ប្រទេសកេនយ៉ា សម្រេចច្បាប់ហាមប្រើប្រាស់ថង់ប្លាស្ទិកដាច់ខាត ឯការផាកពិន័យធ្ងន់ក

2017-08-28 05:01:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បម្រាមការប្រើប្រាស់ថង់ប្លាស្ទិក ត្រូវបានដាក់ចូលជាធរមានហើយក្នុងប្រទេសកេនយ៉ា មានន័យថា ចាប់តាំងពីថ្ងៃច័ន្ទនេះតទៅ បើរកឃើញថា មាននរណាម្នាក់លក់ដូរ ផលិត និងកាន់យួរ ពួកគេប្រឈមនឹងការផាកពិន័យរហូតដល់ ៣៨ ០០០ដុល្លារ ឬជាប់ពន្ធនាគាររហូតដល់ ៤ឆ្នាំ។

រដ្ឋាភិបាលកេនយ៉ា អះអាងថា បម្រាមនេះនឹងជួយការពារបរិស្ថាន ប៉ុន្តែក្រុមអ្នកផលិតថង់បដិសេធថា ការងារជាង ៨០ ០០០កន្លែង នឹងត្រូវបាត់បង់។ កាលពីថ្ងៃសុក្រ តុលាការបានច្រានចោលបញ្ហានានាដែលរារាំងនឹងបម្រាមនេះ។ តាមរបាយការណ៍ ប្រជាជនកេនយ៉ា បានប្រើប្រាស់ប្លាស្ទិកប្រមាណជាង ២៤លានថង់ ឬស្បោងក្នុងមួយខែៗ។

ប្រទេសក្នុងទ្វីបអាហ្វ្រិកផ្សេងទៀតក៏បានហាមឃាត់ការប្រើប្រាស់ថង់ប្លាស្ទិកដែរ រួមទាំងប្រទេសអាហ្វ្រិកខាងត្បូង Rwanda និងអេរីទ្រី។ ក្នុងរយៈពេល ១០ឆ្នាំចុងក្រោយ កេនយ៉ា បានប៉ុនប៉ងសម្រេចច្បាប់ខាងលើ ៣លើករួចមកហើយ ទម្រាំជោគជ័យពេលនេះ។ តាមការចុះផ្សាយរបស់សារព័ត៌មាន BBC និយាយថា មកទល់ពេលនេះប្រជាជនកេនយ៉ា ជាច្រើនបានសាទរបម្រាម។

មុនច្បាប់ចូលជាធរមាន រដ្ឋាភិបាលបានទុករយៈពេលឲ្យ ៦ខែដើម្បីដោះស្រាយបញ្ហានានាកើតមានចំពោះក្រុមអ្នកផលិត និងលក់ ដោយបានផុតកំណត់នៅយប់ថ្ងៃអាទិត្យម្សិលមិញហើយ៕