ឱក សុគន្ធកញ្ញា ក្លាយជាអ្នកនាំពាក្យផ្តាច់មុខ លើគម្រោងវិស័យអចលនទ្រព្យដ៏ប្រណិតក្នុងពិភពលោក
- 2018-09-28 09:05:17
- ចំនួនមតិ 0 | ចំនួនចែករំលែក 0
ឱក សុគន្ធកញ្ញា ក្លាយជាអ្នកនាំពាក្យផ្តាច់មុខ លើគម្រោងវិស័យអចលនទ្រព្យដ៏ប្រណិតក្នុងពិភពលោក
ចន្លោះមិនឃើញ
ម្សិលមិញនេះក្រុមហ៊ុន R&F Properties Cambodia បានបំពេញបេសកកម្មជាស្ថាបនិកឈានមុខគេក្នុងវិស័យអចលនទ្រព្យដ៏ប្រណីតនៅក្នុងពិភពលោក និងបានឆ្លើយតបយ៉ាងសកម្មទៅនឹងយុទ្ធសាស្ត្រអភិវឌ្ឍន៍ទីក្រុងភ្នំពេញប្រទេសកម្ពុជា ដោយជ្រើសរើសតារាចម្រៀងល្បី ឱក សុគន្ធកញ្ញា ជាអ្នកនាំពាក្យគម្រោងមួយនេះ។
អ្នកនាំពាក្យក្រុមហ៊ុនបានបញ្ជាក់ពីហេតុផលដែលជ្រើសយកតារាល្បីរូបនេះ ធ្វើជាអ្នកនាំពាក្យដោយសារនាង ជាតារាល្បីនៅក្នុងពិភពសិល្បៈ ហើយមានប្រជាប្រិយភាពខ្លាំង អ៊ីចឹងវាពិតជាមានភាពស៊ីគ្នា និងជាការសហការដ៏សក្ដិសមបំផុត ដែលជាហេតុធ្វើឱ្យគម្រោងមួយនេះនឹងដើរដោយជោគជ័យទៅថ្ងៃមុខ។
កញ្ញា ឱក សុគន្ធកញ្ញា បានបញ្ជាក់ថានាងមានកិត្តិយសណាស់ដែលបានធ្វើជាអ្នកនាំពាក្យផ្តាច់មុខរបស់គម្រោង អ & អេហ្វ ហ័រហ្វ៊ូ ហើយមានការកោតសរសើរយ៉ាងខ្លាំងចំពោះគម្រោងនេះ ព្រមទាំងបញ្ជាក់ថានាងពិតជារំភើបខ្លាំងណាស់ក្នុងការទន្ទឹងរង់ចាំការលេចរូបរាងឡើងរបស់គម្រោងនេះ។
គម្រោង អ& អេហ្វ ហ័រហ្វ៊ូ គឺជាអគារស្នាក់នៅខ្ពស់ជាងគេបំផុតនៅទីក្រុងភ្នំពេញដែលមានកម្ពស់ 174 ម៉ែត្រ សរុប 57ជាន់។ នៅឆ្នាំ ២០១៨ បន្ទាប់ពីធ្វើការអភិវឌ្ឍន៍ គម្រោងបុរី អ & អេហ្វ ភ្នំពេញ ក្រុមហ៊ុនក៏បានបន្តអភិវឌ្ឍគម្រោងអគារស្នាក់នៅលំដាប់កំពូលមួយទៀត គឺគម្រោង «អ & អេហ្វ ហ័រហ្វ៊ូ» ដែលជាគម្រោងអភិវឌ្ឍទីក្រុងបែបថ្មីមួយដែលមានកម្ពស់ខ្ពស់ជាងគេនៅចំកណ្តាលទីក្រុង ជាមួយនឹងរបៀបរស់នៅថ្មីសន្លាង និងបទពិសោធន៍នៃការស្នាក់នៅក្នុងអគារដ៏ទំនើប និងប្រណីតលំដាប់ថ្នាក់កំពូល។
ចាប់តាំងពីឆ្នាំ ១៩៩៤ ដែលក្រុមហ៊ុន R&F Properties បានបង្កើតឡើងនៅក្នុងទីក្រុងក្វាងចូវ ប្រទេសចិនមក ក្រុមហ៊ុនបានពង្រីកអាជីវកម្មរបស់ខ្លួននៅក្នុងទីក្រុង និងតំបន់ចំនួន 69 ទាំងក្នុងប្រទេសចិន និងនៅក្រៅប្រទេស។ រហូតដល់ឆ្នាំ២០១៣មក R&F Properties បានចូលទៅក្នុងទីផ្សារក្រៅប្រទេសជាច្រើនដូចជា ម៉ាឡេស៊ី អូស្ត្រាលី អង់គ្លេស និងប្រទេសកម្ពុជា។
សរុបមក ក្រុមហ៊ុនបានអភិវឌ្ឍគម្រោងជាង ២២០គម្រោង ទ្រព្យសរុបរបស់ក្រុមហ៊ុនមានប្រហែល ២៩០ ពាន់លានយ័នចំណូលលក់ប្រចាំឆ្នាំលើសពី ៨០ពាន់លានយ័ន បានផ្តល់នូវអគារស្នាក់នៅ និងសេវាកម្មដ៏ប្រណីតទៅឱ្យប្រជាជនជាង ១០០ម៉ឺននាក់ ទទួលបានកិត្តិនាមជា «ក្រុមហ៊ុនមួយក្នុងចំណោមក្រុមហ៊ុនអភិវឌ្ឍអចលនទ្រព្យធំជាងគេទាំង ១០ របស់ប្រទេសចិន» ក្នុងរយៈពេល ៨ ឆ្នាំជាប់ៗគ្នា។
ក្រោយមកនៅឆ្នាំ២០១៧ អ & អេហ្វ ឆ្លើយតបទៅនឹងការអភិវឌ្ឍន៍សេដ្ឋកិច្ចអន្តរជាតិតាមគោលនយោបាយ «ផ្លូវមួយ ខ្សែក្រវាត់មួយ» និងតាមរយៈសក្តានុពលភាពអភិវឌ្ឍទីក្រុងភ្នំពេញ បានជ្រើសរើសយកព្រះរាជាណាចក្រកម្ពុជាធ្វើជាចំណុចស្នូលក្នុងការអភិវឌ្ឍន៍តំបន់អាស៊ីអាគ្នេយ៍ និងជាខ្លាថ្មីប្រចាំទ្វីបអាស៊ី។ នៅឆ្នាំ២០១៨ អ & អេហ្វ បានអភិវឌ្ឍគម្រោងថ្មីមួយទៀត គឺគម្រោង អ & អេហ្វ ហ័រហ្វ៊ូ ដែលជាគម្រោងអគារខ្ពស់ជាងគេ លំដាប់ថ្នាក់ខ្ពស់ និងទាន់សម័យជាងគេប្រចាំរាជធានីភ្នំពេញនេះតែម្តង៕
សម្រាប់ព័ត៌មានបន្ថែមទាក់ទង៖