ចង់ដឹងអត់រឿងអ្វីខ្លះ ដែលមានមិត្តអ្នកអានច្រើននៅវិបសាយ Sabay សប្ដាហ៍មុន?
- 2018-02-12 03:01:15
- ចំនួនមតិ 0 | ចំនួនចែករំលែក 0
ចង់ដឹងអត់រឿងអ្វីខ្លះ ដែលមានមិត្តអ្នកអានច្រើននៅវិបសាយ Sabay សប្ដាហ៍មុន?
ចន្លោះមិនឃើញ
- បញ្ហាគួរឲ្យបារម្ភបំផុត៤ពេលចិនកំពុងសម្រុកទៅរស់នៅខេត្តព្រះសីហនុ៖
- សហព័ន្ធបាល់ទាត់ពិភពលោកFIFA រើសយកកម្ពុជាធ្វើជាកន្លែងកិច្ចប្រជុំកំពូល៖
- កត្តាធំ២ ដែលធ្វើឲ្យវិស័យបាល់ទះកម្ពុជាមិនមានការរីកចម្រើន៖
- តារាសម្ដែងជើងចាស់ អម្ពរ ទេវី ប្រកាសថានឹងមករស់នៅកម្ពុជាវិញ៖
- រឿងក្ដីក្ដាំតារាទឹកភ្នែកនី មុន្នីនាថ និងអតីតគូដណ្ដឹង៖
- រកឃើញមូលហេតុLexus RX300 ប៉ុង១ លក់ថ្លៃជាងប៉ុង២៖
- អ្នកប្រើ iPhoneនៅកម្ពុជាចាញ់បោកហាងទិញចំទូរសព្ទប្ដូរម៉ាស៊ីន៖
ព័ត៌មានសង្គម៖
- បញ្ហាគួរឲ្យបារម្ភបំផុត៤ពេលចិនកំពុងសម្រុកទៅរស់នៅខេត្តព្រះសីហនុ៖
កាលពីសប្ដាហ៍មុននេះ រឿងដែលទទួលបានការចាប់អារម្មណ៍ខ្លាំងនៅលើវិបសាយ Sabay គឺវត្តមានជនជាតិសម្រុកមកនៅក្នុងខេត្តព្រះសីហនុ។ ក្ដីព្រួយបារម្ភមិនមែនមានតែប្រជាពលរដ្ឋប៉ុណ្ណោះទេ រហូតដល់ឯកឧត្ដម យន្ត មីន អភិបាលខេត្តព្រះសីហនុ សរសេរលិខិតទៅសម្ដេចក្រឡាហោម ស ខេង ពីចំណុចគួរឲ្យព្រួយបារម្ភមួយចំនួន។ ទាំងការព្រួយបារម្ភរបស់មន្រ្តីរាជរដ្ឋាភិបាល និងប្រជាលរដ្ឋ ត្រូវបានកត់សម្គាល់ឃើញ ៤ចំណុចធំៗ ខាងក្រោមនេះ៖
- ១. បង្កឱកាសដល់ជនជាតិចិន ជាពួកម៉ាហ្វីយ៉ាមួយចំនួន បន្លំខ្លួនចូលមកប្រព្រឹត្តបទល្មើស បង្កអសន្តិសុខ និងចាប់ជំរិតអ្នកវិនិយោគ។
- ២. ជនបរទេសមួយចំនួន គេចវេះមិនព្រមបំពេញបែបបទតាមនីតិវិធី ខ្លះបើកបរដោយគ្មានច្បាប់អនុញ្ញាត ខ្លះផឹកស៊ី ឡូឡា និងវាយតប់គ្នាតាមទីសាធារណៈ។
- ៣. ស្លាកយីហោហាង សណ្ឋាគារ កាស៊ីណូ និងការដ្ឋានខ្លះ សរសេរអក្សរបរទេសសុទ្ធ ឬសរសេរអក្សរខ្មែរតូចជាងអក្សរបរទេស ជាដើម។
