ចង់បញ្ជាកាមេរ៉ាបានស្រួល ត្រូវដឹងពាក្យគន្លឹះទាំងនេះ

2017-10-19 02:34:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងកាមេរ៉ាមិនថា DSLR ឬ Mirrorless គឺតែងតែផលិតមកជាមួយពាក្យកាត់ជាច្រើនសម្រាប់ប្រតិបត្តិការនានា។ ពាក្យកាត់ទាំងនោះមានលំដាប់តាមអក្សរឡាតាំង ហើយអត្ថន័យរបស់អក្សរទាំងនោះមានដូចជា៖

រូបតំណាង

**អក្សរ M**

Matrix Metering៖

ឬហៅថា Segmented metering ដែល Matrix metering យកនូវផ្ទៃរូបភាពសរុប ហើយបំបែកវាជាផ្នែកៗ ដែលត្រូវបានវិភាគដោយ Light meter របស់កាមេរ៉ា ហើយប្រៀបធៀបតម្លៃពន្លឺនូវ Section ដែលនៅជុំវិញ។ បន្ទាប់មកប្រៀបធៀបស្ថានភាពពន្លឺស្រដៀងគ្នាដែលបានរក្សាទុកក្នុងមេម៉ូរីរបស់កាមេរ៉ា ហើយ Exposure ដ៏ត្រឹមត្រូវមួយ ត្រូវបានបង្កើត។ ដំណើរការទាំងស្រុងកើតឡើងតែ ២ ឬ ៣ Microseconds (ខ្នាត)។

Megabyte៖

1,024 Kilobytes ស្មើនឹង 1MB ដោយសំដៅលើទំហំនៃ Files ឬ Media ដូចជា Hard drives។ តួលេខសំដៅលើចំនួនព័ត៌មាន ឬទិន្នន័យរូបភាពក្នុង File ឬចំនួនប៉ុន្មាននៃព័ត៌មានដែលអាចផ្ទុកលើ Memory card, CD ឬ DVD, Hard drive ឬ Disk។

Megapixel៖

1 Megapixel ផ្ទុកនូវ Pixels ចំនួន ១,០០០,០០០ ហើយជាខ្នាតបង្ហាញពីទំហំ Sensor ក្នុងកាមេរ៉ា។

Memory៖

file-storage medium (បច្ចេកវិទ្យាអាចជា Device ក្នុងការរក្សាទុក និងទាញប្រើប្រាស់នូវទិន្នន័យ) របស់កាមេរ៉ា។ កាមេរ៉ាភាគច្រើនប្រើប្រាស់នូវ Flash memory ដែលមានសុវត្ថិភាព និងអាចទុកចិត្តបាន។ Flash memory មិនលុបនូវរូបភាព លុះត្រាតែអ្នកចង់។ កាមេរ៉ាមួយចំនួនមាននូវ Memory ក្នុងបរិមាណកំណត់ ដែលមិនអាចគ្រប់គ្រាន់ក្នុងការថតរូបបានច្រើននោះទេ។

Memory Card៖

Memory card ជា Removable device ប្រើប្រាស់ក្នុងកាមេរ៉ាដើម្បីរក្សាទុកនូវទិន្នន័យរូបភាពដែលថតដោយកាមេរ៉ា។ Memory cards មានច្រើនប្រភេទរួមមាន CompactFlash, SmartMedia, SD/SDHC/SDXC, XD និងមួយចំនួនទៀត។

Micro Drive៖

Micro drive បង្កើតដោយក្រុមហ៊ុន IBM ដែលជាប្រភេទដំបូងនៃ Memory card សម្រាប់កាមេរ៉ា។ Micro drive ជា Hard drive ទំហំតូចដែលផ្តល់វិធីដល់ Compact Flash cards ក្នុងការផ្ទុកនូវផ្នែកដោយគ្មានចលនា ហើយអាចទុកចិត្តបាន។

Micro Lenses៖

Micro lens ត្រូវបានភ្ជាប់នៅផ្នែកលើ Light-gathering នៃ Pixels ហើយជាធម្មតាមាននូវបណ្ដោយគែមនៃ Sensor កាមេរ៉ា ដើម្បីថត ហើយប្ដូរទិសពន្លឺត្រលប់ទៅកាន់ Pixel ដែលជាវិធីក្នុងការកាត់បន្ថយនូវពន្លឺនៅលើគែមនៃរូបភាព ហើយបង្វែរវាសម្រាប់ Image processing (វិភាគ និងរៀបចំនូវរូបភាព ក្នុងការពង្រឹងគុណភាពរូបភាព)។

