មិនបង្អង់យូរ! Xiaomi ចេញផ្សាយ Mi Mix 3 ប្រើប្រព័ន្ធ 5G តម្លៃជិត ៧០០ ដុល្លារ
- 2019-02-25 02:10:00
- ចំនួនមតិ 0 | ចំនួនចែករំលែក 0
មិនបង្អង់យូរ! Xiaomi ចេញផ្សាយ Mi Mix 3 ប្រើប្រព័ន្ធ 5G តម្លៃជិត ៧០០ ដុល្លារ
ចន្លោះមិនឃើញ
ក្រុមហ៊ុន Xiaomi បានប្រកាសចេញផ្សាយស្មាតហ្វូនជំនាន់ក្រោយរបស់ខ្លួនគឺ Mi Mix 3 5G នៅឯព្រឹត្តិការណ៍ Palau de Congressos ក្នុងទីក្រុង Barcelona ប្រទេសអេស្ប៉ាញ។ ចំណុចខ្លាំងពីរនៃធុនធ្ងន់នេះ មានបំពាក់មកជាមួយនូវបន្ទះឈីបជំនាន់ខ្ពស់ផុតលេខ Qualcomm Snapdragon 855 និងការគាំទ្រប្រព័ន្ធអ៊ីនធឺណិតល្បឿនលឿន 5G។
ក្រៅពីមានការវិវត្តនូវឈីបថ្មី និង modem ប្រភេទ Snapdragon X50 ទៅមើលលក្ខណៈសម្បត្តិឯទៀតគឺមិនខុសគ្នានឹង Mi Mix 3 ជំនាន់ធម្មតាចេញផ្សាយកាលពីខែតុលា ក្នុងទីក្រុងប៉េកាំងនោះឡើយ ដោយមកនូវអេក្រង់ ៦,៣៩ អ៊ីញ AMOLED អមកាមេរ៉ាភ្លោះមុខ 24MP+2MP និងខាងក្រោយ 12MP+12MP។
ខុសពីតម្លៃចាស់ ៥០០ អឺរ៉ូ ម៉ូឌែលអាប់ដែតថ្មីមាន RAM 6GB/64GB ROM ជាមួយជម្រើសពណ៌ Onyx Black ឬ Sapphire Blue ប្រកាសលក់ក្នុងតម្លៃ ៥៩៩ អឺរ៉ូឬប្រមាណ ៦៧៩ ដុល្លារ ។ ចាប់ផ្តើមដាក់លក់នាខែឧសភាតទៅ លើគេហទំព័រ Mi.com និងបណ្តាហាងចែកចាយធំៗ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
រូបថតព្រះចន្ទមួយសន្លឹកនេះ បង្កើតពីរូប ៥ ម៉ឺនសន្លឹកផ្គុំចូលគ្នា
ស្មាតហ្វូន Samsung បត់អេក្រង់បាន មានគូប្រជែងធំ ២ កំពុងត្រៀមធ្វើសង្គ្រាម