៨ ចំណុចកុំភ្លេចធ្វើឲ្យសោះ បើអ្នកបានក្លាយជាម្ចាស់ iPhone XS ថ្មី

2018-09-25 02:24:19
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone ម៉ូដែលកំពូល តម្លៃខ្ទង់ពាន់របស់ Apple គឺ iPhone XS និង XS Max បានចេញរូបរាង ហើយមានអ្នកគាំទ្រមួយចំនួន កំពុងគិតឡើងស៊េរីថ្មីនេះ បើទោះបីត្រូវចំណាយមួយខ្ពស់ក៏ដោយ។ បើអ្នកគិតថានឹងប្តូរឡើងស៊េរីថ្មី មានគន្លឹះមួយចំនួនដែលអ្នកគួរធ្វើ នៅលើទូរសព្ទចាស់។

១) Backup និង Restore

ក្រោយក្លាយជាម្ចាស់ iPhone ថ្មី គួរធ្វើការ Backup iPhone ចាស់ (បើមាន) តាមរយៈ iCloud ឬ iTune។

iTune ភ្ជាប់ iPhone ចាស់ទៅកាន់ Mac បើកប្រើកម្មវិធី iTune > ជ្រើសរើស iPhone ដោយចុចលើ icon រូបទូរសព្ទ > នៅក្រោម Backups ជ្រើសរើស This Computer។ ការជ្រើសរើសយកប្រអប់ Encrypt local backup ល្អ ដោយសារពាក្យសម្ងាត់ និងទិន្នន័យសុខភាពក៏ Backup ជាមួយដែរ។ រួចចុចប៊ូតុង Back up now។ ពេល Backup ចប់ ភ្ជាប់ iPhone XS ថ្មី រួចបញ្ជាក់ iTune អ្នកចង់ Restore ពី File Backup នោះ។
iCloud មិនត្រូវការភ្ជាប់ iPhone ទៅនឹង Mac នោះទេ គ្រាន់តែបើកកម្មវិធី Settings > ចុចលើ Apple ID Profile នៅខាងលើ > ចូលទៅកាន់ iCloud > iCloud Backup ហើយជ្រើសរើស Backup now។ ពេលរៀបចំប្រើ iPhone XS ថ្មី អាច Restore ពីទិន្នន័យ Backup ពេល Login ចូលប្រើ Device ជាមួយ Apple ID ចាស់។

២) អាប់ដេត iPhone ចាស់ រួចប្រើ Quick Start

iOS 11 មានមុខងារមួយឈ្មោះ Quick Start។ គ្រាន់តែដាក់ទូរសព្ទថ្មីក្បែរទូរសព្ទចាស់ នឹងឃើញប្រអប់បញ្ជាក់ពីការបញ្ជូនរាល់ទិន្នន័យទៅកាន់ Device ថ្មី។ បន្ទាប់មក តម្រង់កាមេរ៉ារបស់ទូរសព្ទចាស់ លើទូរសព្ទថ្មី > បញ្ចូលលេខកូដ ៦ខ្ទង់របស់ទូរសព្ទចាស់ រួចបន្តទៅមុខ ដូចជាការកំណត់ប្រើ Face ID ដែលដូចនឹងការរៀបចំប្រើ iPhone ចាស់។

ក្រោយចប់ការរៀបចំ Setting ប្រើប្រាស់ ទាមទារប៉ុន្មាននាទី ឲ្យទូរសព្ទទាញយករាល់កម្មវិធីឡើងវិញ។

៣) រៀបចំ Face ID

ការកំណត់ Face ID មិនមានការពិបាកនោះទេ ថែមទាំងលឿនជាង Touch ID។

៤) អាប់ដេតកម្មវិធី

គួរធ្វើការអាប់ដេតរាល់កម្មវិធី ដើម្បីទាញប្រយោជន៍ពីចំណុចល្អៗ Apple ផ្តល់ឲ្យអ្នកអភិវឌ្ឍន៍កម្មវិធីក្នុង iOS 12។ បើអ្នកប្រើ Quick Start រាល់កម្មវិធីភាគច្រើន នឹងប្រើកំណែទម្រង់ចុងក្រោយ។

