នៅចាំទេ លេងហ្វេសប៊ុកសុខៗផ្អើលតាមគ្នាព្រាត Comment ថា@[4:0], BFF
- 2018-03-23 03:40:00
- ចំនួនមតិ 0 | ចំនួនចែករំលែក 0
នៅចាំទេ លេងហ្វេសប៊ុកសុខៗផ្អើលតាមគ្នាព្រាត Comment ថា@[4:0], BFF
ចន្លោះមិនឃើញ
មិនមែនទើបតែឆ្នាំនេះទេ ក្រឡេកទៅមើលឆ្នាំមុនៗ សារដែលចែករំលែកតគ្នាពេញហ្វេសប៊ុក ភាគច្រើនសរសេរថា បើ Comment ពាក្យទាំងនោះមិនចេញបែបនេះ ឬបែបនោះអាចបញ្ជាក់ពីគណនីត្រូវបានគេ Hack។ អ្វីដែលជារឿងហួសចិត្តគឺថា មានអ្នកប្រើប្រាស់មួយចំនួនក៏ជឿនិងធ្វើតាម រហូតមានអ្នកប្រើមួយចំនួនភ័យខ្លួនមិនស្ទើរទេ។
តាមការសំគាល់របស់ក្រុមការងារ ដំណឹងកូរកក្រើកបណ្ដាញសង្គមហ្វេសប៊ុកទាំងនោះភាគច្រើននៅដើមឆ្នាំ អំឡុងខែកុម្ភៈ មីនា ឬមេសាតាំងពីឆ្នាំ ២០១០ ដល់ ២០១៨ ស្ទើរជារៀងរាល់ឆ្នាំ។
ដោយកាលពីខែកុម្ភៈឆ្នាំ ២០១៥ មានសារមួយបោកអ្នកលេងហ្វេសប៊ុក ជឿឡើងលង់ និយាយពី "ការភាយចេញនៃវិទ្យុសកម្មរបស់អង្គការណាសានៅថ្ងៃទី ១៦ ខែកុម្ភៈ ជាថ្ងៃចុងក្រោយនៃពិភពលោក ហើយអ្វីៗនឹងត្រូវបញ្ចប់។"
ដោយឡែកនៅខែមីនាឆ្នាំ ២០១៦ មានសារមួយទៀតនិយាយពី "ពាក្យ xoxoxo បើ Comment មិនចេញពណ៌ ឬមិនចេញឈ្មោះអីទេ មានន័យថាគណនីត្រូវបាន Hack។
ចំណែកនៅខែកុម្ភៈ ឆ្នាំ ២០១៧ រាងប្លែកជាងគេបន្តិចត្រង់ថា មិនមែនជាការបោកប្រាស់តគ្នាទេ តែជារូប Sticker លលកបោកក្បាល ជាគំនិតបង្កើតថ្មីដោយវិចិត្រករស្រីម្នាក់រស់នៅសហរដ្ឋអាមេរិក។ Sticker លលកបែកស្លុយនោះ ធ្វើឲ្យកក្រើកពេញហ្វេកបុកនៅកម្ពុជារហូតមានអ្នកខ្លះខឹងគ្នា អន់ចិត្ត unfriend ចោលទៀតផង ដោយសារគិតថា ជាការរំខានអារម្មណ៍។
មិនខុសគ្នាដែរនៅឆ្នាំដដែលខែមេសា មានសារមួយទៀតនិយាយពី "កូដ @[4:0] បើ អ្នកComment ហើយបង្ហាញឈ្មោះ Mark Zuckerberg នោះគណនីមិនមានរងការ Hack ប៉ុន្តែបើមិនបង្ហាញឈ្មោះទេ មានន័យថាគណនីត្រូវបាន Hack ហើយ។
ងាកមកកាលពីថ្ងៃទី ២០ ខែមីនាឆ្នាំ ២០១៨ ថ្មីៗនេះ មានសារមួយផ្អើលតាមគ្នាស្ទើរគ្រប់ផេកហ្វេសប៊ុកនិយាយពី "ពាក្យ BFF បើអ្នក Comment ទៅលើផុសនរណាម្នាក់ មិនចេញពណ៌បៃតង គិតថាគណនីនឹងត្រូវបានគេ Hack ហើយ"។ សូម្បីតែនៅប្រទេសជិតខាងដូចជា វៀតណាមជាដើមក៏ចាញ់បោកសារនេះដែរ។
ត្រឡប់មកវិញ ការដែលក្រុមការងារសរុបរឿងទាំងនេះដើម្បីចង់ឲ្យប្រិយមិត្តពិចារណាឲ្យបានច្រើនដងសិន មុននឹងជឿលើការចែករំលែកតគ្នាដូចរូបភាពដែលរៀបរាប់ខាងលើ។ ម្យ៉ាងដើម្បីជាការក្រើនរំលឹកដល់អ្នកលេងហ្វេកបុក ឲ្យចំណាំរបៀបដែលជនឱកាសនិយមឆ្លៀតទាញយកផលចំណេញតាមរយៈរឿងទាំងនោះហើយឲ្យជួយ Like ជួយ Share អីជាដើម៕