Moiré៖

ទម្រង់ Pattern ក្នុងផ្នែកនៃរូបភាព ដែលធ្វើឲ្យមានការច្រឡំរវាង Pattern មួយក្នុងទិដ្ឋភាព និង Pattern នៃ Pixels ក្នុង Sensor។ Moiré អាចកាត់បន្ថយ ឬលុបបំបាត់ដោយផ្លាស់ទីទៅជិត ឬឆ្ងាយពី Subject។ Image sensor មាន Resolution ខ្ពស់មិនសូវមានបញ្ហាជាមួយនឹង moiré ដែលជាទម្រង់នៃ Aliasing នោះទេ។

អក្សរ N

NiCad (Nickel Cadmium ) Battery៖

NiCad battery ជាប្រភេទថ្មដែលអាចសាកបាន និងជាប្រភេទថ្មដំបូង ដែលទទួលបានភាពជោគជ័យក្នុងការប្រើប្រាស់លើ ឧបករណ៍អេឡិចត្រូនិកតូចៗ ដូចជា កាមេរ៉ា។

NiMH ( Nickel-Metal Hydride) Battery៖

ថ្មប្រើប្រាស់សម្រាប់កាមេរ៉ា និង Camcorder។ ថ្ម NiMH មួយអាចផ្តល់នូវថាមពលពី ពីរ ទៅបីដង នៃទំហំស្មើនឹងថ្ម NiCad។

Noise៖

Noise ជារូបរាងនៃ Color Artifacts ក្នុងរូបភាព។ ភាគច្រើនសម្គាល់ឃើញលើតំបន់ស្រមោលនៃរូបភាពថតនៅកម្រិត ISO ខ្ពស់ ដែល Image processor មានក្នុងកាមេរ៉ាជាច្រើនប្រើប្រាស់នូវកម្មវិធី Noise-suppression ក្នុងការកាត់បន្ថយនូវការលេចឡើងនៃ Noise artifacts។ ការថតស្ថិតនៅបរិយាកាសក្តៅក៏អាចបណ្តាលឲ្យមាន Noise artifact ក្នុងរូបភាពផងដែរ។

Noise Reduction៖

ដំណើរការនៅក្នុង Image processor របស់កាមេរ៉ាដែល Artifact បណ្ដាលមកពីកម្រិត ISO ឬកត្តាផ្សេងទៀត ហើយ Artifact ត្រូវបានកាត់បន្ថយ ឬលុបបំបាត់ក្នុងរូបភាព។

Non-lossy (ឬ lossless)៖

សំដៅលើបច្ចេកទេសក្នុងការ Compress ទិន្នន័យ ដែលមិនលុបនូវទិន្នន័យភាពលម្អិតរបស់រូបភាព។ វិធីនេះមានប្រសិទ្ធភាពតិចជាងវិធី Lossy ក្នុងការកាត់បន្ថយទំហំ File ដោយសាររក្សាទុកនូវរូបភាពដើមទាំងស្រុង។

Non-Volatile Memory៖

ប្រភេទ Memory card ដែលរក្សាទុកនូវទិន្នន័យពេលថាមពលបិទ។ Memory cards របស់កាមេរ៉ា (CompactFlash, SD, SmartMedia ។ល។) ប្រើប្រាស់នូវ Non-volatile memory។

អក្សរ O

OLED (Organic Light Emitting Diode)៖

ទម្រង់កម្រិតខ្ពស់នៃ LED ដែលមិនទាមទារនូវ Backlight នោះទេ។ OLED displays denser មានពណ៌ខ្មៅ និង Contrast ខ្ពស់បើប្រៀបធៀបទៅនឹង LCDs ស្តង់ដារ ហើយអាចផលិតបានស្តើងជាង LCDs ស្តង់ដារបាន។ OLED display មាន LEDs តូចពណ៌ក្រហម បៃតង និងខៀវ ដែលផ្ទុយពីអេក្រង់ LCD ដែលមាន Color filter ពណ៌ក្រហម បៃតង និងខៀវ លើ Backlight ដែលបង្វិលបិទក្នុងការទប់ស្កាត់ពន្លឺ។

Optical Resolution៖

កម្រិត Resolution ដែល Device អាចចាប់យករូបភាពបាន ហើយត្រូវបានប្រើសម្រាប់បង្ហាញពីកម្រិត Optical scanner និងកាមេរ៉ា។

Optical Zoom៖

ឈ្មោះម្យ៉ាងទៀតសម្រាប់ Zoom lens ដែលជា Lens អាចឲ្យអ្នកប្រើប្រាស់ផ្លាស់ប្ដូរនូវ Magnification ratio។ នោះជា Focal length នៃ Lens ដោយបង្វិលនូវ Lens barrel (ករ Lens)។ Zooms អាចបន្តផ្លាស់ប្ដូរតម្លៃ Focal length ដោយមិនប៉ះពាល់ដល់ការ Focus បាន។

