កីឡាករថ្មី Man Utd ៣នាក់ បង្ហាញពីអារម្មណ៍ ក្រោយឃើញលទ្ធផលចាប់ឆ្នោត UCL
- 2015-08-29 14:55:11
- ចំនួនមតិ 0 | ចំនួនចែករំលែក 0
កីឡាករថ្មី Man Utd ៣នាក់ បង្ហាញពីអារម្មណ៍ ក្រោយឃើញលទ្ធផលចាប់ឆ្នោត UCL
ចន្លោះមិនឃើញ
កីឡាករចំណូលថ្មីរបស់ក្រុមបិសាចក្រហម Manchester United ៣នាក់ ដែលមាន Memphis Depay, Daley Blind និង Bastian Schweinsteiger បានបង្ហាញពីចំណាប់អារម្មណ៍រៀងៗខ្លួន បន្ទាប់ពីឃើញលទ្ធផល នៃការចាប់ឆ្នោត វគ្គចែកពូលUEFA Champions League កាលពីយប់ម្សិលមិញ។
Memphis Depay (ឆ្វេង), Daley Blind (កណ្តាល) និង Bastian Schweinsteiger (ស្តាំ)
Man Utd បានឡើងលេងនៅវគ្គចែកពូល UEFA Champions League ឡើងវិញ បន្ទាប់ពីខកខានកាលពីឆ្នាំមុន ខណៈដែលលទ្ធផលចាប់ឆ្នោតកាលពីយប់ម្សិលមិញ ក្រុមរបស់លោក Louis van Gaal នឹងត្រូវជួបក្រុម PSV Eindhoven របស់ហុល្លង់, CSKA Moscow របស់រុស្សី និង Wolfsburg របស់អាល្លឺម៉ង់ ក្នុងពូល B។
លទ្ធផលនៃការចាប់ឆ្នោតនេះ មានន័យថា Depay នឹងត្រូវប៉ះក្រុមចាស់របស់ខ្លួន PSV បន្ទាប់ពីរូបគេ ចាកចេញទៅ Old Trafford រដូវក្ដៅនេះ។ កីឡាករវ័យ២១ឆ្នាំ បាននិយាយថា៖ "ល្អណាស់ PSV, យើងនឹងជួបគ្នាក្នុងពេលឆាប់ៗ"។
រីឯខ្សែការពារហុល្លង់ Blind ដែលចាកចេញពី Ajax ឆ្នាំមុន ក៏បានបង្ហាញពីអារម្មណ៍រីករាយផងដែរ ព្រោះបានទៅស្រុកកំណើតរបស់ខ្លួន។ កីឡាករវ័យ២៥ឆ្នាំ បាននិយាយថា៖ "នេះជាការចាប់ឆ្នោតដ៏ល្អ។ បានត្រឡប់ទៅហុល្លង់វិញហើយ ល្អណាស់!!”។
ចំណែកឯកីឡាករជើងចាស់អាល្លឺម៉ង់ Schweinsteiger ដែលផ្ទេរពី Bayern Munich រដូវក្ដៅនេះក៏យល់ថា នេះជាការចាប់ឆ្នោតដ៏ល្អដូចគ្នា ដោយនិយាយថា៖ "នឹងក្លាយជាការប្រកួតដ៏អស្ចារ្យ ដែលប៉ះ Eindhoven, Moscow និង Wolfsburg!!!”។
ក្រុមជើងឯកអឺរ៉ុប៣សម័យកាល Man Utd នឹងត្រូវធ្វើដំណើរទៅប្រទេសហុល្លង់ប៉ះ PSV ដំបូងគេ នាថ្ងៃទី១៥ ខែកញ្ញាខាងមុខ មុននឹងស្វាគមន៍ក្រុម Wolfsburg នៅ Old Trafford នាថ្ងៃទី៣០ ខែកញ្ញា៕
ចុះប្រិយមិត្តជឿថា Man Utd អាចឆ្លងផុតវគ្គចែកពូលនេះដែរទេ?
-ចុចអាន៖ លទ្ធផលចាប់ពូល UCL រដូវកាលថ្មីចេញហើយ តើពូលណាជាពូលមរណៈ?
ប្រែសម្រួល៖ វិន ជីវ័ន្ត ប្រភព៖ express