អ្នកប្រដាល់ Loma និង Usyk ស្ពាយកាំភ្លើងចេញច្បាំង ទើបធ្វើឱ្យទាហានរុស្ស៊ី ដឹងខ្លួនខុសចាញ់បោកគេ
- 2022-03-14 04:07:46
- ចំនួនមតិ 0 | ចំនួនចែករំលែក 0
អ្នកប្រដាល់ Loma និង Usyk ស្ពាយកាំភ្លើងចេញច្បាំង ទើបធ្វើឱ្យទាហានរុស្ស៊ី ដឹងខ្លួនខុសចាញ់បោកគេ
ចន្លោះមិនឃើញ
ទាហានរុស្ស៊ីម្នាក់ដែលត្រូវបានអ៊ុយក្រែនចាប់ខ្លួន បាននិយាយរៀបរាប់ពីមូលហេតុរូបគេត្រូវបញ្ជូនមកធ្វើសង្គ្រាមលើទឹកដីអ៊ុយក្រែន និងពេលវេលាដឹងខ្លួនថាត្រូវរដ្ឋាភិបាលបោកប្រាស់។
ទាហានរុស្ស៊ីខាងលើបាននិយាយថាខ្លួនពិតជាខុស១០០%តែម្ដង ដែលសម្រេចចិត្តមកលុកលុយអ៊ុយក្រែននេះតាមបញ្ជារបស់ពូទីន។ ហើយការដឹងខ្លួននេះ គឺបន្ទាប់ពីរូបគេបានឃើញ Idol របស់ខ្លួនគឺកីឡាករ Oleksandr Usyk និង Vasyl Lomachenko ដែលសុទ្ធតែអ្នកប្រដាល់ល្បីៗ សុខចិត្តស្ម័គ្រមកបម្រើទ័ពប្រយុទ្ធជាមួយគេវិញ។ ដោយនេះបានសបញ្ជាក់ឱ្យឃើញថា អ្វីដែលរូបគេបានស្ដាប់មក គឺខុសហើយ អ៊ុយក្រែនមិនស្ថិតក្រោមអំណាចរបស់ Nazis អ្វីនោះទេ។ ផ្ទុយទៅវិញ ពលរដ្ឋអ៊ុយក្រែន ទាំងចាស់ទាំងក្មេង កំពុងប្រកៀកស្មាតស៊ូជាមួយកងទ័ពរុស្ស៊ីទៅវិញទេ។
ទាហានរុស្ស៊ីដែលអ៊ុយក្រែនចាប់បាន និយាយទៀតថា៖ “តាមពិតខ្ញុំខុស 100% ឥឡូវនេះ។ កុំវិនិច្ឆ័យខ្លាំងពេក។ យើងត្រូវបានគេប្រាប់ថា អ៊ុយក្រែនត្រូវបានត្រួតត្រាដោយពួកហ្វាស៊ីស... ណាស៊ីបានដណ្តើមអំណាច។ យើងមិនបានដឹងពីស្ថានភាពជាក់ស្តែងទេ។ នៅពេលខ្ញុំបានចូលមកទឹកដីនេះ ខ្ញុំក៏បានឃើញ Oleksandr Usyk និង Vasyl Lomachenko ត្រលប់មកការពារទឹកដីរបស់គេដែរ ខ្ញុំចូលចិត្តពួកគេទាំងពីរ។ ពួកគេនិយាយថា "យើងមិនបានហៅអ្នកមកទីនេះទេ" ។ ខ្ញុំមានអារម្មណ៍ខ្មាសគេដែលយើងមកប្រទេសនេះ”។
រំលឹកថាដោយសារតែរុស្ស៊ីឈ្លានពានអ៊ុយក្រែន បានធ្វើឱ្យអ្នកប្រដាល់ល្បីៗឈ្មោះរបស់អ៊ុយក្រែនទាំងអស់បោះបង់ខ្សែក្រវាត់ ហើយស្ម័គ្រចិត្ដកាន់កាំភ្លើងវិញដើម្បីការពារទឹកដីរបស់ពួកគេ។ ស្របពេលដែលទាហានរុស្ស៊ីដែលត្រូវបានចាប់ខ្លួន ភាគច្រើនសុទ្ធតែនិយាយថារូបគេមិនដឹងថាមកធ្វើសង្គ្រាមដើម្បីឈ្លានពានអ៊ុយក្រែនទេ ដោយមកនេះដើម្បីរំដោះអ៊ុយក្រែនពីអំណាចរបស់ Nazis ប៉ុណ្ណោះ៕