៣ចំណុចដែលក្រុមបាល់ទះវិសាខាមិនអាចយកឈ្នះ Air Force
- 2017-10-10 06:40:01
- ចំនួនមតិ 0 | ចំនួនចែករំលែក 0
៣ចំណុចដែលក្រុមបាល់ទះវិសាខាមិនអាចយកឈ្នះ Air Force
ចន្លោះមិនឃើញ
លោក Padessuk Vannachote គ្រូបាល់ទះរបស់ក្លឹបជើងឯកលីគកំពូលប្រទេសថៃ Air Force ថា សម្រាប់ការប្រកួតមិត្តភាពម្សិលមិញនេះ ក្លឹបបាល់ទះវិសាខា របស់កម្ពុជានៅមានចន្លោះខ្វះខាតច្រើនដែលត្រូវការហ្វឹកហាត់បន្ថែមទៀត។
គ្រូបង្វឹកខាងលើបានបន្ថែមថា ក្រុមវិសាខាគឺជាក្រុមល្អដែរ មានសុទ្ធតែកីឡាករក្មេងៗ ហើយលោកក៏ចង់ឲ្យមានការប្រកួតមិត្តភាពដូចនេះជាញឹកញាប់។ ចំពោះចំណុចខ្វះខាតដែលលោកមើលឃើញ ក្រុមវិសាខា ត្រូវកែប្រែរួមមាន ទី១ ទទួលសេវាបាល់មិនទាន់ច្បាស់លាស់ល្អ លើកបាល់នៅបានទាប ហើយបើខ្ពស់ក៏មិនចូលទៅកន្លែងលើក ទី២ វាយសេវានៅមិនទាន់ច្បាស់លាស់ល្អ និងធ្វើឲ្យខូចច្រើនជាហេតុបាត់ពិន្ទុ និងទី៣នោះ គឺការបាំងមិនល្អ ហើយតំបន់សំខាន់ៗនៅតំបន់សំណាញនេះត្រូវហ្វឹកហាត់ឡើងវិញ។
ក្រុមបាល់ទះ Air Force បានយកឈ្នះក្រុមបាល់ទះវិសាខារបស់កម្ពុជាក្នុងលទ្ធផល ៤-១ កាលពីម្សិលមិញនេះ ក្នុងការប្រកួតមិត្តភាពអន្តរជាតិ។ ខណៈដែលក្រុមកម្ពុជា នឹងត្រូវប្រកួត១ប្រកួតទៀតនៅល្ងាចម៉ោង៤រសៀលនេះ ជាមួយក្រុម NK Fitness នៅក្នុងសាកលវិទ្យាល័យ Rangsit University ៕