ឡៅ ចន្រ្ទា ជាប់ជម្រើសជាតិគុនខ្មែរលើកនេះ មិនបណ្ដោយឱ្យលើសទម្ងន់ទៀត

2018-02-22 03:11:29
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងជួរមុខរបស់កម្ពុជា ឡៅ ចន្រ្ទា ថា នឹងខំប្រឹងឲ្យខ្លាំងបំផុត បន្ទាប់បានជាប់ជាកីឡាករជម្រើសរើសជាតិគុនខ្មែរលើកទី២ ឆ្នាំ ២០១៨នេះ ដើម្បីត្រៀមការប្រកួតនានាតំណាងឲ្យប្រទេសជាតិ។

កីឡាករ ឡៅ ចន្រ្ទា

ឡៅ ចន្រ្ទា បានឲ្យដឹងថា ការប្រមូលផ្ដុំកីឡាករជម្រើសរើសជាតិ គេយកសុទ្ធតែជើងខ្លាំង និងមានស្នាដៃល្អនាកន្លងមក ខណៈអ្នកជាប់ជម្រើសរើសជាតិពេលនេះ គឺជាម្ចាស់មេដាយមាសថ្នាក់ជាតិឆ្នាំ២០១៧ ទើបបញ្ចប់ប៉ុន្មានខែនេះ។

ម្ចាស់ខ្សែក្រវាត់៣ស្ដាប័ត្ររូបនេះបន្តថា ការជាប់ជម្រើសរើសជាតិលើកទី២នេះ រូបគេមានចិត្តសប្បាយរីករាយជាខ្លាំង នឹងប្រឹងហ្វឹកហាត់ ក៏ដូចជាប្រឹងប្រែងប្រកួតដើម្បីយកមេដាយជូនប្រទេសជាតិក្នុងព្រឹត្តិការណ៍ធំៗនៅពេលខាងមុខ ជាពិសេសស៊ីហ្គេម ២០១៩ នៅហ្វីលីពីន។ ចំពោះប្រភេទទម្ងន់លើកនេះគឺ៦៧គីឡូក្រាម ប្អូនប្រុស ឡៅ ស៊ីណាត ខាងលើនេះ ថាមិនបណ្ដែតបណ្ដោយឲ្យមានបញ្ហាទម្ងន់ដូចមុននោះទៀតទេ។

កីឡាករជម្រើសរើសជាតិគុនខ្មែរហ្វឹកហាត់

លោកគ្រូ ឡុង សាលវ័ន្ត

សម្រាប់កីឡាករជម្រើសរើសជាតិគុនខ្មែរបច្ចុប្បន្ននេះមាន៨រូប គឺ ម៉ឺន សុភា ធឿន ធារ៉ា ឡៅ ចន្រ្ទា ឃីម ឌីម៉ា ឡៅ ចិត្រា ឡុង សំណាង វ៉ាន់ វឿន និង ហ៊ឹម សេរី។ ជម្រើសរើសជាតិទាំងអស់ប្រមូលផ្ដុំចាប់ពីខែកុម្ភៈ នេះតទៅរហូតដល់ខែឧសភា ឆ្នាំ២០១៨៕

អត្ថបទ៖ នួន ស៊ីណា