិនឃើញ
រន្ធកាស 3.5mm (Headphone jack) ជារន្ធសម្រាប់ភ្ជាប់កាស ឬឧបករណ៍ដែលគាំទ្រទៅនឹងរន្ធប្រភេទនេះ។ ប្រិយមិត្តបានឃើញហើយថាលើ iPhone 7 មិនមានរន្ធនេះទេ ដោយជំនួសមកវិញនូវរន្ធតែមួយ USB-C ដែលប្រើប្រាស់ដើម្បីភ្ជាប់ឧបករណ៍ផ្សេងៗរួមតែម្ដង។ ម្យ៉ាងទៀតសម្រាប់ការវិវដ្ដនៃស្មាតហ្វូនជំនាន់ក្រោយៗ ក៏ប្រហែលជាមិនប្រើនូវ Headphone jack នេះផងដែរ។ ទន្ទឹមនោះ លោក Jai Mani បុគ្គលិកជាន់ខ្ពស់ផ្នែកផលិតរបស់ Xiaomi ពន្យល់ថា៖
Headphone jack មានទំហំធំ ដែលតម្រូវប្រើផ្ទៃច្រើន ខណៈបច្ចុប្បន្នការរចនាស្មាតហ្វូនកំពុងត្រូវការឲ្យមានកម្រាស់ស្ដើង រួមជាមួយសមាសធាតុធំៗដទៃទៀតរួមមាន កាមេរ៉ាភ្លោះ (Dual camera) ដែលមាន Pixels ធំ, កាមេរ៉ាខាងមុខទំហំធំ, រាងស្ដើងតូច និងមុខងារការពារជ្រាបទឹក។
លោក Mani បន្ថែមថាគាត់ទទួលបានយោបល់ជាច្រើនពីអតិថិជនផ្ទាល់ ដោយជឿជាក់ថាពួកគាត់មានការយកចិត្តទុកដាក់លើកម្រាស់ និងលក្ខណៈកាន់នឹងដៃច្រើន (ងាយស្រួលកាន់ប្រើ)។
មនុស្សជាច្រើននិយាយថាគ្មាននរណាម្នាក់សួរនឹងកម្រិតស្ដើងរបស់ស្មាតហ្វូននោះទេ ប៉ុន្តែប្រសិនបើអ្នករចនានូវគំរូស្មាតហ្វូនប្រាំផ្សេងគ្នា ដើម្បីឲ្យពួកគាត់ជ្រើសរើសមួយ កត្តាចម្បងសម្រាប់ពួកគាត់ជ្រើសរើសគឺ កម្រិតស្ដើង និងលក្ខណៈងាយស្រួលកាន់ប្រើ។ ជាទូទៅមាននូវស្មាតហ្វូនជាច្រើនដែលមិនមានលក្ខណៈសម្បត្តិល្អខ្លាំងនោះទេ ប៉ុន្តែកម្រាស់របស់វា បានទាក់ទាញអ្នកប្រើប្រាស់។ ជាការពិតអតិថិជនដែលទិញតាមអនឡាញប្រហែលជាមិនសូវខ្វល់អំពីកម្រិតក្រាស់បន្ថែមនោះទេ ប៉ុន្តែពេលបើកមើលស្មាតហ្វូនក្នុងប្រអប់ អាចនឹងមានអារម្មណ៍ខុសប្លែក និងអាចស្ទាក់ស្ទើរក្នុងការប្រើប្រាស់៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