Nico Williams របស់ Bilbao ឆ្លើយបែបនេះក្រោយក្លឹបមួយចំនួនធំព្យាយាមចង់បានគេ
- 2024-06-28 00:10:00
- ចំនួនមតិ 0 | ចំនួនចែករំលែក 0
Nico Williams របស់ Bilbao ឆ្លើយបែបនេះក្រោយក្លឹបមួយចំនួនធំព្យាយាមចង់បានគេ
ចន្លោះមិនឃើញ
Nico Williams របស់ក្លិបAthletic Bilbao កំពុងត្រូវបានក្លឹបមួយចំនួនធំចង់បានមកចូលរួមក្នុងនោះមានដូចជា Arsenal , Chelsea និង Barcelona ជាដើម។ ឆ្លើយតបទៅកាន់ក្លឹបដែលកំពុងចង់បានខ្លួន Nico Williams បានបដិសេធគ្រប់សំណើ ហើយនិយាយថា Athletic Bilbao ជាផ្ទះរបស់ខ្លួនគ្មានថ្ងៃចាកចេញទេ ដរាបណាក្លឹបនៅតែត្រូវការគេ។
ខ្សែបម្រើប្រយុទ្ធស្លាបរបស់ជម្រើសជាតិអេស្ប៉ាញទើបតែបន្តកុងត្រាថ្មីជាមួយ Athletic Bilbao ដល់ឆ្នាំ២០២៧ ហើយគេបាននិយាយថា «រីករាយក្នុងការបន្តនៅផ្ទះដ៏កក់ក្ដៅមួយនេះ គេនឹងមិនចាកចេញពីក្លឹបឡើយ»។ Williams កំពុងតែបង្ហាញសមត្ថភាពដ៏ប៉ិនប្រសព្វរបស់គេនៅលើទឹកដីអាល្លឺម៉ង់ក្នុងព្រឹត្តិការណ៍ EURO 2024 ដ្បិតតែមិនទាន់រកគ្រាប់បាល់បាន ឬបញ្ជូនបាល់ឲ្យមិត្តរួមក្រុមស៊ុតក៏ដោយ ប៉ុន្តែក្នុងការបង្ហាញសមត្ថភាព២ប្រកួតក្នុងចំណោម៣ប្រកួតសម្រាប់ការប្រកួតវគ្គជម្រុះក្នុងពូលស្ថិតក្នុងចំណោមកីឡាករម្នាក់ដែលបង្ហាញឲ្យឃើញពីភាពលេចធ្លោ និងល្អរបស់អេស្ប៉ាញផងដែរ។
Nico Williams ជាយុវជនរបស់ក្លិប Athletic Bilbao តាំងពីឆ្នាំ២០១៣-២០១៩ ហើយគេបានចូលលេងក្នុងក្រុមធំរបស់ Athletic Bilbao នាឆ្នាំ២០២១ ដល់បច្ចុប្បន្នដោយបង្ហាញខ្លួនចំនួន ១០៣ប្រកួត និងរកបាន ១១ គ្រាប់ហើយ នៅជម្រើសជាតិអេស្ប៉ាញវិញគេជាប់ចាប់ពីឆ្នាំ២០២២ និងបានចូលលេងសរុប១៦ប្រកួតរកបាន២គ្រាប់ផងដែរ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
