ទោះ iPhone បាត់ក៏លែងភ័យ បើដឹងគន្លឹះអាថ៌កំបាំងទាំង ១១ ចំណុចនេះ

2017-12-23 04:52:06
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សភាគច្រើន ស្ទើរតែទាំងអស់ ក្មេង ចាស់ សុទ្ធតែប្រើ Smartphone ក្នុងនោះឃើញមានច្រើនផងដែរអ្នកប្រើ iPhone ដោយសារជំនាន់ចេញច្រើនយូរឆ្នាំ ហើយតម្លៃធ្លាក់ចុះ និងរូបរាងស្រស់ស្អាត។ ម្យ៉ាងវិញទៀត វាបានរក្សាទុក និងប្រើប្រាស់ទិន្នន័យផ្ទាល់ខ្លួនជាច្រើន ដូច្នេះប្រសិនបើអ្នកចង់ការពារទិន្នន័យផ្ទាល់ខ្លួនអ្នកពីជនទីពីរ ឬទីបី អ្នកអាចពិនិត្យមើល ១១ ចំនុចខាងក្រោម។

១. Lock device ដោយប្រើ Passcode វែងជាង ៤ខ្ទង់

អ្នកអាចប្រើ Custom alphanumeric characters (អាចប្រើជាមួយអក្សរ និងលេខ) ហើយអាចប្រើបានច្រើនជាង ៤ ខ្ទង់។ អ្នកចូលទៅកាន់កម្មវិធី Settings > Touch ID & Passcode > Change Passcode > Passcode Options រួចជ្រើសរើសយក Custom Alphanumeric Code។

២. បើកដំណើរការ Erase Data ដើម្បីលុបទិន្នន័យក្រោយពេលបញ្ចូល Passcode ១០ ដង

ពេលទូរស័ព្ទអ្នកអាចត្រូវបានគេលួច ជ្រុះបាត់ ឬភ្លេចទីតាំងណាមួយអ្នកមិនអាចយកវិញបាន អ្នកអាចកាត់បន្ថយហានិភ័យលើទិន្នន័យអ្នកដល់ជនទីពីរបាន ដោយលុបចោលទិន្នន័យគ្រប់យ៉ាងក្រោយបញ្ចូល Passcode ខុស ១០ដង។ អ្នកចូលទៅកាន់កម្មវិធី Settings > Touch ID & Passcode > Erase Data រួចប្រាកដថាប៊ូតុងក្បែរនោះមានពណ៌បៃតង។

៣. កុំបង្ហាញ Notification ក្នុង Lock screen សម្រាប់កម្មវិធីអ្នកគិតថាមានទិន្នន័យសំខាន់

លើទូរស័ព្ទនឹងបង្ហាញសារឯកជនអ្នកលើ Lock screen ដែលអាចឃើញដោយអ្នកដទៃ។ Notification ទាំងនេះអាចបិទបើកបានសម្រាប់កម្មវិធីនីមួយៗ។ អ្នកអាចចូលទៅកាន់កម្មវិធី Settings > Notifications > ឈ្មោះកម្មវិធី > Show on Lock Screen។

៤. បិទ Share My Location

អ្នកយកទូរស័ព្ទតាមខ្លួនគ្រប់ទីកន្លែង ហើយអាចចែករំលែកព័ត៌មានទាំងនោះជាមួយនឹងក្រុមគ្រួសារ និងមិត្តភក្ដិ។ ការបិទនូវមុខងារនេះអាចការពារទិន្នន័យទីតាំងអ្នកពីជនដទៃបាន។ អ្នកចូលទៅកាន់កម្មវិធី Settings > Privacy > Location Services > Share My Location > បន្ទាប់មកប្រាកដថាត្រង់ Share My Location ប៊ូតុងមិនមានពណ៌បៃតង។

