មាស សុខគ្រី៖ ហុន ឈុនហេង វិលចូលសង្វៀនវិញតែសមត្ថភាពអាចមិនដូចមុន
- 2017-12-07 07:29:21
- ចំនួនមតិ 0 | ចំនួនចែករំលែក 0
មាស សុខគ្រី៖ ហុន ឈុនហេង វិលចូលសង្វៀនវិញតែសមត្ថភាពអាចមិនដូចមុន
ចន្លោះមិនឃើញ
គ្រូប្រដាល់ក្លឹបតាព្រហ្មមានជ័យ មាស សុខគ្រី ថា ការវិលចូលសង្វៀនវិញរបស់កូនសិស្សខ្លួន ហុន ឈុនហេង សមត្ថភាពអាចមិនខ្លាំងដូចមុន ព្រោះធ្លាប់មានរបួស ហើយណាមួយឥលូវក៏មានប្រពន្ធកូនទៀតផង។
លោក មាស សុខគ្រី គ្រូបង្វឹកក្លឹបប្រដាល់តាព្រហ្មមានជ័យបានឲ្យដឹងថា ឥលូវនេះកូនសិស្សរបស់លោកគឺ ហុន ឈុនហេង បានវិលចូលសង្វៀនគុនខ្មែរវិញហើយបន្ទាប់ពីជាពីរបួសបាក់ជើងស្ដាំដោយសារគ្រោះថ្នាក់ចរាចរនាកន្លងទៅនេះ។ ការវិលចូលប្រឡូកគុនខ្មែរជាថ្មីនេះ បើនិយាយពីសមត្ថភាពនោះប្រហែលជាមិនអាចខ្លាំងដូចដើមនោះទេ ដោយសារកាយសម្បទាធ្លាប់ខូច ដូច្នេះអាចមិនរឹងមាំដូចមុន មិនត្រឹមតែខានវ៉ៃយូរទេឥលូវ «ឈុនហេង» មានប្រពន្ធកូនថែមទៀត។
គ្រូប្រដាល់ជើងចាស់ខាងលើបន្តថា ការចូលប្រឡូកក្នុងវិស័យប្រដាល់ជាថ្មីនេះ បើទោះជាមិនទាន់មានសមត្ថភាពល្អដូចដើមក៏ដោយ តែគេនៅតែអាចហ្វឹកហាត់ហើយប្រកួតជាបណ្ដើរៗ គ្រាន់បានប្រាក់ចំណូលដើម្បីផ្គត់ផ្គង់ជីវភាពគ្រួសារផងដែរ។
កីឡាករ ហុន ឈុនហេង ជាកូនសិស្សមកពីក្លឹបប្រដាល់តាព្រហ្មមានជ័យ រូបគេអាក់ខានឡើងប្រកួតប្រហែលជា២ឆ្នាំមកហើយដោយសារមានរបួសពេលគ្រោះថ្នាក់ចរាចរ ហើយគេទើបតែបង្ហាញ់មុខជាថ្មីនៅសង្វៀន PNN ដោយឈ្នះពិន្ទុ ចៅ រស់ កាលពីថ្ងៃអាទិត្យមុននេះ៕