ជួបផលិតករវ័យក្មេង ផលិតស្ប៉តពាណិជ្ជកម្មមួយៗ តម្លៃរាប់មុឺនដុល្លារ

2017-11-14 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុតែការផលិតស្ពត់ពាណិជ្ជកម្ម កាន់តែខ្លីកាន់ថ្លៃរហូតដល់ រាប់ម៉ឺនដុល្លាក៏មាន ដោយសារ ប្រសិទ្ធភាពនៃការផ្សព្វផ្សាយនោះធំប៉ុណ្ណា រយៈពេលនៃការផលិតខ្លី ឬវែង និងភាពច្នៃប្រឌិតតាមដែលលទ្ធភាពរបស់ក្រុមហ៊ុន សំខាន់គឺការគ្រប់គ្រងការផលិតនោះល្អប៉ុណ្ណានេះបើតាមការបកស្រាយរបស់ផលិតករវ័យ ២៦ឆ្នាំ លោក ជុំ សុធា។

លោក ជុំ សុធា

ផលិតកររូបនេះបន្តថា ៖ «ក្នុងការផលិតស្ពត់ពាណិជ្ជកម្ម យើងអាចកំណត់តម្លៃលើទំហំការងារនោះបានអាស្រ័យលើល្បឿនការងារ និងគោលដៅ ថាយើងចង់បានអ្វីឲ្យពិតប្រាកដ»។ ហេតុនេះហើយ ការផលិតស្ពត់ពាណិជ្ជកម្ម កាន់តែខ្លី គឺកាន់តែថ្លៃ និងកាន់តែទាក់ទាញ។

លោក ជុំ សុធា កំពុងជាផលិតករ អ្នកដឹកនាំរឿង និងស្ពត់ពាណិជ្ជកម្មឯករាជ្យ ឬ Freelancer តម្លៃចាប់ពី ១ម៉ឺន ៥ពាន់ ដុល្លា រហូតដល់ ៦ម៉ឺនដុល្លា ហើយក៏ធ្លាប់មានបទពិសោធន៍ធ្វើការជាមួយក្រុមការងារ និងតួសម្តែងមកពីបរទេស ដែលសម្តែងក្នុងស្ពត់ពាណិជ្ជកម្មមួយចំនួន ដូចជាក្រុមហ៊ុន តូយ៉ូតា អូតូ, ក្រុមហ៊ុន Sumsung Cambodia ជាដើម។

ស្ទូឌីយូផលិតស្ពត់ពាណិជ្ជកម្ម

ទាក់ទងនឹងការងារអ្នកផលិតស្ពត់ពាណិជ្ជកម្ម និងអ្នកដឹកនាំរឿង ដ៏ក្មេងបែបនេះ ព្រមទាំងទទួលបានការគាំទ្រ ទុកចិត្តពីក្រុមហ៊ុនបែបនេះ លោក មិនមែនផ្តើមធ្វើការនេះ ១ឆ្នាំ ២ឆ្នាំនោះទេ ហើយបន្ចុប្បន្នមានការផលិតស្ពត់ពាណិជ្ជកម្ម មិនតិចជាង ៣ក្រុមហ៊ុនទេក្នុងមួយខែដែលលោកកំពុងធ្វើ។ បើតាមយុវជនដ៏មានទេពកោសល្យរូបនេះ បញ្ជាក់ថា ៖ «មែនទែនទៅខ្ញុំផ្តើមរៀនផង (explore) ធ្វើការផងលើការងារកុន ដូចជាកាត់ត និង Graphic Design តាំងពីអាយុ ១៤ឆ្នាំ ហើយក្រោយមកក៏បន្តការងារលើវិស័យនេះរហូតមក»។