៥) ភ្ជាប់ប្រើជាមួយ Apple Watch

បើជាម្ចាស់ Apple Watch ម៉ូដែលចាស់ ឬថ្មី (Apple Watch Series 4) គួរភ្ជាប់នឹង iPhone ថ្មី ដើម្បីរក្សាលំហូរទិន្នន័យ Activity ទៅ Database របស់ Health។

ដំបូងត្រូវផ្តាច់ការភ្ជាប់នាឡិកាពី iPhone ចាស់ ដោយលើកម្មវិធី Apple Watch ក្នុង iPhone ចាស់ ចុចលើរូបនាឡិកា > ចុចយក icon អក្សរ i > Unpair Apple Watch > បញ្ចូលលេខសម្ងាត់ iCloud។ រួច បើកកម្មវិធី Apple Watch លើ iPhone XS នឹងមានការណែនាំក្នុងការបញ្ចប់ការភ្ជាប់ប្រើ។

៦) រៀនបញ្ជាប្រើ Gesture (តម្រូវការប្រើទូទៅ)

iPhone XS មិនមានប៊ូតុង Home នោះទេ ដែលត្រូវការរៀនប្រើប្រាស់បន្ថែម បើម៉ូដែលចាស់អ្នកមិនមែន iPhone X។

ចង់ត្រលប់ទៅ Home៖ អូសឡើងលើពីក្រោមអេក្រង់។
ប្តូរប្រើកម្មវិធី៖ អូសទៅឆ្វេង ឬស្តាំតាមបណ្តោយគែមអេក្រង់ទូរសព្ទខាងក្រោម ដើម្បីត្រលប់ទៅកម្មវិធីណាមួយ។
មើលកម្មវិធីបានប្រើប្រាស់៖ អូសឡើងលើពីគែមអេក្រង់ខាងក្រោម ហើយរក្សាម្រាមដៃលើអេក្រង់បន្តិច នឹងឃើញផ្ទាំងរាល់កម្មវិធីបានបើក ហើយអាចលែងម្រាមដៃ អូសមើលបាន។
បិទកម្មវិធី៖ បើចង់បិទកម្មវិធី ពីផ្ទាំងបង្ហាញរាល់កម្មវិធីទើបបើក (ចំណុចខាងលើ) គ្រាន់តែចុចលើផ្ទាំងកម្មវិធី ហើយអូសឡើងលើផុត។
ចាប់រូបភាពអេក្រង់ (Screenshot)៖ ចុចប៊ូតុងនៅគែមខាងស្តាំ ជាមួយប៊ូតុងដំឡើងសំឡេង ក្នុងពេលដំណាលគ្នា។

៧) សាកល្បងថតលេងប្រើ Portrait Lighting

មានតែ iPhone 8 Plus និង X ប៉ុណ្ណោះ រួមទាំងម៉ូដែលក្រោយ iPhone XS មានជម្រើសប្រើ Portrait Lighting។ បើកកម្មវិធី Camera > ជ្រើសរើស Portrait ពីបញ្ជី Camera mode នៅខាងក្រោមអេក្រង់ > អូសមើល ដើម្បីប្រើជម្រើសពន្លឺនានា។

៨) សាកថ្ម

កញ្ចក់ផ្នែកខាងក្រោយទូរសព្ទ ក្រៅពីទាក់ទាញភ្នែក គឺអាចប្រើមុខងារសាកថ្មឥតខ្សែ (Wireless Charging) ជាមួយស្តង់ដារ Qi។ បើមានឧបករណ៍សាកថ្មនេះ គ្រាន់តែដាក់ iPhone លើផ្ទៃសាក។

XS អាចប្រើឆ្នាំងសាកល្បឿនលឿន (Fast Charging) ប្រើស្តង់ដារ USB-C Power Delivery (USB-PD)។ អាចប្រើឆ្នាំង USB-C Power Adapter 29W របស់ Apple ឬ USB-C Power Adapter សម្រាប់ Macbook Pro ជំនាន់ថ្មីបាន៕