Ole រើផ្ទះ និងនាំគ្រួសារនៅជុំគ្នាក្រោយបានកុងត្រាអចិន្ត្រៃយ៍
- 2019-03-29 01:06:03
- ចំនួនមតិ 0 | ចំនួនចែករំលែក 0
Ole រើផ្ទះ និងនាំគ្រួសារនៅជុំគ្នាក្រោយបានកុងត្រាអចិន្ត្រៃយ៍
ចន្លោះមិនឃើញ
លោក Ole Gunnar Solskjaer ត្រូវ Manchester United ប្រកាសឲ្យធ្វើជាអ្នកចាត់ការទូទៅពេញសិទ្ធកាលពីថ្ងៃម្សិលមិញ លើកុងត្រារយៈពេល៣ឆ្នាំ។
ក្រោយបានធ្វើជាគ្រូអចិន្ត្រៃយ៍ភ្លាម បុរសសញ្ជាតិន័រវែសមានផែនការនាំប្រពន្ធកូន និងក្រុមគ្រួសារមករស់នៅជុំគ្នាក្នុងប្រទេសអង់គ្លេស។ កាលនៅជាគ្រូបណ្ដោះអាសន្ន Ole មិនបាននៅជុំគ្រួសារនោះទេដោយសារកុងត្រារបស់លោកត្រឹមចប់រដូវកាលប៉ុណ្ណោះ ដូច្នេះវាមិនចាំបាច់ទាមទារឲ្យរើផ្ទះក្នុងរយៈពេលខ្លីបែបនេះ។
អតីតខ្សែប្រយុទ្ធបិសាចក្រហម ត្រូវក្លឹបតែងតាំងជាគ្រូបណ្ដោះអាសន្នកាលពីខែធ្នូជំនួសលោក Jose Mourinho ដែលត្រូវបណ្ដេញចេញ។ ជាង៣ខែមកនេះ Ole ជួយក្រុមឈរលេខ៥ ក្រោម Arsenal ២ពិន្ទុ, ឡើងវគ្គ៨ក្រុម UEFA Champions League ដោយត្រូវប្រឈមមុខនឹង Barcelona ប៉ុន្តែបានធ្លាក់ចេញពី FA Cup ក្រោយចាញ់ Wolves៕