តាំងពីមុនមកដល់ឥឡូវ ពេជ្រ សោភា មានតារា២ដួងក្នុងចិត្ត
- 2015-06-20 16:58:52
- ចំនួនមតិ 0 | ចំនួនចែករំលែក 0
តាំងពីមុនមកដល់ឥឡូវ ពេជ្រ សោភា មានតារា២ដួងក្នុងចិត្ត
ចន្លោះមិនឃើញ
ទស្សនិកជនតែងតែមានតារានៅក្នុងដួងចិត្តរបស់ពួកគេរៀងៗខ្លួន។ មិនខុសអីពីតារាខ្លួនឯងផ្ទាល់ក៏មានតារានៅក្នុងដួងចិត្តតាំងពីមិនទាន់ចូល និងចូលសិល្បៈហើយក៏ដោយក្តី។ ក្នុងនោះតារាចម្រៀងស្រីល្បីនៅក្នុងផលិតកម្មហង្សមាស ពេជ្រ សោភា បានបង្ហើបប្រាប់ Sabay ថាតារាក្នុងដួងចិត្តរបស់នាង គឺមាន យក់ ឋិតរដ្ឋា និងតារាចម្រៀងកំពូលរបស់កម្ពុជា ព្រាប សុវត្ថិ។
សោភា ពោលបន្ថែមទៀតថារូបនាងពេញចិត្តតារាទាំងពីរនេះ តាំងពីនាងមិនទាន់ចូលសិល្បៈខណៈកំពុងតែលក់អំពៅសាងនៅតាមទូកមកម្ល៉េះ។
“ពេលនោះកំពុងអង្គុយលក់សុខៗស្រាប់តែលឺបទរបស់តារាក្នុងចិត្តខ្ញុំ មានថ្មីម្តេចមិនប្រាប់ របស់បងព្រាប សុវត្ថិ ពិតជាសប្បាយចិត្តណាស់"។
តារាស្រីចាស់វស្សាប្រចាំហង្សមាសរូបនេះ បន្តពោលសរសើរទៀតថាតារារៀមច្បង ព្រាប សុវត្ថិ ជាមនុស្សម្នាក់ដែលសុភាពរាបសារ មិនចេះឆ្មើងឆ្មៃ កាយវិការ និងទឹកមុខគាត់ធ្វើឲ្យ នាងមានការពេញចិត្ត។ បន្ថែមពីលើនេះ រូបលោកបានអប់រំនឹងណែនាំពីរបៀបច្រៀងជាច្រើនពេលដែលរូបនាងបានចូលសិល្បៈដំបូង។
ជាមួយគ្នានេះផងដែរបទ "Beautiful Night” គឺជាបទដំបូងដែល ពេជ្រ សោភាបានចាប់ដៃគូសម្ដែងជាមួយ ព្រាប សុវត្ថិ ហើយ រូបនាងបានបង្ហាញពីអារម្មណ៍ដំបូងថា រំភើបដែលបានច្រៀងជាមួយនឹងតារាក្នុងដួងចិត្ត។
លើសពីនេះមិនមែនមានត្រឹមតែលោក ព្រាប សុវត្ថិ ម្នាក់ទេ ក្នុងនោះក៏មាន តារាចម្រៀងស្រីល្បីម្នាក់ទៀតគឺ យក់ ឋិតរដ្ឋា។
សោភា បានប្រាប់ថារូបនាងចូលចិត្តទឹកដមសម្លេង និងស្ទីលរបស់ យក់ ឋិតរដ្ឋា ជាពិសេសនៅពេលដែល រដ្ឋា ច្រៀងតែងតែបញ្ចូលមនោសញ្ចេតនាឲ្យអ្នកមើលបានដឹងដល់សាច់រឿងនៃបទចម្រៀងនោះទៀតផង។
“ មិនមែនតាំងពីមុនចូលសិល្បៈទេ សូម្បីតែឥឡូវក៏ខ្ញុំនៅតែពេញចិត្តនូវការធ្វើស្ទីលរបស់គាត់ទៀតដែរ"។ សោភា ថ្លែង។
មង្គលការឌីជេ ឃ្លាំង ចាប់ផ្ដើមពិធីហែជំនូន
អ៊ុន សិទ្ធា ព្រមនិយាយពីរឿងពាក់ព័ន្ធជាមួយ យ៉ែម សំអូន
អត្ថបទ៖ ថា ម៉ាលីដា