របួសកន្លះរដូវកាល Dembele ចូលលេងបានវិញសប្ដាហ៍នេះ
- 2018-01-03 02:23:59
- ចំនួនមតិ 0 | ចំនួនចែករំលែក 0
របួសកន្លះរដូវកាល Dembele ចូលលេងបានវិញសប្ដាហ៍នេះ
ចន្លោះមិនឃើញ
Ousmane Dembele កីឡាករមានតម្លៃខ្លួនថ្លៃបំផុតរបស់ Barcelona អាចវិលមកកាន់ទីលានវិញបាននៅសប្ដាហ៍នេះក្រោយរបួសកន្លះរដូវកាល។
ខ្សែប្រយុទ្ធវ័យ២០ឆ្នាំបានផ្ទេរពី Dortmund ទៅ Barcelona ក្នុងតម្លៃ ១៣៥,៥លានអឺរ៉ូកាលពីខែសីហា ឆ្នាំ២០១៧ តែបង្ហាញខ្លួនបានតែប៉ុន្មានប្រកួតប៉ុណ្ណោះក៏រងរបួសសរសៃពួរធ្ងន់ធ្ងរពេលលេងទល់នឹង Getafe ត្រូវសម្រាកក្រៅទីលានរហូតមក។
កីឡាករសញ្ជាតិបារាំងបានវះកាត់នៅប្រទេសហ្វាំងឡង់ និងព្យាបាលរបួសជាង៤ខែមកហើយ។ រូបគេបានត្រឡប់មកហ្វឹកហាត់វិញប៉ុន្មានសប្ដាហ៍មុន និងអាចចូលលេងប្រកួតទល់ Celta Vigo នៅពាន Copa del Rey ពាក់កណ្ដាលសប្ដាហ៍នេះ។
Dembele គឺជាកីឡាករថ្លៃបំផុតទីពីរនៅលើពិភពលោក ដោយលេខមួយគឺ Neymar ដែល Barcelona លក់ទៅឲ្យ Paris St-Germain ក្នុងតម្លៃ ២២២លានអឺរ៉ូ៕