កម្ពុជា ទៅ ម៉ាឡេស៊ីល្ងាចនេះ ប្រកួតថ្ងៃទី២០ និង បន្តប៉ះឥណ្ឌូណេស៊ី ថ្ងៃទី ២៥ កញ្ញា

2014-09-18 23:26:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងច្បាស់ការហើយសម្រាប់ក្រុមបាល់ទាត់ជម្រើសជាតិកម្ពុជា ក្នុងការចេញដំណើរទៅប្រកួតមិត្តភាពអន្តរជាតិជើងនេះ ពោលគឺត្រូវប៉ះក្រុមម្ចាស់ផ្ទះម៉ាឡេស៊ី នៅថ្ងៃទី ២០ កញ្ញា ខាងមុខវេលាម៉ោង ៧:៤៥ នាទីល្ងាច (ត្រូវនឹងម៉ោង ៦:៤៥ នាទីល្ងាចនៅកម្ពុជា) ហើយត្រូវបន្តទៅប៉ះក្រុមម្ចាស់ផ្ទះឥណ្ឌូណេស៊ី នៅថ្ងៃទី ២៥ កញ្ញា បន្តទៀត មុនត្រឡប់មកមាតុប្រទេសវិញ។

ក្រុមជម្រើសជាតិកម្ពុជាថតរូបជុំគ្នាមុនចេញដំណើរ

លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិកម្ពុជា បានលើកឡើងថា៖ «យើងទើបតែទទួលបានដំណឹងភ្លាមៗ មកពីខាងឥណ្ឌូណេស៊ី ហើយច្បាស់ការថាប្រកួតនៅថ្ងៃទី ២៥ កញ្ញា តែមិនទាន់ច្បាស់ម៉ោងនៅឡើយ»។

លោកគ្រូបង្វឹកជនជាតិកូរ៉េខាងត្បូង Lee Tae Hoon បានដឹកនាំកីឡាករចំនួន ២០ នាក់ចេញទៅប្រកួតនៅក្រៅប្រទេសជើងនេះ នាវេលាម៉ោង ៥:១៥នាទីល្ងាចថ្ងៃទី ១៨ កញ្ញា តាមជើងហោះហើរភ្នំពេញ - កូឡាឡាំពួរ។ តាមប្រភពខាងលើ កីឡាករដែលមិនបានចេញដំណើរទៅតាមក្រុមជម្រើសជាតិទាំង ៦ នាក់ក៏មិនច្បាស់ថាធ្លាក់ចេញពីក្រុមទាំងអស់នោះដែរ ហើយអ្នកមានឈ្មោះចេញទៅពេលនេះក៏មិនច្បាស់ថាជាប់ទាំងអស់នោះដែរ។ នៅពេលក្រុមជម្រើសជាតិត្រឡប់មកវិញនោះគ្រូបង្វឹកនឹងកោះហៅអ្នកទាំង ៦ ចូលហ្វឹកហាត់រួមគ្នាវិញដូចដើម។

អត្ថបទពាក់ព័ន្ធ៖ សៅ សុខា តែងតាំង ជួន ណារិន្ទ ដឹកនាំជម្រើសជាតិទៅ Suzuki Cup 2014 ខ្លាចមានបញ្ហាមិនប្រក្រតីកើតឡើងទៀត

សម្រាប់ការចេញដំណើរល្ងាចនេះអវត្តមានកីឡាករ៦នាក់គឺ ទូច បញ្ចារ៉ុង, សរ សុភា, ធារីចន្ថាប៊ីន, កុក បូរីស, សុះ សូហាណា និង ហ៊យ ផល្លីន ប៉ុន្តែកីឡាករទាំង៦នាក់នឹងកោះហៅចូលជម្រើសជាតិវិញពេលត្រឡប់មកពីប្រទេសម៉ាឡេស៊ីវិញ។

ចេញប្រកួតមិត្តភាពអន្តរជាតិនេះរបស់ក្រុមកម្ពុជា គឺជាការកម្ដៅសាច់ដុំត្រៀមខ្លួនប្រកួតក្នុងវគ្គជម្រុះពានរង្វាន់ធំប្រចាំតំបន់អាស៊ាន AFF Suzuki Cup 2014 ដែលរៀបចំឡើងនៅប្រទេសឡាវ មានក្រុមចំនួន ៥ គឺ ក្រុមម្ចាស់ស្រុក, ប្រ៊ុយណេ, ទីម័រខាងកើត, មីយ៉ាន់ម៉ា និង កម្ពុជា នាខែតុលា ខាងមុខ៕

បញ្ជីឈ្មោះថ្នាក់ដឹកនាំក្រុមនិងកីឡាករទាំង ២០ នាក់
ថ្នាក់ដឹកនាំ
១	ឆាំង ពិសិដ្ឋ	អ្នកចាត់ការទូទៅ
២	Lee Tae Hoon	គ្រូបង្គោល
៣	មាស ចាន់ណា	ជំនួយការគ្រូបង្វឹក
៤	អ៊ុង កងយ៉ានិត	ជំនួយការគ្រូបង្វឹក
៥	អ៊ុំ សាវង្ស	ជំនួយការគ្រូបង្វឹក
៦	ប្រាក់ វណ្ណី	គ្រូបង្វឹកអ្នកចាំទី
៧	ហៃ សក្ខរី	គ្រូពេទ្យ
៨	លឹម វណ្ណី	អ្នកបកប្រែ
បញ្ជីកីឡាករទាំង ២០ នាក់
១	ស៊ូ យ៉ាទី	អ្នកចាំទី
២	សឿយ វិសាល	ខ្សែការពារ
៣	មូល ដារ៉ាវ័ន្ត	ខ្សែការពារ
៤	សុខ សុវណ្ណ	ខ្សែការពារ
៥	ស៊ុន សុវណ្ណរិទ្ធី	ខ្សែការពារ
៦	សាយ ពិសិដ្ឋ	ខ្សែការពារ
៧	ហុង ផេង	ខ្សែការពារ
៨	រស់ សំអឿន	ខ្សែការពារ
៩	ប្រាក់ មុន្នីឧត្តម	ខ្សែបម្រើ
១០	អ៊ុក សិទ្ធី	ខ្សែបម្រើ
១១	ង៉យ ស្រ៊ីន	ខ្សែបម្រើ
១២	ឈុន សុធារ័ត្ន	ខ្សែបម្រើ
១៣	សួង វីរៈ	ខ្សែបម្រើ
១៤	ឈិន ឈឿន	ខ្សែបម្រើ
១៥	ចាន់ វឌ្ឍនាកា	ខ្សែបម្រើ
១៦	ឃួន ឡាបូរ៉ាវី	ខ្សែប្រយុទ្ធ
១៧	គួច សុកុម្ភៈ	ខ្សែប្រយុទ្ធ
១៨	សុខ ចាន់រស្មី	ខ្សែប្រយុទ្ធ
១៩	ភួង សុខសាណា	ខ្សែប្រយុទ្ធ
២០	អ៊ុំ វិចិត្រ	អ្នកចាំទី