Overexposure៖

ការថតរូបភាពដោយមានពន្លឺខ្លាំងពេក។ Overexposure អាចកែតម្រូវបានដោយប្រើប្រាស់កម្មវិធីកាត់ត ដោយអាស្រ័យលើកម្រិតនៃរូបភាពដែលមានពន្លឺជ្រុល។ Raw file ងាយស្រួលក្នុងការកែតម្រូវ Overexposure ជាង JPEGs និង TIFFs។

អក្សរ P

Parallax៖

ភាពខុសគ្នារវាងរូបភាព ដែលបានឃើញដោយ Viewing system របស់កាមេរ៉ា និង រូបភាពដែលបានថតដោយ Image sensor។ ក្នុងកាមេរ៉ា Point-and-shoot ភាពខុសគ្នាកើតឡើងពេល Subject ផ្លាស់ទីទៅកៀកនឹង Lens។ មានតែ Through-the-lens (TTL) viewing system ប៉ុណ្ណោះដែលត្រូវបានកែសម្រួលក្នុងការជៀសវាងនូវបញ្ហា Parallax។

PC Card (PCMCIA Card)៖

PC cards មានទំហំប្រហែលនឹង Credit card ដែលត្រូវបានបង្កើតជាស្តង់ដារសម្រាប់សមត្ថភាព Hardware។ PCMCIA cards ផ្តល់នូវវិធីងាយស្រួលក្នុងការបញ្ជូនរូបភាពពីកាមេរ៉ាទៅ Notebook ឬ Desktop PC។ បច្ចុប្បន្ន PCMCIA មានការប្រើប្រាស់តិច ដោយបច្ចេកវិទ្យាថ្មីៗបានជំនួសកន្លែងវា។

PC Sync៖

ឧបករណ៍លក្ខណៈស្តង់ដារសម្រាប់ភ្ជាប់ និង Sync នូវ External electronic flash ដូចជា Strobes ទៅនឹងកាមេរ៉ា។

PICT៖

ទម្រង់ PICT ដើមឡើយបង្កើតដោយ Apple Computer នៅពាក់កណ្តាលឆ្នាំ ១៩៨០។ ទម្រង់នេះអាចគាំទ្រដល់ File RGB ជាមួយនឹង Alpha channel តែមួយ ព្រមទាំងគាំទ្រដល់ Indexed-color, grayscale និង File Bitmap ដោយគ្មាន Alpha channel។ ទម្រង់ PICT អាចមានប្រសិទ្ធភាពលើការ Compress រូបភាពជាមួយនឹងផ្នែកធំនៃពណ៌ណាមួយសុទ្ធ។

Pixel៖

មកពីពាក្យ Picture element ដែល Pixels ជាសមាសធាតុតូចៗដែលចាប់យកនូវទិន្នន័យរូបភាព ដែលបានថតដោយកាមេរ៉ា។ Pixels ក៏ជាសមាសធាតុមួយដែលបង្កើតរួមគ្នាឡើងវិញនូវរូបភាពដែលបានថតដោយកាមេរ៉ា បង្ហាញលើ Monitor កុំព្យូទ័រ។ Pixels កាន់តែច្រើន កម្រិត Resolution រូបភាពក៏កាន់តែខ្ពស់ដែរ។

Pixelization៖

ការបែកបាក់នៃ File រូបភាពដែលបានពង្រីកទៅចំនុចមួយដែល Pixels មិនលាយចូលគ្នាដើម្បីធ្វើឲ្យរូបភាព Smooth។ ជារួម ចំនួន Pixel កាន់តែខ្ពស់មានក្នុងរូបភាព លក្ខណៈ Pixelization ក្នុងរូបភាពនឹងកាត់បន្ថយ ឬគ្មាន។

Pincushion Distortion៖

លក្ខណៈទាញរីកនៃ Optical ច្រើនមានក្នុង Lens មានតម្លៃធូរថ្លៃ ដែលបន្ទាត់ស្របគ្នាលើផ្ទៃបញ្ឈរ ឬផ្ដេករុញចូលក្នុង។ Pincushion distortion មានលក្ខណៈផ្ទុយនឹង Barrel distortion។

PNG (Portable Network Graphics)៖

ទម្រង់នេះប្រើប្រាស់នូវ Lossless compression ក្នុងគោលបំណងនៃការបង្ហាញរូបភាពលើ Word Wide Web ដោយបានអនុម័តដោយសម្ព័ន្ធ WWW ក្នុងការជំនួសនូវ GIF ប៉ុន្តែជំនាន់ Web browsers ចាស់ៗមួយចំនួនមិនអាចប្រើនូវរូបភាព PNG បានទេ៕

ចុចអានបន្ត ៖

ប្រភព៖ Bh Photo Video ប្រែសម្រួល៖ ប៊ុន ធឿន