- ៤. ក្រៅពីផ្ទះសំណាក់ឡើងថ្លៃ គ្រឿងសមុទ្រនៅខេត្តព្រះសីហនុកំពុងឡើងថ្លៃជាបន្តបន្ទាប់ក្រោយជនជាតិទៅទិញដល់ផែទំនប់រលក។
ព័ត៌មានលម្អិត រឿងគួរឲ្យបារម្ភបំផុត៤យ៉ាង ពេលចិនកំពុងសម្រុកទៅរស់នៅខេត្តព្រះសីហនុ
ព័ត៌មានកីឡា
១. សហព័ន្ធបាល់ទាត់ពិភពលោកFIFA រើសយកកម្ពុជាធ្វើជាកន្លែងកិច្ចប្រជុំកំពូល៖
សហព័ន្ធបាល់ទាត់ពិភពលោកFIFA បានរើសយកកម្ពុជាធ្វើជាកន្លែងរៀបចំកិច្ចប្រជុំកំពូលFIFA ២០១៧/២០១៨ ដែលមានប្រទេសជាង២០មកពីជុំវិញពិភពលោកចូលរួម។ ក្នុងកិច្ចប្រជុំកំពូលនេះមានការចូលរួមពី ប្រធានសហព័ន្ធបាល់ទាត់ពិភពលោកFIFAលោក Gianni Infantino មន្ត្រីជាន់ខ្ពស់ជាច្រើនរូបរបស់ FIFA ប្រធាន អគ្គលេខាធិការនៃសហព័ន្ធបាល់ទាត់នៃបណ្ដាលប្រទេសជាង២០ប្រទេស និង ប្រធាន រួមទាំងមន្ត្រីជាន់ខ្ពស់របស់សហព័ន្ធបាល់ទាត់កម្ពុជាផងដែរ។
ព័ត៌មានលម្អិត ស្ងាត់ៗ ប្រធាន FIFA ជ្រើសរើសយកកម្ពុជារៀបចំកិច្ចប្រជុំកំពូលសប្តាហ៍នេះ
២. កត្តាធំ២ ដែលធ្វើឲ្យវិស័យបាល់ទះកម្ពុជាមិនមានការរីកចម្រើន៖
មកដល់ពេលនេះវិស័យបាល់ទះកម្ពុជាហាក់មានការរីកចំរើនយឺតនេះបើប្រៀបធៀបប្រទេសក្នុងតំបន់អាស៊ាន។ មានមូលហេតុធំ២ ដែលកម្ពុជាខ្វះខាត នឹងត្រូវគិតគួរអភិវឌ្ឍន៍បន្ថែមទី៖
១- កម្មវិធីប្រកួតលីគអាជីពមិនច្បាស់លាស់
២- ក្លឹបអាជីពនៅមានចំនួនតិចនៅឡើយ
ព័ត៌មានលម្អិត៖ ២ ចំណុចធំៗនេះ បាល់ទះលើក្ដារកម្ពុជាមិនទាន់មាន
ព័ត៌មានកម្សាន្ត
១. តារាសម្ដែងជើងចាស់ អម្ពរ ទេវី ប្រកាសថានឹងមករស់នៅកម្ពុជាវិញ៖
ក្នុងកិច្ចសម្ភាសន៍ផ្ដាច់មុខជាមួយអ្នកយកព័ត៌មានគេហទំព័រ Sabay តារាជើងចាស់ឆ្នើមទសវត្ស៩០អ្នកស្រី អម្ពរ ទេវី បានលើកឡើងថា ទោះមិនជាប់ភារកិច្ចសម្ដែងក្ដី អ្នកស្រីប្រាកដថា នឹងត្រឡប់មករស់នៅលើទឹកដីកម្ពុជាវិញ ក្រោមហេតុផលមិនអាចបំភ្លេចទឹកដីកំណើត មិត្តរួមសិល្បៈ និងម្ហូបខ្មែរ។
ព័ត៌មានលម្អិត កំពូលតារាសម្ដែង អម្ពរ ទេវី ប្រកាសមករស់នៅកម្ពុជាវិញ ក្រោមហេតុផលទាំងនេះ!
