iPhone 6s/6s Plus បាន​​បន្ត​ធ្លាក់​ថ្លៃ​ទៀត​ហើយ​ក្រោយ​ចេញ​លក់​បាន​ជាង​ពីរ​សប្តាហ៍​ ពោល​គឺ​ចាប់​ពី​តម្លៃ​ប្រហែល​ខ្ទង់ ១០០០ដុល្លារ​ធ្លាក់​មក​ត្រឹម ជាង​ ៧៥០​ ដុល្លារ សម្រាប់​​តម្លៃ​​លក់​ចុងក្រោយ​។

ក្រោយ​ពេញ​បញ្ចេញ​លក់​លើ​ទីផ្សារ​មិន​ដល់​មួយ​អាទិត្យ​ផង iPhone 6S/6S Plus បាន​បន្ត​ធ្លាក់​ថ្លៃ​ទាប​បំផុត​នៅ​ថ្ងៃ​នេះ។ នេះ​បើ​តាម​ហាង​ឆេង​ដែល Sabay ទទួល​បាន​នៅ​ម៉ោង​ជាង ១ រសៀល​នេះ។

អតិថិជន​កម្ពុជា​មួយ​ចំនួន​បាន​​​ស្វះ​ស្វែង​រក​ផលិតផល​ទូរសព្ទ​ជំនាន់​ថ្មី​របស់ Apple iPhone 6S និង 6S Plus ប្រើ​មុន​គេ ទោះ​បី​ត្រូវ​បង់​តម្លៃ​មួយ​ខ្ពស់ បន្ទាប់​ពី​ទូរសព្ទ​ដ៏​មាន​ប្រជាប្រិយភាព​នេះ​បាន​បើក​សម្ពោធ​លក់​នៅ​ទីផ្សារ​អាមេរិក​និង​​ដែល​ហាង​មួយ​ចំនួន​ក៏​បាន​នាំ​ចូល​ក្រៅ​ផ្លូវការ​ដើម្បី​បម្រើ​ទីផ្សារ​ក្នុង​ស្រុក។

iPhone ស៊េរី​ថ្មី iPhone 6S/ 6S Plus ដែល Apple ប្រកាស​ដាក់​លក់​នៅ​អាមេរិក​ព្រឹក​នេះ​តាម​ប្រភព​ហាង​ក្នុង​ស្រុក​ប្រាប់ថា​ ទូរសព្ទ​ស៊េរី​ថ្មី​​​​​នេះ​​សម្រាប់​ការ​បើក​​ទីផ្សារ​លក់​​​ដំបូង​​​​នឹង​​មិន​អាច​លក់​បាន​ខ្ពស់​​​ទេ ​​បើ​ធៀប​ការ​​ដាក់​​លក់ iPhone ស៊េរី​មុន​។

ហាង​លក់​ទូរសព្ទ​នានា​បាន​ប្រាប់ Sabay ថា​បាន​ត្រៀម​ក្នុង​ការ​នាំ iPhone មក​លក់ បន្ទាប់​ពី​ទូរសព្ទ​ដ៏​ល្បី​​នេះ​ត្រូវ​ក្រុមហ៊ុន Apple គ្រោង​ចេញ​លក់​នៅ​តាម​បណ្ដា​ប្រទេស​នានា​ក្នុង​ពេល​ឆាប់ៗ​នេះ។ យ៉ាង​ណា​ក្រុមហ៊ុន Smart និង iOne ​ជា​ក្រុមហ៊ុន​ដែល​ទទួល​បាន​សិទ្ធិ​ពី Apple នៅ​មិន​ទាន់​មាន​ព័ត៌មាន​សម្រាប់​ការ​នាំ​ទូរសព្ទ​ដ៏​មាន​ប្រជាប្រិយភាព​នេះ​មក​បម្រើ​អតិថិជន​ក្នុង​ស្រុក​នៅ​ឡើយ​ទេ។

iPhone បាន​បង្ហាញ​ខ្លួន​ជា​ច្រើន​ជំនាន់​និង​ចេញ​វាយលុក​ទីផ្សារ​យ៉ាង​កក្រើក។ អ្វី​ចាប់​អារម្មណ៍​បំផុត iPhone 6 Plus ត្រូវ​​អាជីវករ​ក្នុង​ស្រុក​ប្រាប់​ថា ជា​ស៊េរី​​ទូរសព្ទ​ iPhone ដែល​អាច​លក់​បាន​ថ្លៃ​បំផុត​នៅ​ទីផ្សារ​​កម្ពុជា។