ចិនមហាអំណាចសេដ្ឋកិច្ចទី១ តែ៩២លាននាក់រស់ក្នុងភាពក្រីក្រ
- 2014-12-07 23:18:55
- ចំនួនមតិ 0 | ចំនួនចែករំលែក 0
ចិនមហាអំណាចសេដ្ឋកិច្ចទី១ តែ៩២លាននាក់រស់ក្នុងភាពក្រីក្រ
ចន្លោះមិនឃើញ
ទោះបីចិនបានវ៉ាដាច់អាមេរិក ជាមហាអំណាចសេដ្ឋកិច្ចលេខ ១ ក្នុងលោកមែន ប៉ុន្តែប្រជាជន៩២លាននាក់ របស់ប្រទេសកុម្មុយនិស្តយក្សមួយនេះ កំពុងរស់ក្នុងភាពក្រីក្រ។ មន្ត្រីកាត់បន្ថយភាពក្រីក្រមួយរូបឱ្យដឹងកាលពីថ្ងៃសៅរ៍។
បើផ្អែកតាមលោក Liu Yongfu ប្រធានការិយាល័យកាត់បន្ថយភាពក្រីក្រ និងអភិវឌ្ឍន៍របស់ក្រុមប្រឹក្សារដ្ឋបានឱ្យដឹងថា អត្រាក្រីក្ររបស់ចិនបានធ្លាក់ចុះគួរសមដែរ ប៉ុន្តែក្រុង និងស្រុកចំនួន ៨៣២កំពុងតែជួបបញ្ហានេះ។
ជុំវិញវិបត្តិនេះ លោក Liu និយាយថា ក្រុមការងារចំនួន ១១៦ ៦០០ក្រុម ដែលមានអ្នកជំនាញ ៤៦៦ ០០០នាក់ ត្រូវបានគេបញ្ជូនទៅកាន់ភូមិទាំងនោះដើម្បីធ្វើការលើផ្នែកនេះ។
“គ្រួសារក្រីក្រទាំងអស់ សុទ្ធតែមានអ្នកជំនាញម្នាក់ ទទួលខុសត្រូវ និងជួយបង្ហាត់បង្រៀន ឱ្យពួកគេចេះពីការងារ ឬវិធីសាស្ត្រផ្សេងៗ ដើម្បីកាត់បន្ថយភាពក្រីក្រ"។
លោក Liu ចង្អុលបន្ថែមយ៉ាងដូច្នេះថា នៅមានការងារជាច្រើនទៀតដែលត្រូវធ្វើ ដើម្បីធ្វើឲ្យប្រសើរការរស់នៅរបស់ប្រជាជន ក្នុងតំបន់ក្រីក្រនៅគ្រប់ផ្នែកទាំងអស់ រាប់បញ្ចូលទាំងការអប់រំ ហិរញ្ញវត្ថុ និងផ្ទះសម្បែង។ ហើយនៅឆ្នាំ២០១៥ ចិន នឹងជួយភូមិចំនួន៥០០ភូមិ ឱ្យរួចផុតពីភាពក្រីក្រ តាមរយៈទេសចរណ៍។
យ៉ាងណាមិញ ប្រធានរដ្ឋបាលទេសចរណ៍ជាតិចិន លោក Li Jinzao បានលើកឡើងថា គិតមកទល់នឹងពេលនេះចិនបានជួយប្រជាជន៨លាននាក់ ឱ្យងើបចេញពីភាពក្រីក្រតាមរយៈការអភិវឌ្ឍវិស័យទេសចរណ៍។
បើទោះជាមហាយក្សអាស៊ីមួយនេះមានកំណើត GDP ក្ដី រដ្ឋាភិបាលនៅតែផ្ដោតការយកចិត្តទុកដាក់ទៅលើការបង្កើតប្រាក់ចំណូលប្រជាជនជនបទ ដោយដាក់គោលដៅឲ្យកំណើនផលទុនសរុបរបស់មនុស្សម្នាក់ៗ (GDP Per Capita) កើនស្មើពីរដងនៃ GDP ប្រជាជនម្នាក់ៗកាលពីឆ្នាំ ២០១០ នៅឆ្នាំ ២០២០ ខាងមុខនេះ៕
តាមពិតទំនិញគេលក់ចឹងតើ បានគេទិញមិនស្ដាយលុយសោះ ?
នាឡិកាមហាថ្លៃទាំង១០ ដឹងតម្លៃហើយលែងហ៊ានប្រាថ្នា
ប្រែសម្រួល៖ អ៊ុំ សុភក្តិ ប្រភព៖ Xinhuanet