គូស្នេហ៍ចាស់ជាងគេលើលោក ធ្វើខួបកំណើតរួមគ្នា
- 2014-11-25 17:27:09
- ចំនួនមតិ 0 | ចំនួនចែករំលែក 0
គូស្នេហ៍ចាស់ជាងគេលើលោក ធ្វើខួបកំណើតរួមគ្នា
ចន្លោះមិនឃើញ
លោកតា Karam Chand មានអាយុ១០៩ឆ្នាំ និងលោកយាយ Kartari ជាភរិយា អាយុ១០២ឆ្នាំ បានធ្វើពិធីខួបកំណើតរួមគ្នាកាលពីថ្ងៃអាទិត្យកន្លងទៅ ដោយយកអាយុអ្នកទាំងពីរបូកចូលគ្នា ស្មើនឹង ២១១ឆ្នាំ។
គូស្នេហ៍វ័យចាស់ដ៏ស្មោះស្ម័គ្រនេះ បានធ្វើពិធីខួបកំណើតរួមគ្នាបួនជំនាន់មកហើយនៅក្នុងផ្ទះរបស់ពួកគេនៅទីក្រុង Bradford ប្រទេសអង់គ្លេស។ លោកតា Kartari និយាយថា "ពួកយើងបានបរិភោគអាហារល្អត្រឹមត្រូវជានិច្ច និងមិនមានសារធាតុគីមីអ្វីនៅក្នុងរបបអាហារយើងទេ មានដូចជា ប៊ឺ ទឹកដោះគោ និងទឹកដោះគោជូរ គឺជាអ្វីដែលយើងចូលចិត្តបំផុត។
កូនប្រុសរបស់លោកតា Kartari ឈ្មោះ Paul ដែលជាកូនម្នាក់ក្នុងចំណោមកូនទាំងប្រាំបីនាក់ បាននិយាយថា "ប្រជាជនដទៃទៀតបានចាប់អារម្មណ៍ចំពោះឪពុកម្ដាយរបស់ខ្ញុំខ្លាំងណាស់។ ពួកគេតែងតែសួរខ្ញុំថា: តើអ្នកបរិភោគអ្វី? តើអ្នកផ្ដល់អាហារដល់ពួកគេហើយតើពួកគេមានសុខភាពល្អដូច្នេះរបៀបណា?"
ប្ដីប្រពន្ធមួយគូនេះបានរៀបការជាមួយគ្នាកាលពីថ្ងៃ១១ ខែវិច្ឆិកា ឆ្នាំ១៩២៥ អស់រយៈពេល៨៨ឆ្នាំ និង៣៤៩ថ្ងៃមកហើយ បន្ទាប់ពីជួបគ្នាក្នុងប្រទេសឥណ្ឌា៕
ប្រែសម្រួល៖ ទ្រី រ៉ាវី
ប្រភព៖ metro