កីឡាករក្រុម Roma ធ្វើរឿងគួរឲ្យគោរពមួយមុនប៉ះ Liverpool
- 2018-05-02 02:19:08
- ចំនួនមតិ 0 | ចំនួនចែករំលែក 0
កីឡាករក្រុម Roma ធ្វើរឿងគួរឲ្យគោរពមួយមុនប៉ះ Liverpool
ចន្លោះមិនឃើញ
AS Roma នឹងបើកទ្វារកីឡដ្ឋាន Stadio Olimpico ស្វាគមន៍ Liverpool នៅការប្រកួត Champions League វគ្គពាក់កណ្ដាលផ្ដាច់ព្រ័ត្រជើងទីពីរនៅយប់នេះ។
កាលពីជើងទីមួយ Liverpool បានបំបាក់ជើងខ្លាំងអ៊ីតាលី ៥ទល់នឹង២ ធ្វើឲ្យពួកគេមានសង្ឃឹមច្រើនសម្រាប់ការបន្តដំណើរទៅវគ្គផ្ដាច់ព្រ័ត្រប៉ះ Real Madrid។ យ៉ាងណានៅអំឡុងពេលហ្វឹកហាត់ក្រុមកីឡាកររបស់ Roma បានពាក់អាវយឺតមួយផ្ដល់កម្លាំងចិត្តដល់អ្នកគាំទ្រ Liverpool ម្នាក់កំពុងរបួសធ្ងន់នៅក្នុងមន្ទីរពេទ្យ។
លើអាវរបស់កីឡាករម្នាក់ៗមានសរសេរថា Forza Sean មានន័យថា "តស៊ូឡើង Sean”។ រម្លឹកពីហេតុការណ៍កាលពីជើងទីមួយក្រុមអ្នកគាំទ្រ Liverpool និង Roma បានប្រើហិង្សាក្រៅកីឡដ្ឋានហើយ លោក Sean Cox វ័យ៥៣ឆ្នាំបានរងរបួសក្បាលធ្ងន់ធ្ងររហូតអាចប៉ះពាល់ដល់អាយុជីវិត។
អ្នកគាំទ្រ Roma ២នាក់ត្រូវចាប់ខ្លួនពីបទប៉ុនប៉ងមនុស្សឃាតបន្ទាប់ពី ព្រួតគ្នាវាយទៅលើ Sean Cox៕