៥. បិទ Location services សម្រាប់អ្វីអ្នកមិនត្រូវការ

ពេលខ្លះកម្មវិធីមួយចំនួនត្រូវការចាំបាច់ទិន្នន័យរបស់អ្នក រួមទាំងទីតាំងផងដែរ។ អ្នកអាចបិទមិនអោយចូលប្រើទីតាំងអ្នកបានម្តងមួយៗ។ អ្នកគួរពិនិត្យមើលលទ្ធភាពចូលប្រើដែលបានផ្តល់អោយទៅកាន់ Service របស់ប្រព័ន្ធដែលប្រហែលជាមិនចាំបាច់។ អ្នកចូលទៅកាន់កម្មវិធី Settings > Privacy > Location Services រួចពិនិត្យមើលកម្មវិធីនីមួយៗ > System Services ត្រង់ចំនុចនេះអាចចូលបានប្រសិនបើអ្នកត្រូវការពិនិត្យ។

៦. បិទចូលប្រើទិន្នន័យសម្រាប់កម្មវិធីអ្នកមិនត្រូវការ

អ្នកអាចបិទការចូលប្រើទៅកាន់ទិន្នន័យផ្ទាល់ខ្លួនអ្នកពីកម្មវិធីអ្នកមិនត្រូវការ ឧទាហរណ៍ Contacts, Calendar, Photos និងមួយចំនួនទៀត។ អ្នកអាចចូលទៅកាន់កម្មវិធី Settings > Privacy > Contacts ឬ Calendar ឬកម្មវិធីផ្សេង រួចបិទបើកទៅតាមអ្នកត្រូវការ។

៧. ពិនិត្យមើលកម្មវិធីអ្នកបានដំឡើង

អ្នកគួរចំណាយពេលត្រួតពិនិត្យរាល់កម្មវិធីមានលើ Device ហើយលុបចោលមួយចំនួនប្រសិនបើអ្នកលែងប្រើប្រាស់។ អ្នកចុចអោយជាប់លើកម្មវិធីណាមួយលើ Home screen ហើយចុចសញ្ញាខ្វែងលើ icon កម្មវិធីណាមួយ។ មួយវិញទៀត អ្នកក៏អាចចូលទៅកាន់កម្មវិធី Settings > General > Storage & iCloud Usage > Manage Storage រួចពិនិត្យមើល និងលុប។

៨. បិទ Read receipts ដូច្នេះមនុស្សមិនដឹងពេលអ្នកឃើញសាររបស់ពួកគេ

ពេលខ្លះអ្នកមិនចង់អោយអ្នកផ្ញើរសារមកដឹងថា ពេលណាអ្នកបានអានសាររបស់ពួកគេ។ អ្នកចូលទៅកាន់កម្មវិធី Settings > Messages > Send Read Receipts រួចបិទដំណើរការដោយប្រាកដថាប៊ូតុងមិនមានពណ៌បៃតង។

៩. បើកដំណើរការ Limit ad tracking

Ad tracking ត្រូវបានប្រើដោយបណ្ដាញផ្សាយពាណិជ្ជកម្មទៅកាន់គោលដៅមួយក្នុងកម្មវិធីអ្នកប្រើ។ ការកំហិតដល់មុខងារនេះអាចផ្តល់ចំនួនកំណត់មួយដល់ការតាមដានពាណិជ្ជកម្មឆ្លងកម្មវិធីជាច្រើន។ អ្នកចូលទៅកាន់កម្មវិធី Settings > Privacy > Advertising > ត្រង់ Limit Ad Tracking ប្រាកដថាប៊ូតុងក្បែរនោះមានពណ៌បៃតង។

១០. អ្នកគួរ Reset Advertising Identifier អោយបានច្រើនដង

ក្រៅពីការប្រើមុខងារ Limit ad tracking អ្នកអាចបន្ថែមស្រទាប់ការពារបន្ថែមលើ Privacy អ្នកដោយការ Reset Ad Identifier សម្រាប់ Device អ្នក។ អ្នកចូលទៅកាន់កម្មវិធី Settings > Privacy > Advertising > Reset Advertising Identifier។

១១. កំណត់ DuckDuckGo ជា Default Search Engine

DuckDuckGo ជា Search engine គ្មានការតាមដាននោះទេ ដោយមិនប្រមូលព័ត៌មានឯកជនអ្នកនោះឡើយ។ សម្រាប់ Safari អ្នកចូលទៅកាន់កម្មវិធី Settings > Safari > Search Engine > DuckDuckGo៕