ស្ទើរមិនជឿ! ឆ្កែក្លាហានមួយក្បាលធ្វើដំណើរជាង ១ ៥០០ គីឡូម៉ែត្រ ដើម្បីស្វែងរកម្ចាស់
- 2018-01-20 03:39:01
- ចំនួនមតិ 0 | ចំនួនចែករំលែក 0
ស្ទើរមិនជឿ! ឆ្កែក្លាហានមួយក្បាលធ្វើដំណើរជាង ១ ៥០០ គីឡូម៉ែត្រ ដើម្បីស្វែងរកម្ចាស់
ចន្លោះមិនឃើញ
ភាពស្មោះត្រង់គឺជាលក្ខណៈមួយដែលបានផ្សារភ្ជាប់ជាមួយសត្វឆ្កែជាយូរយារមកហើយ។ យ៉ាងណាមិញ កូនឆ្កែមួយក្បាលមានអាយុ៣ឆ្នាំ បានធ្វើដំណើរគ្រប់ច្រកល្ហកក្នុងប្រទេសអូស្ត្រាលី ចម្ងាយប្រមាណ ១ ៥០០ គីឡូម៉ែត្រ ដើម្បីស្វែងរកម្ចាស់នៅពេលដែលគ្រួសាររបស់សត្វចិញ្ចឹមនេះ ទៅដើរលេងសម្រាប់វិស្សមកាល ហើយទុកកូនឆ្កែឲ្យនៅផ្ទះតែឯង។ នេះបើតាម ទស្សនាវដ្តី Time ចុះផ្សាយថ្មីៗនេះ។
បើតាមប្រភពព័ត៌មានទូរទស្សន៍ក្នុងស្រុកនៅអូស្រ្តាលី 7 Adelaide ហើយត្រូវបានដកស្រង់ដោយ Time កូនឆ្កែក្លាហានមួយក្បាល បានធ្វើដំណើរពី រដ្ឋ Queensland ភាគអាគ្នេយ៍ រហូតដល់ ទីក្រុង Snowtown ភាគខាងត្បូងប្រទេស អូស្រ្តាលី ដើម្បីស្វែងរកម្ចាស់ ដោយកូនឆ្កែបាន បានទៅចាំនៅផ្លូវជាតិហើយបានលាក់ខ្លួនក្នុងឡានដឹកឥវ៉ាន់មួយ។
ធ្វើដំណើរបានជាង ៦០០ គីឡូម៉ែត្រទើបម្ចាស់ឡានដឹកឥវ៉ាន់ខាងលើដឹងថាមានឆ្កែមួយនៅខាងក្រោយឡានរបស់ខ្លួន រួចហើយម្ចាស់ឡានបានយកឆ្កែនោះមកអង្គុយមុខជាមួយគ្នាធ្វើដំណើរដល់ទីក្រុង Snowtown ភាគខាងត្បូងប្រទេសអូស្រ្តាលី មុននឹងបញ្ជូនអ្នកក្លាហានតូចត្រលប់ទៅផ្ទះវាវិញនៅរដ្ឋ Queensland។
គ្រួសាររបស់កូនឆ្កែនេះបានប្រាប់ថា នេះមិនមែនជាលើកទី១ទេ ដែលកូនឆ្កែឈ្មោះ Rusty នេះបានចេញតាមរកពួកគេ។ លើកមុន សុនក៣ខួបនេះ ធ្លាប់បានធ្វើដំណើរជាង ២៥០ គីឡូម៉ែត្ររួចម្តងហើយដើម្បីតាមរកពួកគេ ដែលចេញបាត់ពីផ្ទះមិនបានយកវាទៅជាមួយ។ ប្រភពខាងលើបន្ត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
