ក្ដារចុចខ្មែរជាគូនឹង iPhone 6 និង 6Plus គ្រោងនឹងចេញឆាប់ៗនេះហើយ

2014-12-19 12:30:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តនឹងលែងមានការពិបាកក្នុងការវាយអក្សរខ្មែរលើ iPhone 6 និង 6 Plus ទៀតហើយដោយក្រុម 4KhmeriPhone កំពុងតែដំណើរការបង្កើតក្តារចុចខ្មែរមួយប្រភេទដែលអាចចុចដៃម្ខាងបានក្នុងការវាយអក្សរខ្មែរ។

ប្រធានក្រុម 4KhmeriPhone បានឲ្យដឹងថា Apple បានបញ្ចេញ iPhone 6 និង iPhone 6 plus ប៉ុន្តែដោយអេក្រង់ទូរសព្ទទាំងពីរធំប្រិយមិត្តដែលមានដៃតូចអាចប្រើក្ដារចុចពិបាកដូច្នេះ Apple បានបង្កើតក្ដារចុចសម្រាប់ iPhone 6 និង iPhone 6 plus ដោយដាក់ឈ្មោះក្ដារចុចនេះថា ក្ដារចុចសម្រាប់ប្រើដៃមួយសម្រាប់ដៃឆ្វេងឬដៃស្ដាំ (one handed keyboard left and right) ។

លោកបន្តថា ក្ដារចុចនេះបានបង្កប់នៅក្នុង iOS 8 ហើយ Apple មិនអនុញ្ញាតឲ្យប្រើនៅឡើយទេ។ បើសិនជាប្រិយមិត្តប្រើក្ដារចុចធម្មតាមិន jailbreak ប្រាកដជាមិនបានឃើញក្ដារចុចនេះ និង មិនអាចប្រើបាន។

បន្ទាប់ពីនៅលើប្រព័ន្ធប្រតិបត្តិការអាច jailbreak បានមកក្រុម 4KhmeriPhone បានស្រាវជ្រាវឃើញនូវក្ដារចុចប្រើដៃមួយនេះដោយមានការជួយណែនាំពីមិត្តក្នុងក្រុម ហើយក៏បានកែសម្រួលក្ដារចុចនេះយកមកប្រើជាក្ដារចុចខ្មែរ។

ប្រធានក្រុមរូបនេះបញ្ជាក់ថា ក្រុមលោកបានប្រើវិធីចាស់ដោយថ្ពក់យក (hook) ក្ដារចុចរុស្សីរបស់ Apple iOS មកកែជាក្ដារចុចខ្មែរដោយអាចប្រើដោយដៃម្ខាងបាន។

ក្រុមលោកកំពុងធ្វើការកែសម្រួលបន្ថែមទៀតដោយបញ្ចូលមុខងារ Swipe ដែលប្រិយមិត្តប្រើប្រាស់អាចប្រើប្រាស់ដោយ Swipe ទៅឆ្វេងសម្រាប់ក្ដារចុចប្រើដៃឆ្វេង និង Swipe ទៅស្ដាំសម្រាប់ក្ដារចុចប្រើដៃស្ដាំ។

ជាចុងក្រោយ លោកសង្ឃឹមថាប្រិយមិត្តនឹងពេញចិត្ត និង ទទួលយកនូវក្ដារចុចខ្មែរជំនាន់ថ្មីនេះទៅប្រើប្រាស់ដោយរីករាយ។

ចំណាំ៖ រាល់ iPhone 6 និង 6Plus គឺត្រូវតែ Jaibreak ទើបប្រើបាន ហើយគ្រោងនឹងចេញឲ្យប្រើប្រាស់ក្នុងពេលឆាប់ៗនេះហើយ។

អានអត្ថបទ៖ Apple កំពុងកែកំហុសឆ្គងពុម្ពអក្សរខ្មែរនៅលើ iOS 8 បន្ទាប់ពី 4KhmeriPhone ស្នើសុំ

អានអត្ថបទ៖ HandyKey បង្កើតឡើងជាដៃគូសម្រាប់អ្នកប្រើ iPhone 6/6PLus

អានអត្ថបទ៖ ហ្គេមខ្មែរមានការចាប់អារម្មណ៍ពីពលរដ្ឋជប៉ុន

អានអត្ថបទ៖ ទូរទស្សន៍រដ្ឋដ៏ធំរបស់ជប៉ុន NHK ផ្សាយពីហ្គេមខ្មែរបង្ហាញពលរដ្ឋជប៉ុន

អត្ថបទ៖ ដារ៉ាឆានី