សកម្មភាពផលិតស្ពត់ពាណិជ្ជកម្ម

លោក សុធា បន្តថា ៖ « ខ្ញុំតែងតែស្រលាញ់ការងារផលិតនេះខ្លាំងណាស់!» ដែលពេលខ្លះរូបគាត់ចូលចិត្តនៅស្ងាត់ម្នាក់ឯង និងរៀនកាត់ត វិឌីអូ និង ឌីហ្សាញ់រូបភាពតែម្នាក់ឯង តាមរយៈការអាន និង មើលពីរបៀបធ្វើពី Youtube ជាដើមរយៈពេលជាង ៧ម៉ោង នៅមុខកំព្យូទ័រជារឿងរាល់ថ្ងៃតាំងពីអាយុ ១៤ឆ្នាំមកម្លេះ។ ដោយស្នាដៃ ឌីហ្សាញរបស់លោកត្រូវបានគេទទួលស្គាល់ ផលិតករ ឬសិល្បករឌីជីថលម្នាក់នេះ ទទួលបានការងារផ្នែក Art design និង Motion Graphic និងជាអ្នកកាត់តអាជីបតាំងពីអាយុក្រោម ២០ឆ្នាំ ឱ្យក្រុមហ៊ុនល្បីៗក្នុងស្រុកដូចជា ស្លឹករិក និង អង្គការ BBC ACTION ជាដើម ពិសេសលោកតែងជួប និងធ្វើការយ៉ាងជិតស្និតជាមួយអ្នកដឹកនាំរឿងជើងចាស់ជាច្រើន។

លោក ជុំ សុភា (រូបឆ្វេងដៃ)

បន្ទាប់ពីបញ្ចប់វិទ្យាល័យដោយជោគជ័យ ក្នុងកម្រិតនិទេ្ទស B ឆ្នាំ ២០០៨ ដែលមាននិទ្ទេស A តែ ៣នាក់នោះ លោក សុធា អាចទទួលបានអាហាររូបករណ៍ជាច្រើនតាមតែចង់បាន។ ដោយរូបលោក នៅតែស្រលាញ់លើការផលិតខ្សែភាពយន្តនេះ យុវជន ផលិតករវ័យក្មេងម្នាក់នេះ ត្រូវឆ្លៀតពេលរៀនយប់ នៅសាលកវិទ្យាល័យ UC និង សាកលវិទ្យាជាតិគ្រប់គ្រង ខាងផ្នែកគ្រប់គ្រងទីផ្សារ និងពាណិជ្ជកម្ម និងធ្វើការពេញមួយថ្ងៃ។

រូបភាពក្រៅឆាក

ឆ្នាំ ២០១៣ អ្នកកាត់ត និងសិល្បករឌីជីថល ឬ Digital Artist ជុំ សុធា ក៏មានឱកាសប្រឡងជាប់អាហាររូបករណ៍មួយទៀតនៅ Dongseo University ខាងផ្នែកផលិត និងដឹកនាំរឿង នៃដេប៉ាតេម៉ង់ Im Kwon Tack Department of Film art នៅប្រទេសកូរ៉េខាងត្បូងរយៈពេល ៣ឆ្នាំ ដោយសាររូបលោកមាន ក្រេឌិតឆ្នាំមូលដ្ឋាន ទើបត្រូវរៀន តែ៣ឆ្នាំ។

លោក សុធា ផលិតករ និងអ្នកដឹកនាំកុនវ័យក្មេង (រូបកណ្តាល)

ក្នុងឆ្នាំ ២០១៦ លោក សុធា ផលិតករ និងអ្នកដឹកនាំកុនវ័យក្មេង ក៏ត្រឡប់មកកម្ពុជាវិញ ជាមួយ សញ្ញាប័ត្រ Film Art ដែលផលិតករក្នុងស្រុកជាច្រើនមិនធ្លាប់មាន។នេះជាមោទនភាពមួយដែលផលិតករភាពយន្តខ្មែរទទួលបានសញ្ញាប័ត្រផលិតភាពយន្ត ដែលមានលក្ខណៈអន្តរជាតិពីប្រទេស កូរ៉េខាងត្បូង តែយ៉ាងណាមិញ វាមិនមែនជាផ្លូវដើរដ៏ងាយស្រួលឡើង។

លោក ជុំ សុភា

យុវជនវ័យ ២៦ ឆ្នាំ ជុំ សុធា បានលើកឡើងថា ៖ « ខ្ញុំមានពេលតិចណាស់ក្នុងការសម្រាក់ ជាទូទៅដេកបាន ៣ ឬ ៤ម៉ោងប៉ុណ្ណោះ ហើយបើដល់ពេលធ្វើ Assignment វិញ ដេកបាន ១ម៉ោងអីហ្នឹង តាមរថភ្លើងជាដើម»។ លោក សុធា បន្តថា ចង់ក្លាយជាផលិតករ និងអ្នកដឹកនាំភាពយន្ត ត្រូវទារុណទារាបន្តិចហើយ ហើយបើមិនខំប្រឹងទេ តែខ្សោយជាងគេ នឹងត្រូវគេជាន់យើងហើយ។