Hope Taekwando 2023 បញ្ចប់ម្សិលមិញរកបានធនធានថ្មី៩នាក់បន្ថែម

2019-04-29 04:03:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកម្មវិធី Hope Taekwando 2023 ម្សិលមិញនេះ នៅពហុកីឡដ្ឋានជាតិ សម្រាប់ជ្រើសរើសកីឡាករឆ្នើមហ្វឹកហាត់ត្រៀមនៅពេលកម្ពុជាធ្វើម្ចាស់ផ្ទះនោះ រកបានធនធានថ្មី ៩នាក់ ទៀតហើយដើម្បីដុសខាត់បន្ថែម។

ទិដ្ឋភាពម្សិលមិញ

លោកជំទាវ គឹម សេដ្ឋានី រដ្ឋលេខាធិការនៃក្រសួងអប់រំ យុវជន និងកីឡា បានឲ្យដឹងថា សម្រាប់ការប្រកួតកម្មវិធី Hope Taekwando 2023 នេះជាលើកទី២ហើយដែល WTF បានធ្វើការប្រកួត ខណៈឆ្នាំ២០១៨ ជាលើកទី១។ កម្មវិធីនេះ គឺជាការជ្រើសរើសរកកីឡាករឆ្នើម និងក្មេងៗបន្ថែមទៀត ដើម្បីដាក់បញ្ចូលទៅក្នុងក្រុមកីឡាករ កីឡាការិនីត្រៀមតេសសមត្ថភាពក្លាយជាជម្រើសជាតិ។

ទិដ្ឋភាពម្សិលមិញ

លោកជំទាវបន្ថែមទៀតថា ការជ្រើសរើសបែបនេះគឺជាការត្រៀមខ្លួនបានល្អ ត្រៀមខ្លួនបានវែងឆ្ងាយងាយស្រួលអភិវឌ្ឍន៍សមត្ថភាពពួកគេ ឲ្យខ្លាំងដើម្បីត្រៀមប្រជែងរកមេដាយនៅពេលដែលកម្ពុជាធ្វើជាម្ចាស់ផ្ទះស៊ីហ្គេម ឆ្នាំ២០២៣។

ទិដ្ឋភាពម្សិលមិញ

រំលឹកដែរថា Hope Taekwando 2023 ជាការប្រកួតលើកទី២ហើយ និងបានបញ្ចប់រួចហើយនាល្ងាចម្សិលមិញនេះ ដោយរកបានកីឡាករ កីឡាការិនីឆ្នើម ៩នាក់។ កីឡាករ កីឡាការិនីចូលរួមសរុប ៤៦នាក់ មកពី១០ក្លឹប៕

អត្ថបទ៖ នួន ស៊ីណា