ទទួលបានអាល់ប៊ុមពី EXO កីឡាការិនីអូឡាំពិករុស្ស៊ីម្នាក់ អរដូចបានមេដាយមាស

2018-02-19 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីជិះស្គីម្នាក់បានធ្វើឲ្យម្នាក់ៗភ្ញាក់ផ្អើលគួរសម ពេលបង្ហាញឲ្យដឹងថានាងគឺជាអ្នកគាំទ្រផ្កាប់មុខម្នាក់របស់ក្រុម EXO។

កីឡាការិនីជិះស្គី ដែលមានឈ្មោះថា Evgenia Medvedeva បានចូលរួមប្រកួតប្រជែងក្នុងព្រឹត្តិការណ៍កីឡាអូឡាំពិករដូវរងាឆ្នាំ ២០១៨ ក្នុងទីក្រុង Pyeong Chang ប្រទេសកូរ៉េខាងត្បូង។ ថ្វីត្បិត ស្រីស្អាតរូបនេះមិនបានទទួលជ័យជម្នះ ប៉ុន្តែនាងមិនខ្វល់ ឫតូចចិត្តសូម្បីបន្តិចពីរឿងឈ្នះចាញ់នេះ ព្រោះថានាងបានអំណោយដ៏មានន័យបំផុតក្នុងជីវិត។

Evgenia សប្បាយចិត្តឥតឧបមា ព្រោះនាងទទួលបានអាល់ប៊ុមចម្រៀង ដោយមានហត្ថលេខារបស់សមាជិកក្រុម EXO ទាំងអស់ អមជាមួយពាក្យពេចន៍គាំទ្រលើកទឹកចិត្តនាងពីទៀត។

នេះពិតជារឿងរំភើប មិនអាចកាត់ថ្លៃបានក្នុងជីវិតរបស់កីឡាការិនីរូបនេះ រហូតនាងខ្លួនឯងសឹងមិនជឿថានេះជាការពិត។ នាងនិយាយថា វាប្រៀបដូចជាសុបិន ហើយខ្លួនសប្បាយចិត្តជាខ្លាំង បីដូចបានមេដាយមាសមកពាក់លើ ក។ កាន់តែពិសេស នាងត្រូវបានអញ្ជើញឲ្យទៅជួបនឹង EXO នៅក្រោយឆាក ក្នុងកម្មវិធីបញ្ចប់នៃព្រឹត្តិការណ៍នោះទៀត។

Evgenia ធ្លាប់និយាយថា នាងតែងស្ដាប់បទ EXO ជានិច្ចមុនពេលឈានជើងចូលប្រកួត។ ក្រៅពីនេះ យុវតីរូបនេះ ក៏ជាអ្នកគាំទ្រវិស័យសិល្បៈកូរ៉េយ៉ាងពេញទំហឹង។ ជារឿយៗ នាងតែងមើលវីដេអូបទចម្រៀង K-Pop ហើយថែមទាំងរៀនរាំតាមជានិច្ច៕