ផាន់ ផាត់យុទ្ធ បានគេស្គាល់ច្រើន តាមរយៈវ៉ៃខ្សែក្រវាត់

2018-10-25 04:07:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ទម្ងន់ស្រាល ផាន់ ផាត់យុទ្ធ មានគេស្គាល់ច្រើនតាមរយៈការប្រកួតក្នុងកម្មវិធីខ្សែក្រវាត់ទម្ងន់៥៤នៅសង្វៀនបាយ័ន ព្រោះមានអ្នកតាមដានទស្សនាចំនួនច្រើន ហើយក៏ជាឱកាសដែលខ្លួនខំប្រឹងបន្ថែម។

កីឡាករ ផាន់ ផាត់យុទ្ធ

កូនសិស្សលោក ឡុង សាលវ័ន្ត បានប្រាប់ឲ្យដឹងថា ពីមុនមិនសូវមានអ្នកស្គាល់ច្រើននោះដែរ និងបានប្រកួតជាមួយកីឡាករបរទេសប៉ុន្មានប្រកួតប៉ុណ្ណោះ។ ការប្រកួតរបស់ខ្លួនភាគច្រើនពីមុន គឺប៉ះតែខ្មែរគ្នាឯងតម្លៃខ្លួន ៣០-៤០ម៉ឺនរៀលនោះទេ។ ប៉ុន្តែអ្វីដែលកត់សម្គាល់មួយរយៈពេលចុងក្រោយនេះខុសពីមុន តាំងពីបានលេងខ្សែក្រវាត់មកមានកេរ្តិ៍ឈ្មោះគួរសម។

កីឡាករថៃ ពេលចាញ់ ផាន់ ផាត់យុទ្ធ

អ្នកប្រដាល់នៅរាជធានីភ្នំពេញម្នាក់នេះបន្ថែមថា គួបផ្សំនិងខ្លួនវ៉ៃឈ្នះ៣ប្រកួតជាប់គ្នាវគ្គសន្សំពិន្ទុក្នុងពូលផង និងមានឱកាសច្រើនឡើងទៅវគ្គខ្វែងផងនោះ រឹតតែធ្វើឲ្យអ្នកនិយមប្រដាល់កាន់តែស្គាល់ រហូតមានទីផ្សារប្រកួតបន្ថែមទៀតផង។ នៅសង្វៀនផ្សេងៗទៀត ថានឹងផ្ដល់ឱកាសឲ្យបានវ៉ៃបរទេស នៅពេលចប់ពីការលេងខ្សែក្រវាត់នេះផងដែរ។

កីឡាករ ផាន់ ផាត់យុទ្ធ

រំលឹកដែរថា កីឡាករ ផាន់ ផាត់យុទ្ធ ជាកូនសិស្សលោក ឡុង សាលវ័ន្ត បច្ចុប្បន្នមានកំពុងលេងខ្សែក្រវាត់របស់សង្វៀនបាយ័ន ទម្ងន់៥៤គីឡូក្រាម។ អ្នកប្រដាល់រូបនេះឥលូវមាន ៩ពិន្ទុ ក្នុងដៃក្រោយ៣លើកឈ្នះទាំងអស់៕