បុរសសម្រេចកាមរាល់ថ្ងៃ ជួយកាត់បន្ថយជំងឺមហារីកក្រពេញប្រូស្តាត

2015-08-02 23:11:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាស្រាវជ្រាវមួយបានបង្ហាញថា បុរសដែលរួមភេទ ឬសម្រេចកាមដល់កំពូល១ដង ក្នុង១ថ្ងៃ មានអត្រាកើតជំងឺមហារីកក្រពេញប្រូស្តាតកាន់តែទាប និងមានការថយចុះហានិភ័យរហូតដល់២២%។

យោងលើការសិក្សាទៅលើបុរសជាច្រើនប្រមាណជិត៣២០០០នាក់ ដែលមានសុខភាពល្អ និងមានអាយុចាប់ពី១៨ឆ្នាំឡើងបានឲ្យឃើញថា បុរសដែលសម្រេចកាមដល់ចំណុចកំពូល ឬរួមភេទយ៉ាងហោចណាស់ ២១ដង ក្នុង១ខែ ពិតជាជួយកាត់បន្ថយការកើតជំងឺមហារីកក្រពេញប្រូស្តាត រហូតដល់២២%។

លោកវេជ្ជបណ្ឌិត Jennifer Rider មកពីសាលា Harvard Medical School និងមន្ទីរពេទ្យ Brigham & Women’s Hospital ក៏បានយប់ស្របផងដែរ ដោយលោកបានប្រាប់ដល់ Daily Mail ថា៖ "លទ្ធផលសិក្សាស្រាវជ្រាវពិតជាឃើញថា ការសម្រេចកាម ពិតជាជួយកាត់បន្ថយការកើតជំងឺមហារីកក្រពេញប្រូស្តាតមែន ដូច្នេះស្របពេលដែលកត្តាគ្រោះថ្នាក់ជំងឺនេះ កំពុងតែចោទខ្លាំង លទ្ធផលសិក្សានេះ អាចជាការលើកទឹកចិត្តដ៏ល្អមួយ"។

ប្រូស្តាត ជាក្រពេញតូចមួយ ដែលកើតឡើងចំពោះបុរស ហើយវានឹងរីកកាន់តែធំឡើង ដរាបណាវ័យកាន់តែច្រើន ហើយវាកើតឡើងនៅក្នុងតំបន់ប្រដាប់ភេទបុរស។ យោងលើ World Cancer Research Fund International កាលឆ្នាំ២០១២ បានបង្ហាញថា មានជំងឺមហារីកក្រពេញប្រូស្តាតលើពិភពលោកប្រមាណ ១,១លានករណី ដែលក្នុងនោះមាន ១៥%កើតឡើងលើបុរស៕

-ចុចអាន៖ ៥យ៉ាងគួរដឹងពេលនាំដៃគូឡើងគ្រែលើកដំបូង

ប្រែសម្រួល៖ វិន ជីវ័ន្ត ប្រភព៖ mirror | dailymail