វាយកូនឃ្លីលើតុពានរង្វាន់«ស ខេង» លើកទី១ ក្រសួងមហាផ្ទៃប្រមូលមេដាយស្ទើរទាំងអស់
- 2017-12-27 07:48:01
- ចំនួនមតិ 0 | ចំនួនចែករំលែក 0
វាយកូនឃ្លីលើតុពានរង្វាន់«ស ខេង» លើកទី១ ក្រសួងមហាផ្ទៃប្រមូលមេដាយស្ទើរទាំងអស់
ចន្លោះមិនឃើញ
កម្មវិធីវាយកូនឃ្លីលើតុលើកទី១ ពានរង្វាន់សម្ដេចក្រឡាហោម ស ខេង ដែលបានបញ្ចប់ទៅកាលពីថ្ងៃអាទិត្យកន្លងទៅនេះ ក្លឹបក្រសួងមហាផ្ទៃឈ្នះបានមេដាយបានច្រើនជាងគេលើគ្រប់វិញ្ញាសា។
លោក ជា ប៊ុនហេង ប្រធានមជ្ឈមណ្ឌលកីឡាក្រសួងមហាផ្ទៃបានឲ្យដឹងថា ដោយមានការសហការជាមួយសហព័ន្ធវាយកូនឃ្លីលើតុ ទើបបង្កើតឲ្យមានពានរង្វាន់សម្ដេចក្រឡាហោម ស ខេង លើកទី១នេះ ដើម្បីជាការសាកល្បង ខណៈពានរង្វាន់លើប្រភេទកីឡាដ៏ទៃមជ្ឈមណ្ឌលបានបង្កើតឲ្យមានច្រើនមកហើយ។ ពានរង្វាន់សម្ដេចក្រឡាហោមនេះ ជាកម្មវិធីថ្មីមួយទៀតរបស់មជ្ឈមណ្ឌលដើម្បីសម្រេចតាមផែនការពង្រឹងគ្រប់ប្រភេទកីឡាទាំង២៦ឲ្យមានសក្ដានុពលត្រៀមប្រជែងយកមេដាយនៅក្នុងព្រឹត្តិការណ៍កីឡាជាតិលើកទី២ខាងមុខនេះ។
តាមរយៈការប្រកួតប៉ុន្មានថ្ងៃមុននេះលើ៥វិញ្ញាសា ក្លឹបក្រសួងមហាផ្ទៃទទួលបានមេដាយទាំងអស់មិនថាវិញ្ញាសាអាយុ ៥០ឡើង អាយុ ៥០ចុះ ឬវិញ្ញាសាវាយឯកត្តជននោះទេគឺឈ្នះស្ទើរតែទាំងអស់តែម្ដងនេះបើតាមការឲ្យដឹងបន្ថែមរបស់ប្រធានមជ្ឈមណ្ឌលខាងលើ។
កម្មវិធីវាយកូនឃ្លីលើតុលើកទី១ ពានរង្វាន់សម្ដេចក្រឡាហោម ស ខេង ធ្វើឡើងរយៈពេល២ថ្ងៃគឺចាប់ពីថ្ងៃទី ២៣ ដល់ ២៤ ខែធ្នូ ២០១៧ ដែលមានកីឡាករ កីឡាការិនី ៨១នាក់ ត្រូវជា១៣ក្លឹប ប្រកួតប្រជែងលើ ៥វិញ្ញាសា ទី១ អាយុ ៥០ឆ្នាំឡើងទៅ ទី២ អាយុ៥០ចុះក្រោម ទី៣ វាយគូ ទី៤ នារីឯកត្តជន និងទី៥ ប្រកួតលើកទឹកចិត្ត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