** ២. រឿងក្ដីក្ដាំតារាទឹកភ្នែកនី មុន្នីនាថ និងអតីតគូដណ្ដឹង៖**
រយៈពេលជិតកន្លះឆ្នាំទៅហើយរឿងក្តីក្តាំរវាងតារាស្រី នី មុន្នីនាថ និងអតីតគូដណ្ដឹងលោក អ៊ឺង សូឡាង ដែលប្ដឹងទៅសាលាដំបូងរាជធានីភ្នំពេញតាំងពីថ្ងៃទី ២៨ ខែ កញ្ញា ឆ្នាំ២០១៧ រហូតមកពេលនេះគឺនៅមិនទាន់មានលទ្ធផលនៅឡើយទេ។ បើយោងតាមដីកាកោះរបស់ចៅក្រមសាលាដំបូងរាជធានីភ្នំពេញ លោក អ៊ុក សុវណ្ណារិទ្ធ គឺត្រូវតម្រូវឲ្យគូភាគីចូលសវនាការម្ដងទៀតនៅថ្ងៃទី៧ ខែកុម្ភៈ ឆ្នាំ២០១៨កន្លងទៅ តែត្រូវចៅក្រមជំនុំជម្រះប្រកាសលើកពេលក្រោមមូលហេតុភាគីខាងដើមបណ្ដឹងមិនបានចូលខ្លួនតាមដីកាកោះ។ ក្រោយតុលាការប្រកាសលើកពេលភាគីដើមបណ្ដឹងលោក អ៊ឺង សូឡាង បានប្រកាសបដិសេធថាខ្លួនមិនបានទទួលដីកាកោះពីតុលាការទេ។
ព័ត៌មានលម្អិត ជាដើមបណ្ដឹង អតីតគូដណ្ដឹង នី មុន្នីនាថ បែរមិនចូលខ្លួនតាមការកោះហៅពីតុលាការ
ព័ត៌មានបច្ចេកវិទ្យា
១.រកឃើញមូលហេតុLexus RX300 ប៉ុង១ លក់ថ្លៃជាងប៉ុង២៖
មូលហេតុដែល Lexus RX300 ប៉ុង ១ មានអ្នកជិះច្រើនជាងប៉ុង ២ ព្រោះនៅតាមហ្គារ៉ាសភាគច្រើននាំយករថយន្តប្រភេទប៉ុង ១ មកលក់ច្រើនជាងប៉ុង ២។ អ្នកជំនាញមើល និងទិញឡានលើកឡើងថា ឡានប៉ុង ១ លក់ថ្លៃជាងប៉ុង២ ដោយសារតម្រូវការនៅទីផ្សារកម្ពុជានិយាយទិញឡានប៉ុង១ ព្រោះស៊ីសាំងតិច និងគុណភាពឡានប៉ុង១ល្អជាងឡានប៉ុន២។
ព័ត៌មានលម្អិត៖ រកឃើញមូលហេតុចំៗ Lexus RX300 ប៉ុង ១ លក់ថ្លៃជាងប៉ុង ២ នៅខ្មែរ
២.អ្នកប្រើ iPhoneនៅកម្ពុជាចាញ់បោកហាងទិញចំទូរសព្ទប្ដូរម៉ាស៊ីន៖
បុគ្គលិកក្រុមហ៊ុនឯកជនម្នាក់បានប្រាប់Sabayថា កាលពី១ឆ្នាំលោកបានទិញទូរសព្ទ iPhone 7Plus ទំហំ 32GBក្នុងតម្លៃ ៧៧០ ដុល្លារ នៅថ្ងៃចេញលក់ដំបូង នៅហាងធំមួយនៅក្នុងទីក្រុងភ្នំពេញ រហូតមកដល់ពេលឥឡូវទើបដឹងថា ទូរសព្ទដែលលោកទិញនោះ ជាទូរសព្ទដែលអ្នកលក់លួចប្ដូរម៉ាស៊ីនបោកថាជាទូរសព្ទថ្មី។
ព័ត៌មានលម្អិត ប្រើជិតមួយឆ្នាំ ទើបដឹងទូរសព្ទថ្មីកាន់រាល់ថ្ងៃ អ្នកលក់លួចស៊ីម៉ាស៊ីនតាំងពីថ្ងៃដំបូង
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
